Yoohanee 10:6 - Anutuna Ufa

⁶ Yisufa mi quandara ufana qimannimufaqa siamma iriqau.

Yoohanee 10:6 Iomraidhean Croise

Idi Ufa 106:7

Ooqai anee Anutufa Isipa maqa maaqaki naaquqara ainaina auqamasoonaqa maasa qikeeku qikaaku qafamasee sia ani oosana iriqau. Anee misa moomoo kari amuqusamma nimaqoonnanara sia misa minara iriqau, qaunuseeqa misa Taatuqee nammari afaisaa oonuree ani aiqama afeeka faqaanara nimeesa uqusee nári nidiramau fimariqau.

Idi Ufa 82:5

Maa maqanasaa maria siaasausa innee irirana siaisa eendaandirana oosana uqanna maraidaqa asukunakiara foora kai nimariafanoo. Inni mi manda oosannara andeeqara oosana fannoo maa maqa maaqanaki taikanoo maridanoo.

Aaquqira Ufa 28:5

Manda oosana maree mariasa sia andeeqara oosanara iridaqa. Yaweenara inaaru qimariasa misa andeeqara oosanra amiqimmasee iridaqa.

Mataioo 13:34

Maa ufana faiqí anaasee moomoo marufanoo Yisufa quandara ufakiqari kai qimanniminau.

Mataioo 13:51

Miqi qimaseenoo Yisufa narí faiqi namu irammirinau. Innee maa ufana oosana irida fee. Miqi qufaqa misa eedoo qiqau.

Mareekoo 4:34

Sia sia quandara ufakiqari qimanniminau quandara ufakiqari kai qimannimi marinau. Mifa narí faiqi namufaqa naaduma marunnai minni mi quandara ufana oosana kooroommanniminau, maqee maqee miqimmi marinau.

Yoohanee 16:25

Qinee kukeeqara ufannai inni qimannimi mariafannana. Qusasaa sia qinee kukeeqaanaura kooroomandee qeeqa qikoona Anutunara akooqoo qimannimianaura.

Yoohanee 16:29

Yisuna faiqi namu mi ufana iriseeqa qiqau. Doo iria, doo maqee maasa kooroomasee qimaqimimariananoo.

Yoohanee 6:52

Yisufa miqi qimasoofaqa Yuda maqannaasa narí afumau narí afumau aanoo qidaqa qiqau. Naqimasee maa fasiqafa narí amaqi maasa qiminaqa naanauree qidaqinoo fee.

Yoohanee 6:60

Yisuna faiqi namu akaqausa mi ufana iriseeqa qiqau. Oo yafee maa ufana amana iriannoo fee. Irisee sia auqaaqaa ira ufa maridanoo.

Yoohanee 7:36

Mifa qinoo innee qiniara randasee sia paqurifaranoo. Qinee fuanannai innee sia fifaranoo. Mina ufoosana sia maasa iridaqa.

Yoohanee 8:27

Yisufa narí akoona aufakiana qimannimimarufaqa siamma irimariqau. Minara Yisufa kaifaa maaqi qimasee qimanniminau.

Yoohanee 8:43

Innee naqaa fee ifaqee sia qini ufa oosana iridee. Innee qini ufa iriafanoo nikooqaidanoo miqidaqa sia irimariafanoo.

1 Koorinti 2:14

Anutuna maraquna siai fasiqa anaaseesa sia amana Anutuna maraquna faiqí anaasee dadaaqimari afeekana nimimarina sia amana mareefaranoo. Misa mi ainainna qafamaseeqa sia minara iridaqa furufara ainainee qidaqa. Sia mina oosana iridaqa maraquna maree mariasa kai amana mina oosana aiquqummaseeqa irifaranoo.

2 Peetooroo 2:22

Misa ooqeenaasa ufamau fidaqa faini narí fidirana kafaa narí naidanoo, kuarara foora afaaqa nammari uqusainanoo kafaa oonu dikoomaki doona reeree mareenoo anidanoo misa miqimmidaqa.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.