Heeburu 4:1 - Anutuna Ufa

¹ Maqee maa aukuanna Anutufa maaqi qimasee qima afeekaikamma maasara qinau, Amana innee qinisaimbaqa qini amiqira adooqaranaki ani keeqafiqa qinisaimbaqa qidooaaqee qinau. Doo innisaimbaqa Anutufa aniaqee qimaqoo ufafa taikaandoora doo kaqi mariqoo amiqimasee rakisi qumaraaqa, sia keeqaannoo qimasee minara rufiaaqa maasaki moo mandainaina fannoo maasa qumarainaqa maasa sia mina adooaranaki keeqaanoora.

Heeburu 4:1 Iomraidhean Croise

Aaquqira Ufa 14:16

Irirana faqaafa mandainaina ummaaraki marirara qeerairidanoo. Irirana siaifa mifa furufarinoo aanoommasee kaqi pasoosammasee fidanoo.

Aaquqira Ufa 28:14

Aiqamakari Yaaweena ufa mau finana asasiranaki marinnaranoo. Ufa rukieenana mandainainaki marinnaranoo.

Mataioo 24:48

Ainaini mariasasaa rakisirafa moo manda fasiqa narí firaafa moosaa finanoo mifa minara sia dauni aniannoo fee qimasee narí ainainira faiqi namu sia amiqimmasee narana niminoo, misa narinoo misa kaukaata qimannimaqaidanoo quandafinanoo naríara qoomaqanduquseenoo faiqí akaqausa naaramaseenoo misauqa faqa namafinoo afeeka nammari moomoo misa saimbaqa namafidanoo furufaramma qafeenoo.

Roomma 11:20

Qinee Pauroosa minara maaqi qidaqa Innee doo kuqaa qiafanoo, Anutufa Isaraee maqannaa sia irirana mina ufasaa rusimarufanoo aadana asaanara foora raqanau, innee irirana mina ufasaa rusimarunara inni mareeqee minaki ookaa inau. Innee minara irisee sia noori uqeeraaqa, rufiaaqa.

1 Koorinti 10:12

Faiqí moo fannoo nariara qeeqa afeekaikiranannai kikiqiqa maridee qinafa rufiaa, anee Isaraee maqannaasa naanna ramasee aqufinafaara.

2 Koorinti 6:1

Qinee Pauroosa qini faqa maria namusa maasa Anutuna aanaiqikirausara foora maridaqa Anutuna faqa moodaanaki ainainidaqa inni Koorinti maqannaasa fuki faaki idaqa doo innee Anutuna kaaqa afaarira anoona doo maraafanoo sia quqasaifanoo maqasaa aqufi rairaaiani.

Karatia 5:4

Mooseena sandufannai Anutuna innarunai amanaikiranaki firaree qimariasa doo Yisunasaaqaraana doo inneeqa ateekaseeqa mariafanoo Anutuna kaqi afaarinoo nimiranasaaqaraana aqoosai mariafanoo.

2 Timooti 2:13

Maasa mina akaru qiananoo mifa kai amana kai andeeqasee mariannoo. Mifa sia amana narí oosana minnisee maasa mandoosanamau fuannoo, andeeqarafa kai maridanoo.

Heeburu 12:15

Innee amiqimmandee rakisia, innee Anutuna afaariranaki fuanakiqari quandaki kaqinni ubeekee foora. Innee amiqimmandee rakisiaqa sia moo fannoo inniki saakunananda inniki kambiqafinoo aiqamausa sukaqarana nimiani.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

Heeburu 13:7

Ooqai indaaru Anutuna ufa qimannimusara sia aunuaqa. Misa amiqi mariranara faqa misa kuqiranara faqa misa Anutuna saqarikiranara faqa iriseeqa misa nimeeraameera kai ida mariaqa.

Heeburu 3:11

Qinee minara iranaqaifaqa maaqi qimasee qimafeekaikiqiafana. Sia uqanna misa qini faqa anusufiqa adooeefaranoo. Anutuna ufa miqiminoo marifaqa qinee minara maaqi qidaqa.

Heeburu 4:11

Minara maasa sia ufa rukiasee manoo manaa iqanuaqa nimudaanai qimasee Anutuna faqa narí adooeemarinaki keeqaaqa. Sia moo fannoo maasaki ufa rukiasee innisaimbaqa Isaraee maqannaa ninausa nikausa naanna ree kaqinni aqufuaqa.

Heeburu 4:9

Mi moo faasaanafa kaqi maridanoo, Anutuna ufa irimaria fasiqa anaaseesa maqasaaqaraasa minaki keeqeefaranoo. Ooqai indaaru Anutufa aiqama ainaina auquseenoo qisauku dinni ani qaara maraseenoo amiqimasee idooanau. Mina fooqaa idooarafa kaqi marinaki Anutuna ufa iri maria fasiqanaaseesa keeqeefaranoo.