Kooroosee 4:3 - Anutuna Ufa

³ Innee innaaru qidaqa mai qini Pauroosa saimbaqa maaqoo rumbaqa qini faqa mariasara faqa innaaru qimannisaaqa. Ooqai asauku mundirafa kukeeqanoo marufanoo maqee kari akooroo inoo marifanoo Anutufa maasa dadaaqinaqa mina ufa aiqamai kooroomannimaqaannee qimaseeqa minara faqa innaaruqiaqa. Doo qinee maqee Roomma maqannaa rumbaranaki fifau maridaqa. Asauku mundiranara maqusa maqusa qimannimiafannanara Roomma maqannaasa sia maasa amaana ufafau qifoo qimaseeqa qini rumbaranaki quqaqaafaqa maridaqa. Innee minara iriseeqa qiniara faqa innaaruqimaqisaaqa.

Kooroosee 4:3 Iomraidhean Croise

Mataioo 13:11

Yisufa iriseenoo qinau, innee innaaruna maqusa qumee irirana iriaqeera, misa sia iriaqeera quandara ufa qimannimidaqa.

Roomma 16:25

Doo maasa Anutuna areenarana amia, Ooqai oosana aroonakiqari kukeeqara anoona ufa Isaraee maqannaasa faqa aanaamuru maqannaasa faqa Anutufa asumu mariranaki quqaaninna ufana kukeeqanoo mariufa maqee Yisunaki koorooinoo maridanoo. Mi kooroo ira ufafa inni Yisuna saqariki mariana minaki inni amana mapuku nimaqaannoo. Amiqira fasaasa ufa asauku mundirana Yisunara qinee qimannimiqa nunnana, inni Yisuna saqarikirana mi ufanasaa mundinoo maridanoo. Amana Anutufa inni Yisunaki saqarikirana mapukusee quqannisaanoo.

1 Koorinti 16:9

Maqee Eefeesusa maqusai maaqoo firaa saika anoona saika maridanoo, moomoosa qini ufa ititee mariasa mariafaqa saikidaqa.

1 Koorinti 4:1

Innee Koorinti maqannaasa maasara maaqi qiaqa. Asauku mundirafa Yisufa maasa mina ainainira faiqiuqa Anutuna ooqai kukeeqara anoona ufara rakisiaqee qimaqoosa maridaqa.

2 Koorinti 2:12

Qinee Pauroosa Asia maqa maaqaki fiqu fiqu idaqa Tarooasa maqusai oonureeqa asauku mundirana amiqira fasaasa ufa qimannimiraree qiafananoo Karaambaiqa faasai kooqi atuqeenoora maqi inoo marufaqa mi maqusanaki saika amiqimasee firaaqoo uqeeraqiafana.

Eefeesusa 3:1

Qinee Pauroosa minara iriseeqa inni Eefeesusa maqannara Anutufinnai innaaru qidaqa. Qinee inni aanaamuruara qimannimunnana akiaqara asauku mundirana Yisuna rumbaranara foora Roomma maqannaasa rumbaranaki marunausa maridaqa inniara innaaru qidaqa.

Eefeesusa 3:3

Anutufa Yisunara ooqaindari kukeeqanoo marunara maqee aukuana qini kooroomaqimaqeenoo. Qinee maa pasanaki kaqikaaqoo minara inni qimannimiqa, innee mina asaana rumaseeqa iriqa qiniara asauku mundirana kukeeqara irirana amiqimmandee iridanoommifoo qifaranoo.

Eefeesusa 3:9

Anutuna ooqai kukeeqara irirafa maqee kooroommasee faiqí anaasee amiqimmandee iriaqeera faqa qini minaki faqa quqaqisaifaqa maridaqa. Anutufa aiqama ainaina auquqoofanoo marufa miqooqari moomoo aukuana narí kukeeqara irirana Yisunara kisaaqasaa rafaaqafuqoofanoo marinau.

Eefeesusa 4:1

Qinee Pauroosa karaambaiqa Yisuna ainaini marunnana akiaqara Roomma maqannaa karabusaki maridaqa. Qinee karabusaki maridaqa inniara afeekaikamandee qimannimidaqa. Anutufa inni naaramasoofaqa innee asauku mundirana saqariki maru kamuqooqari inneeqa nirana mariranara andeeqasee marianifee qimasee inni naarama minaki quqeenoo. Inneeqa marirafa mina amanakai marianifeera qinee qeeqa qimuqusa ookiqari afeekaikamandee qimannimidaqa.

Firipi 1:19

Inni innaaru qirafa faqa asauku mundirana Yisuna maraquna faqa Roomma maqannaasa qumee dadaaqinaqa nári karabusakinaana qini iduku qimaqeefaranoo, qinee minara iriseeqa maqee maqee asasidaqa.

Firipi 1:7

Anutufa narí saika Yisunara qimannimira saika adiafaa imari saikana qimufaqa innee aiqama minaki marida dadaaqi marusa mariafanoo, minara inniara asasirafa andeeqarafa kai maridanoo. Ooqai sia qinee karabusaki mariafanna kamu qoo qinee Yisuna aufakiana faiqí anaasee kaqi nidaqa qimannimiseeqa naunduraki mapuku nisasee mariqiafana, akaqausa minasaa ootupeeqa aaqaranaki quqasoofaqa qinee oonuree mina ateekaafanaqa innee faqa dadaaqi marusa mariqau. Doo maqee faqa Roomma maqannaa karabusaki maridaqa innee faiqí anaasee mapukunnisee mariana qini dadaaqi mariasa marianara inniara Anutufinnai asasirafa andeeqanoo maridanoo.

Kooroosee 1:26

Anutuna ufa kukeeqara ufa maaqi qinoo maridanoo. Anutuna asauku mundirafa Yisufa inni faiqí faiqi naundurai maridanoo. Mina oosana maaqimminoo maridanoo kasooqaqee innee faqa innaarunai ooruree Anutuna ainaina adiafaa ira ainaina mina uriqararana afaaqa areenarana kaaqa qarana mareefaranoo. Anutuna kukeeqara ufa doo miqinoo maridanoo. Mifa mi ufanara maaqi qinoo. Maa qini amiqira kukeeqara ufa uriqarara kukeeqara ufa aiqama maqannaasa iriaqeera qini qiku qisauku mariasa kooroomannisaanauree qinoo. Anutuna asauku mundirafa faiqí faiqi naundurai mariranara faqa innaarunai mina faqa ooru mariranara faqa mi ufaqandara ooqaindari kukeeqeeuna maqee kamuqoo doo kooroomasee narí aiku asauku qimanniminoo.

Kooroosee 4:18

Faiqí moo fannoo ufa qunnana akararumasaifaqa qeeqa Pauroosa kaqi qeeqa duqu kai akara ridaqa maa akarana rafaaqafidaqa. Qinee inni nimandaidaqa. Qinee Roomma maqanna karabusaki kaqi marunnanara innee maqee maqee innaaru qimaqisaaqa. Anutufa narí marirana inni niminaqa innee amiqi amiqiaqeera nimiannoo mina maraaqa.

1 Teesaroonika 5:25

Oo Teesaroonika maqannaasa maasa qikaqaafasaa, innee maasara maqee maqee innaaru qiaqa.

2 Timooti 1:16

Ooneesifoorusafa mifa kai sia qinee karabusaki mariafannanara asaurinau. Roomma maqusai firaa taunna marufanoo qini sia dauni paqurinau anireenoo qiniara fiqu faiqu fumandee randaseenoo paqurimandee moomoo kari qini dadaaqimarinau. Qinee karaambaiqara mi fasiqana aiku asaukuara amiqi amiqi mannisaannee qidaqa.

2 Timooti 2:9

Qinee mi amiqira fasaasa ufana qimannimunnanara aupuraidaqa. Misa qiniara mandoosana maree mari fee qimaseeqa qini qumareeqa sainandannai rumba quqeeqa. Kuqaa qinee sainandannai rumbaqa marida Anutuna ufa fannoo sia rumbanoo maridanoo kaqi idukinoo maridanoo.

2 Timooti 4:2

Anee Yisuna amiqira fasaasa ufara faiqí anaasee qimannimia, narí qanaa fee kaqiqoo fee sandanainai qimasee qimannimia, anee misa iriaqaa iaqee qimasee qimanniminaqa misa iriaqa anee mandoosana maree mariasara qaoo qia, anee faiqí aanaaseera nifeeqaraidana poodua. Anee ubiqafi sanaasamasee faiqí anaasee qimannimia.

Firemoona 1:22

Anee maa pasanakinaa ufa irisee Ooneesimusana kafaa quqaidana maaqa deedaqia, qusasaa Anutufa inni innaaru qirana irisee qini idukusainaqa anee innannai fuanaura.