Kooroosee 3:25 - Anutuna Ufa

²⁵ Innee oosana oosana ainainidaqa mandainainira ainainifanoo Anutufa inni ufa nimiannoo. Sia inniara kaqi fifau saika faiqi fee qimasee minninnisaannoo. Inni mandainainirana niqafamaseenoo mina amana kai ufa nimiannoo.

Kooroosee 3:25 Iomraidhean Croise

Mataioo 16:27

Minara qinee faiqí nimaaku qumuanaura, qini qangiroo namufaqa qini qikoona kaaqa areenaranaki qumuanaura, aiqama faiqí anaasee misa saika auqee mariana akiaqara nimirara qumuanaura.

Ruka 20:21

Miqi qufaqa mi fasiqausa oonuree Yisuna maaqi qimasee qimamiqau, Oo ufasaa rakisirafa ani ufara iridaqa ani naamuaqira ufa andeeqasaidana qima nimimarianafa mariananoo anee sia faiqí nifaaqa niqafamasee oosana oosana ufa qimarianafa, anee Anutuna aanai fimaria ufana anoona kai qimarianafa mariananoo.

Roomma 2:11

Miqimasee Anutufa aiqama maqannaara amana amana kai nári maree mariana akiaqara nimimarifa maridanoo nimiannoo.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

Eefeesusa 6:8

Innee miqidaqa maanara iriaqa, Karaambaiqa aiqama fasiqa amana amana kai nimidanoo moosa rumbara saikaki mariasee narí ainainira saikaki mariasee nári amiqira ainainirana akiaqara amana amana kai innaarunai nimiannoo.

Eefeesusa 6:9

Qinee ainainimariasara innee inneeqa ainaina akoona amiqimasee ainainammaisaa qee qimaseeqa innee ainaina akausa faqa qimannimidaqa innee faqa miqikai mandee inniqa ainainimariasasaa amiqimmandee rakisiaqa, amiqimasee ainainiaqee qimasee aanoo irana faqa narirari mariana faqa taikaaqa. Innee faqa maanara iriaqa, innee faqa inni ainainimariasa faqa moodaa rakisirafa innaarunai marifa, sia mifa ainainimariasara ureeqarausee qimasee kafaa quandaki rakisi nimaqee mariasara uriqararausee qimasee qaara irirana maraidanoo, moodaa irirana marasee amana amana kai rakisi nimaqaidanoo.

Kooroosee 4:1

Innee faiqisaa rakisirausa inni ainainira fasiqauqa innee andeeqasee amana amana kai misasaa rakisinnisaaqa. Innee faiqisaa rakisirausa maa ufana iriaqa, inni rakisirafa innaarunai marifa inneeqa ainainira faiqi mandaikamma nimaqaifanoo inni faqa ufa nimiannoo.

1 Teesaroonika 4:6

Sia inniki moo fannoo miqinoo narí aqoonausee moo maqannaasee mandaikamma nimaqaani. Ooqai maasa inni qimannimiafannana maqee kafaa aaquqimannimaqaidaqa Karaambaiqa fannoo mi umuarira oosannara narirafa maridanoo.

2 Teesaroonika 1:6

Anutufa narí andeeqara oosana maraseenoo inni aupurararana nimimariasa mina akiaqara nári faqa aupurarana nimiannoo, innee mina ufasaara aupurarana mareemariasa asooarana nimidanoo maasa faqa nimiannoo.

Firemoona 1:18

Indaaru mifa ani mandaikammamaqeenoo fee mifa ani munnimma mareenoo fee mina akiaqara qinee mina amianaura.

Heeburu 2:2

Ooqai qangiroo qimannimu ufafa kuqaa anoonaiki marinau. Qangiroouqa ririmma innaarunai ureeqarausa maridaqa faiqí moo fannoo misa ufa irisee rukiasoofanoo Anutufa mina akiaqara narinau.

1 Peetooroo 1:17

Anutufa faiqí anaasee aiqamausa irirana qafee marifa maridanoo. Sia manda irirana iriseenoo moo dadaaqammamaqeenoo moo firaaqoo mandaikamamaqaidanoo nári maraana amana kai andeeqasee nimidanoo. Miqi mari Anutunara innaaru qidaqa maasa qikoo fee qidaqa maa mariaqoo noori runusee maridaqa aaqaranara rufiaidaqa mariaqa.

Yudeesa 1:16

Mi fasiqausa maqee maqee aiqama ainainara naundaufa naundaufa qida maridaqa. Misa aiqama ainainara amiqira ainainara faqa sia maasa didifaqa mandainaina fee kai qidaqa. Misa nári mandoosanara nidirana aandi aususeeqa nariqa mi mau fidaqa. Misa firaaqoo nariara nariara nimooqimariasa maridaqa. Misa nári mandoosanara nidirannai ubeekarara faiqí akaqausa marasee nimooqaidaqa amiqi amiqidaqa misa maasa mandoosanamau fidaqa maasa duqu uqeereefaree qidaqa miqidaqa.