Kooroosee 2:13 - Anutuna Ufa

¹³ Anutufa narí ufa Isaraee maqannaasa Mooseena sandufa qimanniminau. Innee nianai maridaqa sia Anutuna ufa irimariafanoo innee faiqí faiqi mariafanoo manda iriramau fimariafanoo. Innee inneeqa irirana Yisunasaa mundusoofanoo Anutufa minara inniara narí amaakusaimbaqa kuqiqau maqi qidanoo kaifaa inniara narí amaakusaimbaqa kuqiranakiqari findi fiqa minasaa mundufiqa marifaranoo fee qimaseenoo maasa maqasaa mandainaina taikaqiseenoo sia naruanauree qinau.

Kooroosee 2:13 Iomraidhean Croise

Idi Ufa 119:50

Ani qima afeekaikira ufa fannoo qini kaqimarirana qimi marinara qeeqa aupuraranaki maridaqa qifaaqa asooarana mareeqa.

Idi Ufa 32:1

Inni numoo minninisaisa faqa inni numoo rafaaqafu nimaqasaisa faqa asasiaqa.

Idi Ufa 71:20

Oo Yaawee, anee oosana oosana ummaara faqa aupurarana faqa qimimariananoo. Kasooqaqee anee kaifaa qini marirana ooqai mariundeemma qiseennaranoo. Anee qini kuqa dariranasaa itita qimaqeennaranoo.

Ruka 15:24

Qini faiqi maafa kuqi noora foora mafifa kaqi maridanoo anireenoo auiqanoo mariifa anireenoo. Miqi qufaqa qoomaqa sakasee neemariqau.

Ruka 15:32

Ani akaqa fannoo kuqi noora foora inoo mariifa kaqi maridanoo auiqanoo mariifa aniraifaqa minara maqee maasa qoomaqa sakasee asasidaqa naunanoo amanaikinoo. Yisufa miqi qimaseenoo kafaa maaqi qimasee qimanniminau. Doo maa ufana anoona faasai qunnana maaqimminoo maridanoo. Innaarunai mariasa mi kumaaraana akoona aanna reefaranoo. Moomoo andeeqara fasiqa aanaaseera sia asasifaranoo, moodaafa mandainaina maranoo ni ni inoo quandaki Anutufinnai ubeekainnanara asasifaranoo.

Yoohanee 5:21

Qini qikoofa kuqira fasiqauqa findifumannisaidanoo. Qinee faqa miqikai iqa qeeqa didiranannoo kai kaqi marirana akaqausa nimianaura.

Yoohanee 6:63

Amaqiara qunnana amaqi fifau ainaina maridanoo sia mina naaqee qiqa maraquna fannoo kai anoona maridanoo mifa kaqi marirana nimidanoo. Qinee qeeqa dookinaa ufa qimannimimarunafa mifa maraquna maridanoo kaqi marirana anoona maridanoo.

Roomma 4:17

Anutuna ooqeenaa akara minara faqa maaqi qinoo maridanoo. Qinee ani Abarahaamana mareeqeeqa moomoo maqannaasa nikoofaikianeera quqeeqa. Doo maasa mi ufana iriseeqa maaqimmidaqa, Abarahaamafa narí irirana rusisoo Anutufa narí qimafeekaikunara anoonee qidanoo. Mi Anutufa kuqirausakinaana mareeqee kaqi mariranaki quqee marifa maridanoo mina ufa fannoo qufanoo sia maru ainainafa kambiqanau.

Roomma 6:13

Manda oosana moo inni qumarainaqa sia inniqa nifaaqa minakina eedoo qimasee quqaaqa. Sia miqiaqa maaqiaqa, innee kuqiranakiqari findifi mariasara foora aiqama nifaaqa eedoo qimasee Anutuna aramandunnai rumafifanoo mina inni nifaaqa mareeqeenoo narí andeeqara saikaki quqaanifeera mina aramandunnai inneeqa nifaaqa quqaaqa.

Roomma 8:11

Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

1 Koorinti 15:36

Anee furufarimarianafa mi ufana qimariananoo. Anee nandi ummaqusainanoo sia aaqee kambiqaannoo mifa putaa mambinanoo mina uapaaqi fannoo inaaqiana kambiqaannoo.

1 Koorinti 15:45

Tamummaqara fasiqauqa akara minara maaqimminoo maridanoo. Indaaruqaa fasiqa Adamafa kasimaruna auquqoofa marinau. Qinee Pauroosa minara maaqi qidaqa. Adamana aanaaqiannaa fasiqa Yisufa maqee marirana faqa naaru marirana faqa nimimari maraqunafa maridanoo.

2 Koorinti 3:6

Mifa mi ainainirana amanaikirana qimifaqa kai narí fuka moodaanaki kira ufa mi saikanaki maridaqa. Mina fuka moodaanaki kira ufa sia nimaarusira ufa akara riranasaa mundinoo maridanoo. Anutuna naaquqara andeeqara maraquna faiqí naunduraki marina minasaa mundinoo maridanoo. Mooseena sandufa akararufa mifa kuqirana kai nimidanoo, Anutuna maraquna fannoo kaqi marirana nimidanoo.

2 Koorinti 5:19

Maasa qimannimira ufa maaqimminoo maridanoo Anutufa narí asauku mundiranannai aiqama maa maqa maaqana afaaqasasa mariasa oonu mareeqee narí aqoondikiranaki quqanau. Anutufa faiqí anaasee aaqarana sia qafaida sia irida mara quqannimiqaidanoo. Mifa narí moodaanaki kira ufa maasasaa quqaseenoo innee faiqí anaasee mareeqee qini faqa moodaanakikirana inni nimida fee qinoo.

Eefeesusa 2:1

Qinee Pauroosa sia Yuda maqannaara qidaqa innee aanaamuru mariasara qidaqa, ooqai inniqa ufa rukiarana faqa aaqarana faqa miqiunna akiaqara kuqiranaki mariusa mariqau, mi aukuanna maa maqa maaqana mandoosanamau kai fimariqau. Anutuna ufa rukiee mariasa maqee rakisi mari afaannafa Anutuna innaaruna meerai marifanoo mina ameemaanai marina, mina ufara eedoo kai qimarusa mariqau.

Eefeesusa 2:11

Yuda maqannaasa ooqaindari naríara kai Yuda maqannaasa fainanduqirausa Anutunaindi maridee qimasaida inni aanaamuruara sia maasa fainanduqirausa marunnanara aqoosai mariasa maridee qimariqau. Misa fifau nári fainanduqiranara qidaqa miqi qimariqau. Innee aanaamuru mariasa innee ooqai mariunara iriaqa.

Eefeesusa 5:14

Aiqama ainaina asukunakinaana mareeqe kaaqa qara qoo aiqamausa nifusaa quqasaifanoo mi ainainausa faqa kaaqa qaranaikiannoo. Minara maasa idi moo maaqi qinoo maridanoo. Anee faiqee marianafa findi fua. Kuqiranakiqari findi finanoo asauku mundirafa suaniara foora anisaa qaani.

Kooroosee 2:12

Qinee Pauroosa minara inni Kooroosee maqannaasara maaqi qidaqa Yisufa aunirira saqarisaa kuqufufaqa inneeqa nifaaqa namufaqa kuqirana ameeraameeriqa Yisufa kuqiranakiqari findifufaqa innee faqa kuqirana ameeraa meeriranaki qari findifiqa fuka marirana mara maree findifi mariafanoo. Inni irirafa Yisunasaa mundunara mi ainainna kambiqafi maridanoo.

1 Timooti 5:6

Adeedaana aanaaseeuqa oosana moo aaqaidaqa maridaqa nariqa nidimari ainainnara kai qiqanuasauqa maridaqa misa doo kuqiqa maridaqa miqiqa nidaqa.

1 Timooti 6:13

Oo Timooti aiqama ainaina aidoo nimimarina Anutuna afusaa faqa, Piratoona oorisaa kooroounafa asauku mundirana Yisuna afusaa faqa qinee aaquqimasee qimamidaqa. Yisuna ufa asaana rumaseenana aiqama eedoo qimasee maraa, mi mau finana ani nirafa marirafa anukarafa sia aaqarafa mariani. Miqi kai ina fifi inana karaambaiqa Yisufa narí qumira aukuana paquria.

Heeburu 6:1

Maasa sia maqee marunnaqoo oosanaki kai maria, maqee doori mundusaannaqoo qambaanaira foora fua. Yisuna ufaki oosana ainaina aanaaqi kimarunnana inaaqiannai mafi quqasee doo maqee oorisaa fuanaura. Maasa qeeqa fifau aaqara oosana kadaapiriranannai innaarunai firaree qimarunnana mina minniseeqa Anutunasaa mundufuafannana doo maasa minara irimarunafa maridanoo. Nammari nimirana faqa asauku nikiaaqa mundusee nifaaqooqa qirana faqa kuqiranakiqari findifirana faqa naaru naaru idaki fimariana faqa doo irimariafanoo. Sia kafaa kafaa aanaaqiara foora naamma kai naidara foora ooqai iri maru ainainara kai kaifaa kaifaa minara kai iriaqa. Anutufa dadaaqimarinaqa maasa noorisaa findifinaqa indaaruara foora fidaqa maqee maqee Anutuna ufakinaana fuka iriseeqa mi mau fuanaura.

Heeburu 9:14

Fifau aandau fidika fannoo ririmma faiqí ikairi findaukaidanoo Anutuna asauku mundirana fidikara naqi fee qianauree. Mifa naaru naaru marira maraquna fannoo dadaaqifanoo narí uqanna anoona tatufirana amiranara foora Anutuna aminau. Mina fidika fannoo sia maasa ikairi kai findaukaannoo. Maasa qimana maraquna faqa mina faqa findaukaidanoo maasa mandoosana maree mariana faqa maasa kuqiranaki rarisama quqee mariana faqa Yisuna fidika fannoo mina faqa findaukaidanoo. Miqi mandainaqa maasa amana kaqi marira Anutuna ainainamminaura.

Yameesa 2:17

Yisuna saqarikirafa miqi kaimminoo maridanoo fifau afaurunnoo akaqaafasaara anee oonu qammunna afisusee narana naa. Miqira ufa sia akaqaafasaa dadaaidanoo. Miqi kai inoo fifau afaurunnoo Yisuna saqarikidee qinafa sia asaukunno Anutuna ufa qumarasee inafa marinana ani Yisuna saqarikirafa kuqinoo maridanoo.

Yameesa 2:20

Oo furufarira fasiqa anaasee asaukunnai dadaaqi qumararafa sia maridanoo Yisuna saqarikirafa narí kai miqoo marida fifau ainainara foora maridanoo. Qinee mi oosannara kafaa koorooianaura.

Yameesa 2:26

Maa ufausa ati minara maaqi qinoo maridanoo. Faiqí amana sia marinanoo apata kai doo iri maridanoo kuqinoo mariannoo. Anutuna saqarikirafa naríara maridanoo miqinoo maridanoo asauku qumarasee inafa sia marinara doo kuqinoo maridanoo.

1 Yoohanee 2:12

Qini faiqi namu, qinee inniara akara ridaqa. Inni mandoosanara Anutufa narí asauku mundiranara iriseenoo doo inni mandoosana akiqaara mininnisoonara qinee inni akara rumannimaqaidaqa.