Yoohanee 10:11 - Anutuna Ufa

¹¹ Qinee sipsipasaa amiqimasee rakisimarunausa maridaqa. Sipsipasaa amiqimasee rakisimarifa narí sipsipasaara kuquannoo.

Yoohanee 10:11 Iomraidhean Croise

Idi Ufa 23:1

Yaaweefa qini sipsipasaara foora rakisi qimaqee marifaqa qinee sia moo ainainara sarau ianaura.

Idi Ufa 80:1

Oo Yaawee, anee Isaraee maqannaa sipsipasaa rakisirafara foora mariannanara maasa ufa iria. Anee maasa sipsipara foora rakisi marianafa mariannanara maasa ufa iria. Anee angiroouqa niqoosa faqaasa mariaqoo seerubimma mariaqoo miqoo anee Yaaweefa ooqu marifi marianafa mariannanara anee maasa ufa iria.

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

Yoohanee 10:2

Sipsipa kooqiki keeqee marifa mifa sipsipasaa rakisimarifa maridanoo.

Yoohanee 15:13

Faiqí moo fannoo narí aqoondi amaaqa maqasee kuqinna fasiqafa mina aidirafa aiqama nidirana arusee uriqaramaqaraasa uqanna inoo mariannoo.

Titusa 2:14

Mifa maasa kuqirana nariara maraseenoo maasa sia maraaqeera maasa kuqiranaki mifa keeqanau. Sia fifaufau kuqinau. Maasa qeeqa mandainainakinaana mareeqeenoo maqee kamuqoo narí kaaqa qara andeeqara fasiqa anaasee kammannimaqaaneera kuqinau. Maasa minaindikuqanna iaqeera, maqee maria kamuqoo amiqira ainaina kai maasa aruqarara rimariasaikamma fuaqeera kuqinau.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

1 Peetooroo 5:4

Innee miqimasee faiqí anaasee rakisifanoo aandaura foora rakisirafa firaafa Yisufa innaarunaindari akooroomafinoo kaaqa areenara qafee inni nikiqasaa quqasee nimiannoo sia areenarafa taikaaninafa naaru naaru kaqi marianinafa.

1 Yoohanee 3:16

Maasa nariara nariara uriqarara ainainee qimasee nimuqusira oosana maaqimminoo maridanoo. Asauku mundirafa maasara amuqusidanoo narí marirana maasara aunirira saqarisaa quqasee kuqinau. Doo maasa faqa miqi kai iqa maasa qeeqa qikaqaafasaa Yisuna ufa irimariasa mina ufasaara kuqiranaki firariafaqa maasa misa rafaaqafunnimaqasee kaqi mariaqee qimasee misa nimaaqa maqasee kuquanaura.

Uqafiqoo Ufafa 7:17

Sipsipa aanaaqi rakisira qaari qambaanai marifa mifa misa rakisirafa marinoo misa nifiqee munusainaqa kaqi marira nammari maqakiqari radiqisee ururee mariqoo neefaranoo. Anutufa misa naukunu rukasaina misa ikiraqarafa taikaannoo.