Yoohanee 1:48 - Anutuna Ufa

⁴⁸ Natanaeerafa minara iriseenoo tautumaseenoo maaqi qimasee Yisuna qimaminau, anee naqi fee masee qiniara iridanee. Yisufa iriseenoo maaqi qimasee qimaminau. Natanaeera faasai Firipifa sia ani paquriqoo anee aneenna maqusai aneenna faafisa atukaki nianai marianaqa qinee ani aundurakinaa oosana faasai qafeeqa.

Yoohanee 1:48 Iomraidhean Croise

Mataioo 10:3

Moo fasiqa Firipifa faqa moo fasiqa Paatooroomaiufa faqa, moo fasiqa Toomasifa faqa moo fasiqa Mataioofa faqa mifa takisa maree marufa faqa moo fasiqa Yameesana amarafa mifa Arifaiusana amaaku faqa moo fasiqa Tadiusafa faqa, moo fasiqa Simoonafa sia indaaruqaa Simoonafa mina amarafa (mifa nári Isaraee maqannaa nári kaamanaikiaqeera qimaru fasiqafa) mifa faqa moo fasiqa Yudasifa faqa, mifa Keerioota maqusaindaraafa mifa kai Yisunara qumee queeqaaninafa maridanoo.

Mataioo 6:6

Innee innaaru qidaqa inneeqa maaqaki inneeqa kai keeqafinana kooqi ititaseenana qumee kai inneeqa nikoonara innaaru qifanoo, aiqama ainaina kukeeqarana faqa qafee marifa ani qafamaseenoo mina akiaqara amaqaannoo.

Yoohanee 1:44

Firipifa faqa Andurufa faqa Peetooroona faqa Beetasaida maqusaindari moodaa maqusanaasa mariqau.

Yoohanee 12:21

Kirisa maqannaasa aniree Firipina irammiriqa qiqau. Oo maa fasiqa, Yisuna qafararee qidaqa amanee maasa qifiqee finaqa qafaanauree. Firipifa Beetasaida maqusaindaraafa Kariree maqa maaqakinaafa marufa.

Yoohanee 14:8

Firipifa mi ufana iriseenoo Yisuna qimaminoo qinau, Oo karaambaiqa aneenna akoona uqaqifiqainaqa qafamasee doo fee qianaura.

Yoohanee 2:25

Sia moo fannoo faiqí naundurakinaana qimamiqau. Narí kai amiqimandee aiqamausa naundura mandirirana niqafamaseenoo misaki sia afaaqa quqanau.

Yoohanee 6:5

Yisufa nindafoofaqa faiqí anaasee moomoo narí marunnai amuaqunamusaa urimarufanoo nindafeenoo Firipina irammirinoo qinau. Yisufa faasai Firipifa ianinnanara iriseenoo Firipina kaqi amanamasee qafarara maaqi qimasee iranau. Firipi faiqí anaasee moomoo nianaindari uri mariafaqa yai fee misa narana feefauru mandee nimianauree.

Yoohanee 6:7

Firipifa mi ufana iriseenoo maaqi qimasee qimaminoo qinau. Faiqí anaasee muduka moomoo mariafaqa moomoo ooni maramaree oonu feemu moomoo feefauru mamaree minisaifanoo sia misa nimana mariannoo. Moodaa moodaakai namasee naarara fifaranoo.

1 Koorinti 14:25

Narí mandirirafa aundurai kukeeqanoo marinafa aiqama kooroomambinanoo mifa anuka kummarammafinoo Anutuna amooqidanoo maaqi qiannoo kuqaa Anutufa maaqoo inni faqa maridanoo fee qiannoo.

1 Koorinti 4:5

Innee minara irisee sia maasara kasaaqaindari ufa qiaqa. Karaambaiqa innaarunaindari quminna faasaana kai taikara ufa qimannimirafa mariannoo. Mikari karaambaiqa sia ooqai akooqoo mariu irirana kukeeqara irirana oosana oosana irirana minakinaana uqeereeqeenoo aiqamausa nifusaa kooroomannimaqaannoo. Aiqama fasiqa anaasee naundurakinaa oosana auqeefandiannana deedaqirana akooqoo aiqamausa nifusaa mara quqasainaqa qafeefaranoo. Mikari aiqama fasiqa anaasee nári maqasaa andeeqara nirana marirana amana kai Anutuna amooqirana mareefaranoo. Mikari Anutufa maasa saika oosana aiquqummasee minara ufa qiannoo. Maasa mina ufamau fimariafanausa marunnanara innee sia ufannai maasa saika kasaaqaindari aruaqa.