Heeburu 2:2 - Anutuna Ufa2 Ooqai qangiroo qimannimu ufafa kuqaa anoonaiki marinau. Qangiroouqa ririmma innaarunai ureeqarausa maridaqa faiqí moo fannoo misa ufa irisee rukiasoofanoo Anutufa mina akiaqara narinau. Faic an caibideil |
Maasa minara irisee Anutufa naqiraree sandufa Mooseena aminoo fee inau. Mooseenakiqari fifiufanoo Anutufa qima afeekaikira ufa qimamufa Abarahaamana ati anoona uqanna kambiqaaninanaki Mooseena sandufa taikaannoo. Mi qambaana kamusaqanna aaqarana kooroomma nimaqaanifeera Anutufa mi sandufana quqanau. Anutuna qangiroouqa mina sandufa Mooseena amufanoo Mooseefa Anutuna faqa maqasaa fasiqa faqa aanaiqikinoo maridanoo maqasaa narí aqoonausa niminau.
Mooseena afu fannoo innaarunai qumiasana ainainasaa afu munduseenoo minara kai rimarufa marufanoo Isipa maqannaasa munnimma ainaina oosana oosana minnimmasanau. Mooseefa Isipa maqannaasa faqa nári aaqara adiafaairanaki keeqarara akooqoofanoo misa minnisee asauku mundirana kasooqaqee kambiqaaninnanara irisee mi aupuraranaki keeqeera maqi mafinau Isararee maqannaasa misa aupuraranaki dadaaqinoo keeqanau.
Sia faiqí moo fannoo dapi marirana niranannai Anutuna asasirana maraannoo, minara narí Anutunasaa irirana rusiranannai kai mina asasirana maraannoo. Faiqí anaasee moo fannoo faasa Anutunara kuqaa maridanoommifoo qimarinafa, Anutufa narí andeeqara oosanara randeemarisa amiqira ainaina innaarunai nimiannoommifoo qimarinafa mi ufaqanda qimaria fasiqa aanaaseesa kai Anutufinnai fifaranoo.
Maqee maasa mina qafamaseeqa ooqeenaa tamummaqara fasiqauqa akarara kuqaa fee qimariafannana, maqee anoona qafamaseeqa doo kuqaa uqanna anoona fee qidaqa. Innee tamummaqara fasiqauqa ufa amiqimasee irifanoo naaqooki keeqainaqa amiqimandee marifaranoo. Misa ufa asukunaki qoomara foora kaaqa qaida maridanoo iqaqarana afeesiannoo duqudeeqiara foora Yisufa inni nimuqusaki kaaqa qaannoo.