Yoohanee 1:27 - Anutuna Ufa

²⁷ Mifa qini qinaaqianna anianinafa qini uriqararafa mariannoo. Naqimasee fee qinee mina dadaaqianauree. Qinee kuqaa ooreeqararausa uqanna maridaqa.

Yoohanee 1:27 Iomraidhean Croise

Oosana 14:23

Sia uqanna ani ainaina kaqikaa ainaina maraanaura tirita faqa niku aanaamu sanda faqa ririmma sia maraanaura. Anee qiniara maasa ainaina maraseenoo moomoo ainaina faqaasee qidanoo mifoo qinoora. Sia uqanna maraanaura.

Mataioo 3:11

Kuqaa qinee Yoohaneesa nammari kai inni rumannimaqaida. Inniqa mandainaina minnisee Anutuna ufamau firanara koorooianifeera fifau nammari kai rumannimaqaida. Kasooqaqee qini qinaaqiannai moo fannoo kambiqaannoo. Mifa qini uridaaqaraannoo. Qinee ooreeqarausa mina ameemaanai marianaura. Naqimmasee fee qinee mina dadaaqianauree mifa firaafa qini faqa uridaaqararafa maridanoo. Mifa sia fifau nammarinnai kai inni ooqumarinimaqaannoo. Mifa Anutuna kaaqa areenara maraquna inni naakunnimaqaannoo. Mifa kudimakirana idaqaanifeera idannai faqa inni rumannimaqaannoo Yoohaneefa oofaafana kikiqa usuna maa maqanasaaqaraasara qidanoo qinau. Innee Yisuna asaukuki faiqí anaasee oofaafanara foora doo maridaqa. Kaqikaaqoo utitiqamanniseenoo mina adi fuaqa aquannoo. Anoona narí mareeqeenoo narí maaqaki quqaseenoo aanaaqmaara mandoosana maree mariasa idaraannoo. Ida firaana sia dimbeemari idanaki araannoo.

Mareekoo 1:7

Yoohaneefa maaqi qimasee faiqí anaasee qimanniminoo qinau. Qini qinaaqiannai kambiqaaninnafa qini firaaqoo uriqararafa mariannoo. Qinee Yoohaneesa kasooqaqee kambiqaaninna fasiqana mina kaaqa ureeqarausa maridaqa. Naqimasee fee qinee mina dadaaqianauree ureeqara ainainira fasiqauqakiqari ureeqararausa maridaqa sia amana mina dadaaqianaura.

Ruka 3:16

Yoohaneefa minara iriseenoo qimanniminoo qinau, qinee fifau nammarinnai inni rumannimaqaidaqa, moo fannoo firaaqoo qini uriqararafa aniannoo, naqimasee fee qinee mina dadaaqianauree. Qinee fifau ainainara foora marianaura, mifa kaaqa uridaqaaqaramasee uriqararafa mariannoo. Mifa Anutuna maraqunannai faqa idannai faqa rumannimaqaannoo.

Yoohanee 1:15

Yoohaneefa nammari nimimarufa minara Yisunara kooroo inau. Mifa maaqi qimasee faiqí anaasee qimanniminoo qinau. Ooqai qinee qimannimiqia. Moo fannoo qini qinaaqianna aniannoo. Qinee kambiqaafannaqoo mifa ooqai mariufa marifaqa qini uriqarara fee qiafanafa maana Yisufa mifa maridanoo. Yoohaneefa miqi qimaseenoo minara qimanniminau.

Yoohanee 1:30

Eenda qinee minara maaqi qunafa maafa qinee sia mariafanna kamuqoo marunara qini uriqararafa maridanoo qini qinaaqianna kambiqafi aniraannoo qunafa maana mifa maridanoo.

Yoohanee 10:41

Faiqí anaasee moomoosa suqufufaqa Yisufa maruqoo maridaqa narí qimami narí qimami maaqi qiqau. Yoohaneefa nammari nimimarufa sia moo ainaina firaa ainaina auqanau. Yoohaneefa maa fasiqanara qufa doo aiqamainaina anoonaikidanoo.