Heeburu 5:1 - Anutuna Ufa1 Maasa Heeburu maqannaasa faiqí misa aanaiqiki maru fasiqausa uriqararanara randasee paqurimmeeqee faiqí aanaaseesaaroo qianifeera Anutuna ainainiranaki quqaidaqa. Miqooqari mi fasiqafa faiqí anaasee mandainaina rukasainanoo Anutufa sia naruaninnanara iriseenoo maqee maqee amirainaina faqa aandau aruseenoo Anutuna tatufu suqa amirana faqa amidanoo. Faic an caibideil |
Kainafa Anutuna tatufirana suqa amiraree qimaseenoo ureeqarana suqa aminau. Abeerafa Anutunasaa irirana rusi marunanoo narí afasaana Kainana tatufirana uraaqaranau. Abeerafa Anutuna saqariki marunara Anutufa Abeeranara andeeqara fasiqafee qimaseenoo mifa amu ainainara asasinau. Abeerafa ooqai kuqinoo maridanoo mina ufa fannoo kaqi maasa qimaqimidanoo. Innee faqa miqikai mandee Anutuna saqarikiaqa. Miqi qidanoo Abeerafa naamua qidanoo.
Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.
Yisufa maqasaa fasiqa aanaiqikirausa uriqararausa naanna sia raidanoo. Misa maqee maqee faasaambaasaana aandau tatufirana nári mandainaina taikaanifeera tatufirana suqee mariqau. Naríndi naaree tatufusaida quandafi faiqí anaasee mandainaina numoo taikaanifeera aukuana aukuana tatufusee Anutuna ami mariqau. Yisufa sia misa naanna raidanoo, Mifa moodaa kari uqanna narí afaaqa Anutuna aru aminau. Doo sia kafaa kafaa Anutuna aru amiannoo, doo moodaa kari aru aminoo aiqamausa numoo taikanau.