Kooroosee 1:11 - Anutuna Ufa

¹¹ Anutuna idaaqira eeraarirafa minasaaqari aninna afeekafa aiqama inni faqa afeeka niminaqa innee oosana oosana mandainaina ummaara fannoo innisaa kambiqainaqa ubiqafi reendeenidaqa asasammasee maraaqeera.

Kooroosee 1:11 Iomraidhean Croise

Idi Ufa 63:2

Ani naaquqara uiqaana maqaki ani qafaanaura, ani afeeka faqa ani qareenarana faqa qafaanaura.

Rafudoo Akarafa 15:6

Oo Yaawee ani asauku uqannai asauku fannoo naaquqara afeeka maridanoo. Mi asaukufa namuqaa naruseenoo utitiqeenoo.

Aaquqira Ufa 24:10

Ufarurira aukuana anee kudoosaapeenana anee afeeka siaifa marinnaranoo.

Roomma 2:7

Akaqa fasiqa anaasee amiqira oosana kai maraqa nidaqa innaarunai areenarana faqa innaarunai nuqu uqeerarana faqa naaru naaru mariranara faqa randaidaqa. Miqi mariasa Anutufa naaru marirana nimiannoo. Akaqausa nári nifaaqara kai ridaqa andeeqarana futeeqaidaqa aaqaranaki kai fidaqa. Misasaa Anutufa narí aanoo qirana faqa narí aranaqarana faqa nammariara foora adiannimaqaannoo.

1 Koorinti 16:13

Inni Koorinti maqusanaasa maqee maa ufana qimannimianaura. Innee maqee maqee aufarida mariaqa, innee Yisuna saqarikiranaki minaki mapukufina kikiqammambuaqa innee maqee maqee paasoosida mariaqa, afeekaikiqa mariaqa.

2 Koorinti 4:7

Mi areenarana aufakiana firaa munnimma aqimari ainaina fara foora marifa maasaki fifau maqannai auqira qafeera foora maasaki quqaqaifaqa sia faiqí faiqi ainainimariana amanasaa ainainidaqa, fiqararafa marunara ainainidaqa. Anutufa mi fiqaramasee ainainirana narindikai marinara akooroo ianifeera narí areenara aufakiana maasaki fifau maqannai auqimaria ainainaki quqanau.

Eefeesusa 3:16

Mi Anutunara inniara innaaru qidaqa, asauku mundirana innee saqarikiranannai mifa anireenoo inni naunduraki maaqakiara foora ani keeqaanifeera. Mifa narí maraqunannai narí areenarana firaanakiqari inni naunduraki afeeka niminaqa mapukusee mariaqa. Qinee inniara maaqi qidaqa innaaru qidaqa, innee inneeqa atukara foora faqa faakanara foora faqa nariara nariara nimuqusiranaki mapukusaaqa, innee Eefeesusa maqannaasa faqa Anutuna aiku asauku moo maqannaa mariasa saimbaqa afeeka marinaqa minannai asauku mundirana inniara amuqusinoo aidirana firaana iriaqeera innaaru qidaqa. Mifa inniara amuqusinoo aidirana mina kisaaqasaa aidirana faqa mina qusa kamu faqa mina meerai sandaaqaira faqa mina meemai farumara foora marirana faqa mina firaatiara iriaqeera qinee innaaru qidaqa.

Eefeesusa 4:2

Sia Anutufa quqaqoo andeeqarana minnisee moomau fuaqa, innee maqee maqee sia urinaaqaraaqa oorudupimasee mariaqa, sia aanooiaqa, ireeda kai pisoopisoomandee mariaqa sia faiqí aanaaseera qusa ufa qimasee aanooiaqa kisaaqasaa ireeda kai idaaqammannimaqaaqa. Innee faiqí aanaaseera nimuqusinanoo nidimarinaqa mifa kooroo ianifee qimasee narinni narinni dadaaqifanoo mifa kooroo iani.

Eefeesusa 6:10

Maa ufana taikara ufa maaqimminoo maridanoo, innee karaambaiqa faqa maridaqa moodaanaki nimarifaqa mina firaa afeekannai inni faqa moodaanakikirana firaaqoo afeekaikamma mapukuaqa.

Firipi 4:13

Asauku mundirafa narí afeeka qimufaqa minannai amiqiranee mandaikiranee kaqi maraidaqa.

Yudeesa 1:25

Moodaa Anutufa maasa asumu maree marifa. Maasa karaambaiqa Yisufa ani asauku mundirafa minannai maasa amooqirana qimamidaqa afaaqa areenarana faqa uriqararana faqa afeeka faqa aiqamausa aniara naaquqarana faqa anindi maridanoo fee qidaqa amooqidaqa. Ooqai indaaru anindi marinau maqee anindi maridanoo naaru naaru anindi mariani. Kuqaa.

Uqafiqoo Ufafa 14:12

Mi aukuannai maqasaa Anutuna aiku asauku marianausa mi aupuraranaki reendeenamafi fifimafi marirana faqa Yisunasaa kaqi kai mundufi marirana faqa miqimandee mi aukuanna Yisuna ufamau fimariasa miqiaqa.