Heeburu 13:1 - Anutuna Ufa

¹ Innee asauku mundiranaki marianara nariara nariara moodaa fasiqa anaasee faiqiara foora uriqarara ainainee qimasee sia fifau noonnoo kai nimuqusi marinaqa nariara nariara ruaqa asaukunnoo auqaidana nariara nariara ruaqa. Miqi kai ida sia taikaaqa.

Heeburu 13:1 Iomraidhean Croise

Idi Ufa 133:1

Anutuna faiqí anaasee moodaanaki marida narí amiqi narí amiqirafa kaaqa amiqirafa maridanoo.

Yoohanee 15:17

Doo qeeqa aaquqira ufa maaqi qimasee qimannimidaqa. Innee nariara nariara ridaqa nidiaqa.

Karatia 5:13

Oo qini qikaaqaafasaauqa inniara qinee qianaura. Innee inneeqa mandainaina rumbaranaki mariafanoo Anutufa minakinaana inni naarameeqeenoo Yisuna idukiranaki quqeenoo. Doo innee minaki maridaqa inni nifaaqa manda nidimari ainainafa sia quandakinoo innisaa rakisidanoo inni nikaruqiranannai minni ubeekamannimaqaani. Sia miqiaqa maaqiaqa inneeqa nariara nariara rirafa nimudaoo qirafa inni nifiqeeqeenoo nariara nariara dadaaqiranaki quqaani.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

Eefeesusa 4:3

Anutuna maraquna fannoo inni moodaanaki mara quqasaifaqa mariafanoo innikina asooarafa inni moodaanaki afapita qumaraifaqa mariafanoo innee mina moodaanaki marirana amiqimasee rakisiaqa, rakee iani.

2 Teesaroonika 1:3

Oo qini qikaqaafasaauqa maasa inniara maqee maqee Anutufinai dufi dufi qimamaqaidaqa. Innee Yisuna saqarikirafa firaaqoo kambiqainara iriseeqa sia minara dufi dufi qiana aaqaannoo. Inniara Anutufinnai dufi dufi qimarunafa andeeqaidanoo.

Heeburu 10:24

Maasa nariara nariara uriqarara ainainee qimasee nimuqusirafa marianinnanara fuki faaki qimase nisaukukoo dadaaqira dadaaqirafa kambiqaani. Narí amiqi amiqirana faqa fuki faaki qimasee narí dadaaqi narí dadaaqiaqa.

1 Peetooroo 1:22

Maqee innee Anutuna anoona ufa irisee maraafanoo mi ufanannai inni ninukama findaukamaseenoo. Innee inneeqa niqoonausa mi ufana irimariasara kuqaa nimuqusidanoo nidimarifaqa minara kaifaa qinee qimannimidaqa inneeqa nimuqusa ookiqari noori kandamasee nariara nariara nimuqusidanoo nidiani.

1 Peetooroo 2:17

Innee sia aiqamausara qini qimana fee qimasee furufariaqa, aiqamausa nári uriqararana amanasaa mina afusaa rufiaaqa. Aiqama Yisuna ufa irimariasa niqoonausa Yisuna ufa irimariasara nimuqusinoo nidiani. Innee Anutunara naaquqaani. Kaamanna firaa uriqararanara faqa naaquqaani.

1 Peetooroo 3:8

Mi ufana atisaa maaqimminoo marifaqa qimannimianaura. Innee Yisuna ufa irimariasa aiqama ainainara moodaa irirafa mariani aiqamausa moodaanaki kai nimuqusa quandaaqa. Innee nariara nariara nikaqaafasaara foora nimuqusidaqa aiqamausa nariara nariara ruaqa. Innee nariara nariara fifimmasee reendeenamasee miqidaqa nariara nariara qimudaoo qimasee narí dadaaqi narí dadaaqiaqa.

1 Peetooroo 4:8

Aiqama amiqira ainaina urinaaqararafa maafa maridanoo, sia nifaurunnoo kai unna qimasee nariara nariara ruaqa, nisaukunnoo dadaaqirana faqa nimuqusannai faqa nariara nariara ruaqa. Nariara nariara nimuqusirafa moomoo manda oosana rafaaqafidanoo.

2 Peetooroo 1:7

Kafaa miqooqari nári nikaqaafasaara foora nariara nariara aidirana mina faqa afeekaikamasee ootupaaqa. Kafaa miqooqari nariara nariara nimuqusirana mina faqa afeekaikamasee ootupaaqa.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

Uqafiqoo Ufafa 2:4

Akaqa ainainara kai aniara aaqeefoo qidaqa. Anee ooqai indaaru unandee sia qiniara amuqusidanoo.