Heeburu 3:5 - Anutuna Ufa

⁵ Mooseefa Anutuna aiku asauku Isaraee maqannaasaki maqee maqee miqoo kai maridanoo oori runuseenoo andeeqanoo kai marinau. Mifa Anutuna ainainira faiqi maridanoo. Anutufa qimannimianinna ainainara faiqí anaasee qimannimimarufaqa irimariqau.

Heeburu 3:5 Iomraidhean Croise

Idi Ufa 105:26

Miqiqa marufanoo Anutufa narí ainainira fasiqa Mooseena misunnai aiqanau. Anutufa rusandeesamumaqoo fasiqana Aaroona mareeqee seenoo Mooseena faqa niqiqoofaqa isipa maqusai fiqau.

Rafudoo Akarafa 14:31

Isaraee maqannaasa Yaaweena moo ainaina afeeka eeraarirana rakiranaki Isipa maqannaasa urinnaaqaroonara irufanoo naaquqoofaqa nári saqarikirana Yaaweenasaa faqa mina ainainira faiqi Mooseenasaa faqa mundiqau.

Rafudoo Akarafa 40:16

Mooseefa aiqama ainaina Yaaweefa qimamundee kai masee auqanau.

Mataioo 24:45

Ainaini mariasasaa rakisirafa amiqira fasiqa oosana maaqimminoo maridanoo. Mina firaafa minara qinoo. Anee qini ainainira faiqiuqasaa rakisida narana ainaina andeeqasee amiqimmasee nimisee rakisi marinaqa qinee moosaa fuanaura.

Mataioo 25:21

Mina rakisirafa minara iriseenoo doo qimaseenoo irinau. Iriseenoo maaqi qimasee narí ainainira fasiqa qimaminau. Oo anee amiqira fasiqa oori runuseenana ainaini marianafa andeeqara fasiqa uqanna, anee kaqikaa ainainasaa faqa andeeqasee rakisimarianafa mariananoo. Minara qinee firaa ainaina aiqama ainainasaa rakisirana anisaa kai quqaanaura. Sia anee kaqi ainainira faiqifau marinnandia. Anee qini faiqiara foora marinnaranoo. Anee faqa qinee faqa moodaanaki asasirausa marianaura.

Ruka 12:42

Karaambaiqa fannoo iriseenoo ainainimaru fasiqana kikiqusinoo qimaminau, ainaina faqaana ainainira faiqi irirana faqaafa andeeqasee rakisimarifa marinau.

Ruka 24:44

Namaseenoo maaqi qimasee qimanniminau qinee inni faqa kaqi maridaqa maa dariranara kuqiranara findifiranara qimannimiaafanausa maridaqa. Mooseena sandufa faqa tamummaqara fasiqauqa ufa faqa Dafidina idi akaraki faqa qiniara akara rumaqoo ufafa naqimasee sia kambiqararee doo mina anoona kambiqarana qafaafanoo.

Yoohanee 5:39

Innee Mooseena sandufa faqa Anutuna tamummaqara fasiqauqa akarakinaa ufa asaana ridaqa naaru marira aanara randaidaqa mi sandufafa kai qiniara qimannimimarifaqa sia irimariafanoo.

Roomma 3:21

Doo maqee kamuqoo Anutuna afusaa andeeqafi marira oosana doo kooroo inoo maridanoo. Sia Mooseena sandufarau qidau, aaduma moo ufara qidaqa. Mooseena sandufa faqa tamummaqarausa ufa faqa doo minara kooroomasee maaqimminoo maridanoo.

1 Koorinti 4:2

Ainaina faqaafa narí ainainasaa rakisi mari fasiqanara akooqoo andeeqara fasiqa kai maraannoo. Narí ainainasaa amiqimasee rakisi marina kai narí ufa irimari faiqina kai mara quqaannoo. (Qinee Pauroosa Anutuna rakisira faiqiara foora maridaqa. Qinee inniki ainainidaqa qeeqa irirana qeeqa uriqararanasaa rusisee inniki ainaini mariqiafana.)

1 Timooti 1:12

Qinee mi saikanaki nimariafananoo maasa karaambaiqa asauku mundirafa qini ainainirana amana kai qimunara dufi dufi qidaqa. Mifa qiniara mi ainainirana amanaikammi ifoo qimaseenoo mara quqaqaisa maridaqa minara faqa maasa karaambaiqa asauku mundirana Yisunara dufi dufi qidaqa.

Heeburu 1:1

Ooqai Anutufa narí marunara moomoo kari moomoo oosanannai faqa narí tamummaqara fasiqauqannai faqa maasa Isaraee maqannaa qikeeku qikaaku narí marunara naamua qimannimimarinau.

Heeburu 3:2

Ooqai Mooseefa Anutuna aiku asauku Isaraee maqannaasaki aiqama ainaina auqeemaruna miqoo kai maridanoo oori runusee andeeqanoo kai marinau. Yisufa miqikai maseenoo narí asauku mundusee aqiqoofa Anutunara iriseenoo mina ainainirana andeeqaidanoo aidimarufanoo marinau.

Heeburu 3:4

Sia maaqa moo fifau kambiqaidanoo. Aiqama maaqa usakeemarifa kai usakaidanoo. Anutufa mifa aiqama ainaina auqeemarifa marifanoo Yisufa Anutuna ameemaanai maaqa usakee marifa marinara Mooseena uraaqaranoo maridanoo.

Heeburu 8:5

Mi aanaiqisa ainainirafa sia anoona maridaqa fifau amananda kai maridanoo. Innaarunai mari ainaina fifau amananda kai maridanoo. Mooseefa Sinai maqa maaqaki uqiqaana maaqa usakararee qufanoo Anutufa maaqi qimasee qimaminoo qinau. Qinee aaqanasaa uqafiqaunna maqana amana kai andeeqasee usakaa.

Heeburu 9:24

Asauku mundirafa uqiqaana maqa faiqí nisaukunnai auqamaqoonaki innaarunai marina fooqaanaki miqiranaki sia keeqanau, mi maqanaki naaquqara oosiranaki sia keeqanau. Mifa andeeqasee innaaruna maqa maaqaki Anutufa maruqoo uqanna keeqafinoo kooroomafinoo maridanoo maasa dadaaqidanoo.

Uqafiqoo Ufafa 15:3

Anutuna ainainira faiqi Mooseena faqa sipsipa aanaaqi kuqufa faqa miqanda idi ree mariqau. Maaqi qimasee idi raqau. Oo Karaambaiqa aiqama afeekafaqaa Anutufa, Anee aiqamausa rakisi marianna oosanafa faqa anee imarianna oosana faqa idaaqirafa firaafa maridanoo. Anee aiqama maqusanaasa Karaambaiqa marianafa, Anee niniunafa andeeqarafa kuqaa marunafa marianafa.