Yoohanee 1:14 - Anutuna Ufa

¹⁴ Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Yoohanee 1:14 Iomraidhean Croise

Idi Ufa 2:7

Maqasaa karaambaiqa maaqi qinau, qinee Yaaweefa qima qimu ufana kooroo ianauree qinau. Mifa qiniara maaqi qinau. Anee qini qimaaku mariananoo maqee faasaana ani akausaikammiqa.

Idi Ufa 45:2

Oo maasa maqasaa Karaambaiqa ani afaaqa aiqama faiqí faiqikiqari amiqirafa mariananoo. Ani afauru deepimaseera foora amiqira ufa adiafaa ira ufa kai ani ookiqari ururaidanoo. Minara naaruara naaruara Anutufa ani amiqi amiqimma amaqaidanoo.

Idi Ufa 85:9

Yaaweefa nariara naaquqaifaqa qeerairi mariasa kuqaa asumu mararara deedaqinoo maridanoo. Miqinoo marifanoo mina dadaaqira marirafa maasa maqa maaqaki aiqama atinai mariannoo.

Mataioo 1:16

Yakooboofa Yooseefaana akoofa marinau. Yooseefaafa Mariana afaaqi marinau. Mariafa Anutuna asauku mundirana Yisuna anoofa marinau.

Ruka 2:11

Maqee eendaki, inni innaarunai mareefandinnana asumu maraaninafa Anutuna asauku mundirafa karaambaiqa fannoo Dafidina maqusaki kambiqeenoo.

Ruka 2:7

Miqanda Beetareeqeemma maqusai ooquree faiqara maaqara randoosia faiqí anaasee moomoo suqufufaqa aiqamaki qumbiqafunara burimakau faiqee maru maqana qafamaseenoo Mariafa narí faiqi minaki maqanau, maqaseenoo suara aruandoo qimaseenoo qamunna kisaaqa anaqiranannai kukuqammeeqeenoo burimakau difaaniki faiqamaqanau.

Ruka 9:32

Peetooroofa narí faqa maruqanda faqa faiqaqee mariufanoo findifiqa Yisuna kaaqa qarana faqa mi fasiqaqanda faqa niqa fee mariqau.

Yoohanee 1:1

Ooqai maa maqa maaqafa sia marunakinai Anutuna afeeka ufara foora Yisufa marinau. Mi afeeka ufara foora Yisufa Anutuna faqa marinau. Mi afeeka ufafa Anutufa kai marinau.

Yoohanee 11:40

Yisufa iriseenoo qimaminau. Qinee faasai qimamunnana anee qini saqarikinana anee Anutuna afeeka eeraarirana qafeennaranoo.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 14:9

Yisufa mina iriseenoo akooqoofanoo raiqaseenoo qinau. Firipi qinee kisaaqasaa inni faqa mariafanausa marunana anee sia irirana irimariananoo. Yafasiqa anaasee fee qini qiqafainafa doo qini qikoona qafaidanoo. Anee nanaree qiniara aneenna akoona uqaqifiqaannee q inanee.

Yoohanee 17:22

Maa maqanasaaqaraasa mina qafamaseeqa qiniara oo kuqaa innaarunaindaraa fee qiaqeera. Anee qifaaqa areenara eeraarirana qimiannana qinee mina maramaree misa faqa nimunaqa misa anindiri qisakoosa daanna reeqa moodaanaki mariaqeera.

Yoohanee 17:24

Yisufa kaqi narí akoonara innaaru qidanoo qinau. Oo qipoo, maa qini faiqi namu anee qimunausa kasooqaqee qini faqa mariaqoo kai mariaqeera didifaqa innaaru qidaqa. Ooqai maa maqa maaqana sia maru aukuanna anee qiniara aidunara anee qifaaqa areenara eeraarirana qimunnana qini faiqi namu kasooqaqee mari iqa oorureeqa qafaaqeera innaaru qidaqa.

Yoohanee 18:37

Piratoofa mina iriseenoo kafaa Yisuna irammirinoo qinau, Kuqaa fee anee karaambaiqa moo maridanee. Yisufa mina irisee maaqi qinau. Anee qianandee kuqaa qinee Karaambaiqa maridaqa. Kuqaa anoona ufa kai qimannimirara qinee maa maqanasaa kambiqafi maridaqa. Kuqaa anoona ufara randeemaria fasiqa anaaseesa misa qini ufa iridaqa.

Yoohanee 2:11

Miqinoo Kariree maqa maaqaki Kannaana maqusai Yisufa narí saika oosana araseenoo faiqí sia auqoo ainaina amiqira oosana auqamasoofaqa faiqí anaasee qafaqau. Mifa mikari narí afeeka firaana uqannifiqoofaqa mina ufa irimaru fasiqausa Yisunara kuqaa Anutuna amiqira afeeka uqannifiqee mari fee qiqau.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Yoohanee 3:18

Maqasaa fasiqa anaasee Anutuna faiqi namukinausa mina saqarikinausa Anutuna narirafa sia misasaa maridanoo. Sia Anutuna faiqi namukinausa sia mina saqarikinausa doo ooqai Anutuna narirafa misasaa maridanoo. Misa Anutuna moodaa faiqiara sia misa nári irirana minasaa rusirai Anutuna narirafa minarakai doo misasaa maridanoo.

Yoohanee 6:51

Qinee kaqi marira feemu innaarunaindari qumu marunausa maridaqa. Faiqí anaasee moo fannoo qinee amianna feemuna namasainafa naaru naaru mariannoo. Qinee nimianna feemufa qini qimaqi maridanoo. Maa maqa maaqana afaaqasasa mariasa kaqi mariaqeera nimidaqa.

Yoohanee 8:32

Innee kuqaa anoona ufa kai irifaranoo. Anoona ufa fannoo inniqa mandainainakiqari inni idukuannoo.

Roomma 8:3

Mooseena sandufa nimaarusira ufa sia amana maasa uqeereeqeenoo maasa faiqí faiqi maasa marirafa kudoosaapaunanoo minara sia maasa uqeeraqiseenoo. Mooseena sandufa kadiqo̱ofanoo miqoo Anutufa moo oosanannai anoonaikinau. Mifa narí amaaku aqiqoonannai maasa faiqí faiqi naundurakinaa mandainaina arinau. Yisufa faiqí faiqi naundurakinaa manda ainaina maraquanifeera narí faiqí faiqi fooqaanaikamasee aqiqoofanoo quminau.

Roomma 9:5

Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.

1 Koorinti 15:47

Indaaruqaa Adamafa maqasaaqaraa kookoomannai auqirafa marinau. Inaaqianna Adamafa Yisufa innaarunaindari quminau.

2 Koorinti 12:9

Qinee Pauroosa mina iriseeqa maaqi qidaqa qinee qeeqa kudoosaapee marunnanara asasammasee amooqidaqa. Asauku mundirana afeeka fannoo qini rafaaqa fuanifeera qeeqa ummooqukiannanara amooqidaqa.

Eefeesusa 3:8

Qinee Anutuna aiku asauku maqasaa fasiqaki oorudupirausa marunanoo Anutufa sia minara irinoo kaqi mi naakaparana qiminoo diqiqamaqimaqeenoo asauku mundirana, innaarunai nimira amiqi amiqira ainaina moomoo ainaina sia amana asaana rirana amana mi ufanara aanaamuru qimannimiranaki qini quqaqisaifaqa maridaqa.

Kooroosee 1:19

Anutufa narí kai narí amaakuara asasamaseenoo qini daanna ramafi urinaaqaramafi mariannee qufanoo maridanoo.

Kooroosee 2:3

Asauku mundirafa Anutufinnai fimaria irira kooqiara foora maridanoo. Anutuna aiqama irirafa oosana oosana adiafaaira irirafa anoona qira irirafa firaa qumiasanara foora Yisunaki mandaaqanoo maridanoo. Sia maa maqanasaaqaraa munnimma ainaina mararara iranau qidau innaarunai fimaria irirana faqa maaqoo nariara nariara nimuqusira nidiranara minara kai qidaqa. Innee faqa mina maraaqeera kadaapiridaqa.

Kooroosee 2:9

Sia asauku mundirafa fifau afaannafau maridanoofau. Anutuna aiqama afeeka marira irirafa muduka tia uqanna Yisunaki maqasaa qumu marinau.

1 Timooti 3:16

Maasa Yisuna ufa irirana anoona ooqaindari kukeeqara ufa marifa Yisufa idaaqirafa firaafa maridanoo, sia amana moo fannoo minara qaoo qirafa. Yisufa maqasaa fasiqa nifiri kammafinoo koorooinau. Anutuna maraquna fannoo minara andeeqarafa maridanoo fee qinau. Qangiroouqa mina qafaqau. Faiqí moomoosa maaqanna maaqanna minara qimannimiqau. Maa maqa maaqanaki marusa minara kuqaammifoo qiqau. Anutufa mina mareeqeenoo innaarunai quqaqoofanoo maridanoo.

Heeburu 1:3

Mifa narí akoona Anutunasaaqaraa areenarana firaaqoo rupannooidanoo mifa Anutuna oori afiri amudaani narí akoofara foora mina amanakai uqanna maridanoo, narí afeekufannai innaaruna faqa maqa faqa aiqama ainaina uqeera afeekaikamaqoofanoo maridanoo. Mifa Anutuna amaaku fannoo faiqí faiqi mandainaina maqasaa qumu anukama rukaseenoo narí akoona aaqa innaarunai aiqama ainaina uriqararana asauku uqannai ooru ooqumarinau.

Heeburu 1:5

Anutufa maaqi qimasee narí amaakuara qinau. Anee qini qimaaku mariananoo. Maqee qinee ani akausaikiqa maridaqa. Anutufa sia qangiroora mi ufana qinau narí amaakuara kai miqi qinau. Anutufa narí amaakuara moo ufa maaqi qimasee qinau. Qinee mina akausa marianaura. Mifa qini qimaaku uqanna mariannoo. Sia qangiroorau miqi qinoofau narí amaaku Yisunara kai miqi qinau.

Heeburu 10:5

Miqi marunara asauku mundirafa maa maqanasaa qumiraree qimasee maaqi qimasee Anutuna qimaminau. Anee aandau arusee qaindasaa tatufiranara, akooqaidanoo, Anee faiqí qifaaqa deedaqamma qimaqainanoo.

Heeburu 2:11

Yisufa faiqí faiqi maraseenoo nári mandainaina findaukamaseenoo anukaranaki quqannisee marifa maridanoo. Mifa faqa ninukamaqaisa faqa moodaa nikoona faqaasa marianara Yisufa misara sia asauridanoo qini qikaqaafasaa fee qidanoo.

Heeburu 5:5

Yisufa asauku mundirafa miqi kai masee sia narí kai nariara uriqarara aanaiqikinau. Anutufa qunara kai miqinau. Mifa maaqi qimasee qimaminau. Anee qini qimaaku mariananoo. Maqee faasaana qinee ani akausaikammiqa maridaqa.

1 Yoohanee 4:14

Maasa maa ainainna qafeeqa aiqama qimannimidaqa maasa qikoofa narí amaaku aqiqeenoo maa maqa maaqanasaaqaraasa mandainainaki mariasa qumareeqee uqeeraani fee qimasee aqiqanau.

1 Yoohanee 4:9

Anutufa narí amuqusira oosana maasa uqaqifiqeenoo. Mifa narí amaaku moodaa faiqi maa maqa maaqanaki aqiqamasoofanoo maasara kaqi marirana mina Yisunannai maraaqee qimasee aqiqoofanoo quminau.

2 Yoohanee 1:7

Moomoo nikaru qimariasa ueeqee mariasa maaqanna maaqanna daraaniqa maridaqa. Misa Yisunara asauku mundiranara sia faiqí faiqi kambiqanau foo qidaqa. Miqi maria fasiqausa ueeqee mariasa maridaqa asauku mundirana namuqaa kammidaqa.

Uqafiqoo Ufafa 19:13

Mina qamunna afisimarufa fidika aanaaqi marinau. Misa mina auquara Anutuna ufafee qimariqau.

Uqafiqoo Ufafa 21:3

Qumuroofanoo ufa moo fannoo Anutuna innaaruna qaarisaaqari maaqi qimasee firaa kari qinau. Doo maqee Anutuna maqusa faiqiki qumu maridanoo. Mifa misa faqa marinaqa misa mina faiqí anaasee marifaranoo. Anutufa narí uqanna misa faqa marinoo misa Anutufa mariannoo.