Heeburu 8:5 - Anutuna Ufa

⁵ Mi aanaiqisa ainainirafa sia anoona maridaqa fifau amananda kai maridanoo. Innaarunai mari ainaina fifau amananda kai maridanoo. Mooseefa Sinai maqa maaqaki uqiqaana maaqa usakararee qufanoo Anutufa maaqi qimasee qimaminoo qinau. Qinee aaqanasaa uqafiqaunna maqana amana kai andeeqasee usakaa.

Heeburu 8:5 Iomraidhean Croise

Rafudoo Akarafa 25:40

Moosee qinee aaqanasaa ani qimamunandee aiqama ainaina miqikaimmasee andeeqasee auqua.

Rafudoo Akarafa 25:9

Innee uiqaana maqa faqa minakinaa aiqama ainaina faqa qinee naakapaunandee miqi kai masee auquaqa.

Rafudoo Akarafa 26:30

Doo Moosee qini uiqaana maqa aaqanasaa qinee qimamiafanandee masee usakaa.

Rafudoo Akarafa 27:8

Tatufira qainda indooira saqarinnai kai aundura faqaana auquaqa. Qinee aaqanasaa ani uqafiqaa fanandee masee auquaqa.

Mataioo 2:12

Miqimmasee marufanoo qaina nifu naroofaqa Eeroodeefa marinnai sia kafaa anirandee fuaqa. Anutufa miqi qufaqa misa moo aatata qumee nimaaqa fiqau.

Kooroosee 2:17

Mi ainainnausa fifau nimanirafa maridanoo sia kuqaa anoonau. Sia moo ainaina kikiqa usuaqa. Asauku mundirafa mifa kuqaa anoona uqanna maridanoo innee mina faqa moodaanaki ootupamafi mariafanoo miqoo kai mariaqa.

Heeburu 10:1

Yuda maqanna Mooseena sandufa faqa uiqaana maqa ainaina faqa innaarunai mari ainainna mina amananda kai maridanoo siara foora inoo maridanoo. Naaru kambiqaaninna ainaina amananda oorudupirana amananda kai maridanoo. Mooseena uiqaana maqaki Mooseena sandufamau fidaqa moodaa tatufira oosana kai aukuana aukuana aandau kai suqa amu mariqau. Doo miqidaqa naqimasee mi sandufana Anutufinnai ani mariasa anoonaikamma nimaqaannoo fee, sia amana.

Heeburu 11:7

Anutufa kasooqaqee kambiqaaninna ainainara Nooafa sia qafee marunara aaquqimasoofanoo Nooafa narí irirana Anutunasaa rusimarunara irisee eedoo qimaseenoo firaa sipa auquseenoo narí faqa narí aiku asauku faqa minakimma asumu marinau. Auquseenoo Nooafa minannai aiqamausa maa maqanasaaqaraasa aiqama niqiseenoo rafaaqafunnimaqanau. Noofa Anutuna mandaaqaranannai kai Anutufunnaindaraa andeeqarana maraseenoo asumu marinau.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

Heeburu 13:10

Ooqai Yuda maqanna aanaiqikirausa Anutuna uqiqaana maqa rakisimarusa Anutuna ufamau fidaqa qaindasaa qaraa aandau tatufirana suqee maruna akaqana marasee naqau. Maasa aandau tatufi maria qaindara foora moo maridanoo. Ooqeenaa uqiqaana maqakinaasa sia amana minasaaqaraana marasee nooqini.

Heeburu 9:9

Mi kooqi maqafa maa maqee maria kamuqoora kikiqa usidanoo, mina amananda maridanoo, maaqimminoo maridanoo. Anutuna ami maria ainainafa faqa aandau tatufusee ami mariafa faqa sia amana ami mari fasiqana amuqusa findaukamasainanoo anoonaikiannoo.

Uqafiqoo Ufafa 15:5

Misa mi idina ramasoofaqa qinee Yoohaneesa qafaafananoo Anutuna amaana maqa innaarunai atuasoofaqa qafaafananoo minaki ooqai Mooseefa Anutuna uiqaana maqa usakaqoofa mina aundurai marufaqa qinee qafaqiafana.