Kooroosee 4:8 - Anutuna Ufa

⁸ Qinee Tikikusana maindari aqiqaananoo maasa daufakiana qimanniminanoo inni nifeeqaranoo mariannoo.

Kooroosee 4:8 Iomraidhean Croise

1 Koorinti 4:17

Innee qini daanna raanee qimasee Timootina aqiqaananoo innee iannai fuannoo. Maaqanda karaambaiqa ainainiranaki maridaqa mifa qini qimuqusa andeeqara qimaakuara foora maridanoo. Mifa innee iannai oonuree qini fuka marirana asauku mundirana Yisunaki marira oosana qimannimiannoo. Aiqama maqusa maqusa nidaqa Yisuna ufa irimariasa suqusaida naamuaqimaqaafannana Timootifa mi ufana inni naaqoo auqaannoo.

2 Koorinti 1:4

Innisaimbaqa qeeqa daundura ummaaraki marunnana Anutufa mi ummaaranaki dadaaidanoo. Innisaimbaqa oosana oosana ummaaraki mariasa Anutufa innisaimbaqara misa dadaaqiaqee qimaseenoo innisaimbaqa naaree dadaaqinau. Misa dadaaqidaqa Anutufa innisaimbaqa dadaaqirana qimuna mina kai maasa qumaree quandaki minannai dadaaqidaqa.

2 Koorinti 12:18

Qinee Titusana iraafananoo eedoo qimasee innee unnai finau, moo fasiqa Yisuna ufa irimarufa qini qikaqaafasaa mina faqa aqiqaafananoo Titusana faqa finau. Innee minara Titusafa maasa qikaru qimaseenoo fee maasa ainaina mareefoo qida fee. Sia fee qinee Pauroosa faqa Titusafa faqa moodaa irirana maraseeqara moodaamau fimarunnanara irida fee.

Eefeesusa 6:22

Mina qimannimianifeera aqiqaanaura inni nimuqusa pooduqaanifeera aqiqaanauranoo.

Firipi 2:28

Minara qinee innee iannai firaaqoo aqiqararee qidaqa, innee mina qafamasee asasiaqeera aqiqaidaqa innee miqifanoo qini ikiraqarafa faqa taikaannoo.

Kooroosee 2:2

Minara inni nimuqusa sia iani paasoosammasee mariaqeera innee moodaanaki kammafi nariara nariara ridaqa innee Anutuna ufa amiqimasee iriseeqa innee nifaaqa quqasee Anutunaki mapukuaqeera inniara kadaapi ridaqa. Innee amiqimasee Anutuna afeeka kukeeqara ufa uqeerasee iriaqeera. Mi kukeeqara afeeka ufafa asauku mundirafa narí uqanna maridanoo.

1 Teesaroonika 2:11

Faiqi nikausa amiqimmandee faiqi rakisidaqa maasa miqi kai iqa inni rakisimariqiafana.

1 Teesaroonika 3:5

Qinee Pauroosa minara iriseeqa innee iannai Timootina aqiqeeqa. Qinee inni naufakiana sia uqanna iriqa kisaaqasaa mariranara qikooqaifaqa munari minariqa Timootina aqiqeeqa. Mifa oonureenoo Yisunasaa mundiranara irianifeera aqiqeeqa, Sadannafa inni nikarimaqasee qafaifanoo qini saika kadiqaannoo fee sia fee kadiqaannoo.

1 Teesaroonika 4:18

Miqiannanara innee faiqí anaasee faiqi kuqufuafaqa nifaaqa rumbee marifaqa ikiraqee mariana mi ufana qimannimifanoo nifaaqa aufadaani.

1 Teesaroonika 5:11

Innee mi irirana iriseeqa soofaari mariasa mi iriranannai narí dadaaqi narí dadaaqidaqa narí amana narí amana mapukuaqa.

1 Teesaroonika 5:14

Qinee inni naamuaqi maruna fasiqausa qimannimidaqa, inni kudi fasiqauqara afeekaikamasee naakapaifaqa misa ainainiaqa, rufiee maria fasiqa anaaseesa nimana mapukunimaqaaqa, irirana oore̱eqarausa innee dadaaqiaqa, innee aiqamausa qambaanai reendeenidaqa asooamasee qimannimiqa fuaqa.