Oosana 4:1 - Anutuna Ufa

¹ Adamafa narí anaaqa Eewana faqa aana numasoofanoo amuaqu qaikinoo faiqi maqaseenoo mina auqu Kainafee qinau. Maqaseenoo Eewafa qinau, Anutufa dadaaqifaqa qinee faiqi akoonaiqi maqeeqa.

Oosana 4:1 Iomraidhean Croise

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

Oosana 3:24

Anutufa Eedeenna kadidakiqari Adamasa Eewasa niqiqoofaqa fufanoo suani oosana qaannai kadida atinni naaru marira saqari fainnai fimaru aannanasaa angiroouqa quqasoofaqa ida auru arira paipana uaqeeidaqa faiqí minni fifoora ruki tataaka imariqau.

Oosana 4:2

Kafaa mariufanoo faiqi moo maqaseenoo mina auqu Abeeranee qinau. Abeerafa innooqafinoo kooqikinaa aandausaa rakisirafa marinau. Mina afasaafa Kainafa innooqafinoo afuqakina ainaini marufa marinau.

Oosana 4:25

Adamafa kaifaa narí anaaqa faiqi mara amisoofanoo amuaqu qaikinoo akoonaiqi moo maqaseenoo mina auqu Seetanee qinau. Miqi qimaseenoo mina anoofa qinau. Anutufa qini qimaaku moo qiminoo narí afasaana Abeerana amaaqa maqaanifeera qiminoo mifa Kainafa aruna amaaqa maqaannoo.

Oosana 5:29

Anutufa maa maqa maaqana aquraraqoofaqa maasa kadaapi ridaqa. Maa faiqifa kadaapiriranaki marunnana asooarana qimiannoo fee qimasee mina auqu Nooa nee qinau.

Idi Ufa 127:3

Faiqi asumu Yaaweefa kaqi nimi mari ainainafa maridanoo. Mifa kaaqa afaaramasee amiqi amiqimma qimaqaidanoo.

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.