Kooroosee 2:23 - Anutuna Ufa

²³ Innee mi fasiqausa sandufa iriseeqa unna qimasee irirana faqaasee qifaranoo. Misa maa ufana uqeeraidaqa. Innee qangiroouqa nimooqiaqeera qidaqa innee inneeqa nifaaqa firaa aupurarana nimisee minannoo innaarunai fuaqee qidaqa unna qimariafanoo. Mi unna fasiqausa mi naamuaqira ufana sia amana maasa daundurakinaa manda nidirana rafaaqa fuannoo, Yisuna saqarikirafa kai amana mina rafaaqa fuannoo.

Kooroosee 2:23 Iomraidhean Croise

Roomma 13:14

Innee inneeqa faiqí faiqi manda iriranamau fidaqa fanandimariana minniseeqa mi aanausa oonu ititee ani ititeemma atukaraseeqa quandaki Anutuna asauku mundirafa Yisufa maasa karaambaiqa mina andeeqaranaki fimariana mina qumareeqa mi duru saamunannai maasa faiqí faiqi manda marirana manda nirana faqa rakuaqa.

Eefeesusa 5:29

Sia moo fannoo narí afaaqara akooqaidanoo amiqimmandee rakisidanoo narana amidanoo asauku mundirafa Yisufa narí ufa suqimariasara narí afaaqafee qimaseenoo rakisidanoo, innee faqa miqikai iqa inneeqa ninaaqmaakara qini qifaaqa fee qimasee amiqimasee rakisiaqa.

Kooroosee 2:18

Faiqí akaqausa qummaararara ufannai inni rafaaqa firaree qifaqa sia mi ufana iriaqa. Misa fifau inniara unna qimasee maasa daanna reeqa kaaqa nisaunaasauriqa nuaqee qiqa misa inniara unna qimaseeqa qangiroouqara nimooqiaqee qidaqa miqi qifaranoo. Misa qainamasee náriara Anutuna ufa iriseeqee qimasee inni rafaaqafifara. Miqira fasiqauqa fifau nári nifaaqa nimooqi mariasa maridaqa. Misa nári manda marirana fannoo nári uqannifiqee marifaqa miqimariafanoo.

Kooroosee 2:22

Fifau maqasaaqaraa fasiqa sandufa inni naakapaidaqa. Maasa mi naranna namasaananoo sia niranandaki kasooiannoo kaqi aiqaraannoo sia innaaruna aana faqa ititaannoo kaqi aiqaraannoo.

Kooroosee 2:8

Innee amiqimasee eerairiaqa faiqí moo fannoo unna ufa qira iriranannai inni rarisameeqee narí aiku oosanaki quqaandoora. Miqira fasiqa mina ufa fannoo irirana faqaa fasiqara foora ufa qiannoo. Mi ufafa faiqí anaasee nikaru qira ufa oosana siai ufafa fifau maqasaa ufa afaanna manika fannoo innaaruna faqa maqa faqa rakisidaqee qimari ufana. Sia asauku mundiranasaa oosana areemari ufafa maridanoo. Miqira ufara amiqimasee eerairiaqa.

1 Timooti 4:3

Miqi maria fasiqausa unna qimasee anaasee mararanara mandoosanee qimasee akaqa naranara manda narana sia naaqee qifaranoo. Anutufa mi oosana oosana narannara faiqí anaasee naaqeera auqu quqaqoofa maridanoo. Mina ufa irimariasa mina anoona irimariasa dufi dufi qimasee naaqeera quqaqoofa.

1 Timooti 4:8

Maa maqanasaaqaraa amudaani maqee maqee afeekaikamasee amanamasee qafarana kaqikaaqoo maa maaqanasaa kai amana maridanoo aneenna aundurakinaana maqee maqee afeekaikamasee amanamasee qafarana firaaqoo amiqirafa maridanoo, mifa maqee marirana faqa naaru marirana faqa amidanoo.