Yoohanee 10:35 - Anutuna Ufa

³⁵ Sandufa andeeqanoo maridanoo naaru naaru sia aaqee mariafanoo, innisaimbaqa minara iridaqa. Anutufa narí ufa misasaa quqaseenoo misara Anutu fee qinau.

Yoohanee 10:35 Iomraidhean Croise

Oosana 15:1

Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.

Mataioo 24:35

Innaaruna faqa innaarunakinaa ainaina faqa maqa faqa maqasaaqaraa ainaina faqa aiqama taikafuannoo. Qini dookinaafa sia taikarana amana naaru naaru anoona uqanna mariannoo miqi kaimminoo mariannoo.

Mataioo 5:18

Simai, qini ufa iriaqa innaaaruna faqa maqa faqa firaa ainaina maridanoo. Mooseena sandufa faqa firaa ufa maridanoo sia dauni taikaannoo. Ati faqa kaqikaafa faqa sia uqanna taikaannoo kaqi uqanna mariannoo. Mooseena sandufa fifi inoo anoonaikinnaqoo miqoo innaaruna faqa maqa faqa mi sandufana faqa doo miqoo kai taikaannoo.

Ruka 16:17

Innaaruna faqa maqa faqa tautumaki taikarafa amana mariannoo, Mooseena sandufa faqa tamummaqara fasiqauqa ufa faqa kaqikaa ati kai sia amana taikaannoo afeeka mariannoo.

Yoohanee 10:34

Yisufa mina iriseenoo qinau. Inni sandufa akaraki Anutufa qinau. Innee faiqí faiqi Anutunaikammida mariafanoo.

Yoohanee 10:36

Anutufa qini maraseenoo maa maqa maaqanaki diqiqamaqoonaki maridaqa. Qinee qeeqaraa Anutuna amaaku fee qunnanara naqimasee fee minannai Anutuna mandaikamma amaqaanauree sia amanaikiannoo.

Yoohanee 19:28

Yisufa nariara irufanoo aiqama ainaina doo maqee anoonaikufanoo moodaa ooqeenaa akara nammariara qimaqoofa mifa kai sia anoona kambiqaifaqee qimasee minara maaqi qinau.

Roomma 13:1

Aiqama kaamanauqa faqa uriqararausa faqa Anutufa kai quqaidanoo. Sia moo fannoo narí kambiqaidanoo, Anutufa eedoo qinara kai kambiqafi maridaqa. Minara irisee innee aiqamausa misa ufamau kai fuaqa.