Yoohanee 10:27 - Anutuna Ufa

²⁷ Qini sipsipauqa qini ufa iridaqa qinee misara faqa iridaqa, misa minara aiqama qini faqa fidaqa.

Yoohanee 10:27 Iomraidhean Croise

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Mataioo 25:12

Miqi qufanoo mifa iriseenoo qimanniminau. Sia qinee inniara iridaqa innee yai mariaasee, doo see fuaqa doo kooqi ititaseeqa.

Mataioo 7:23

Misa miqi qifaqa qinee maaqi qimasee misa nifusaa qimannimianaura. Qinee sia uqanna inniara irimariafanausa. Doo qini qifusaaqari fuaqa. Inni oosana eendaandirafa maridanoo. Doo fuaqa.

Mareekoo 10:21

Mi fasiqafa miqi qufanoo Yisufa minara aidufanoo andeeqasee mi fasiqana oori qafamasee qinau. Anee moodaa ainainara kai sia auqaananoo. Anee aneenna ainaina aiqama marasee faiqí akaqausa nimisee minasaa munnimma maraseenana kudi fasiqausa nimisainanoo ani qumiasana ani afeesara innaarunai mariannoo, miqinana doo ania, doo qini faqa aniree fua qufanoo mi fasiqafa mina iriseenoo narí moomoo ainaina marunara amuqusufanoo oori runusee finau.

Mareekoo 8:34

Miqi qimaseenoo narí faiqinamu faqa naarama quqaseenoo qimanniminoo qinau, moo fannoo qini faqa fuani qinafa narí maaqoo mariranara minniseenoo qini ufa saara qini daanna ramasee eedoo qimasee kuqiranaki fuannoo.

Ruka 13:27

Maaqa akoofa mina iriseenoo kafaa qimannimiannoo, innee yaindaraasee maridee, innee manda oosana maree mariasa mariafanoo innee qini daaqa mariaqooqari moosaa fifuaqa. Yisufa mi ufanannai innaaruna kooqi kikiqa usinoo kafaa maa ufana miqoo marusa qimanniminau.

Ruka 9:23

Yisufa quandaki aiqamausa qimannimidanoo qinau, faiqí moo fannoo qini faqa firaree qimasee qini ufamau finafa narí marirana minniseenoo faasaambaasaana qini ufasaara kuqa dariranara amanaikidee qinafa qini faqa fidanoora foora qini ufamau fuannoo.

Yoohanee 10:14

Qinee sipsipasaa amiqira rakisirausa maridaqa. Qini qikoofa qiniara iridanoo. Qinee miqi kai iqa qeeqa qikoonara faqa iridaqa.

Yoohanee 10:16

Sia maaqooqaraasa kai qini ququsaki mariaqeera. Qini ququsa fannoo moomoo maqusanaasaki faqa maridanoo. Minakinaasauqa faqa nifiqa quqaanaura. Misa faqa qini ufa irisee eedoo qifaranoo. Miqoo moodaanaki marifaranoo moodaa rakisirafa misasaa mariannoo.

Yoohanee 10:8

Ooqai qini doorini indaaru anusa qummuari maru fasiqausa kai animariqau. Sipsipauqa sia misa ufa iriqau.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Yoohanee 21:22

Yisufa qimaminoo qinau, Peetooroo sia mi fasiqana ainainirafa ani saikafau maridanoofau, qinindi maridanoo. Qinee mi fasiqanara sia dauni kuqua, kasooqaqee qinee kafaa qumuanna aukuana ani paqurianauree qiananoofau miqimmiqini. Peetooroo sia ani saika maridanoo. Ani saika maafa maridanoo. Anee qini faqa fuannee qidaqa.

Yoohanee 5:25

Qinee anoona ufa inni qimannimidaqa. Moo aukuana doo adeedi ranoo marida doo animaridanoo maa maqanasaa kaqi maridaqa Anutuna nariranaki mariusa kuqufusa Anutuna amaaku qinaqa iriseeqa doo narirafa ainaaqarainaqa kaqi mariranaki keeqeefaranoo.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Yoohanee 8:43

Innee naqaa fee ifaqee sia qini ufa oosana iridee. Innee qini ufa iriafanoo nikooqaidanoo miqidaqa sia irimariafanoo.

1 Koorinti 8:3

Faiqí anaasee moo fannoo Anutunara aidimarifanoo Anutufa amiqimmandee misara iridanoo aididanoo.

Karatia 4:9

Doo maqee uqanna Anutunara irimariafanoo, Anutufa faqa doo inniara faqa iridanoo. Doo nanaree innee miqooqari kafaa quandaki kafaa manda umooqukira kuquaqaaira maqasaa irirana innai faqa inniqa nauraa manda sandufa innai faqa quandee fee. Innee Anutuna faiqikiranakiqari quandaki fifau maqasaa irirana rumbaranaki fidee miqidaqee. Saina Yisunasaa rusirafa kai mariaqaana.

2 Timooti 2:19

Misa miqira ufa fannoo sia amana Anutuna ufa aruannoo, faakanara foora arufinoo sia kasiannoo. Mi faakannasaa maa ufana akara rinoo maridanoo Karaambaiqa narí faiqí aanaaseera iridanoo. Ya faiqi anaasee fee nariara karaambaiqaindi fee qinafa mifa mandoosana ameesuquseenoo andeeqara oosana maraannoo. Anutuna ufa faakanara foora marina oosana miqi mminoo maridanoo.

Heeburu 3:7

Anutuna naaquqara andeeqara maraquna fannoo maaqi qidanoo. Innee maqee Anutuna ufa iriaqa inni saimbaqa Isaraee maqannaa ninausa nikausa ooqai aadana maqa maaqaki fidaqa ititammasee ufa rukioondee innee siammiaqa. Misa Sinai aadana maqasaa Masaa maqasaa faqa Meeribaa maqasaa faqa nammari sia marunara Anutuna amanamandee qafaida naundaufa naundaufa qiqau.

Uqafiqoo Ufafa 14:4

Mi fasiqausa sia anaasee qummuari marusa amiqira maanaaqara foora andeeqarausa kai maridaqa. Misa sipsipa aanaaqi kuquna Yisuna faqa aiqamai fimarusa misa maqasaa fasiqa nandafiana neera fooridaqa misa Anutunaindi faqa Yisunaindi faqa maridaqa miqidaqa.

Uqafiqoo Ufafa 3:20

Iriaqa qinee Yisusa faiqí nimuqusa kooqi afaisaa kikiqammambiqa kooqi atuaannee qimasee kukusidaqa. Faiqí moo fannoo qinee kukusiannana irinoo narí kooqi atuqainaqa qinee mina amuqusa ooki keeqafiqa mina faqa naanaura mifa qini faqa naannoo.