Heeburu 1:9 - Anutuna Ufa

⁹ Anee andeeqara oosanara rimarianafa mariananoo. Anee mandainainara fidiaqaa imarianafa mariananoo. Minara kai ani Anutufa ani aqoonausakinaana rusandeesamumasee maraseenoo firaanaikamandoofa maridana asasimariananoo.

Heeburu 1:9 Iomraidhean Croise

Idi Ufa 11:5

Yaaweefa andeeqee mariasa faqa aaqee mariasa faqa amana amana kai niuqidanoo. Sia mina sandufa afaqee mariasara Yaaweefa narí amuqusa aiqamannoo misara fidiaqaammidanoo.

Idi Ufa 119:104

Qinee ani sanda ufa irisee minannai amiqira irirana maraidaqa. Miqinoo marinara aiqama kaqi runna fimaria aanausara qini fidiaqaamma qimaqaidanoo.

Idi Ufa 119:128

Minara qinee ani aiqama naakapara ufa afaqaidaqa aiqama aaqara oosanara fidiaqaa idaqa.

Idi Ufa 2:2

Misa karaambaiqauqa faqa misa rakisi nimaqee mariasa faqa Yaaweefa rakisi nimaqee marinakiqari quqasee kaqinni firara tipundaaridaqa. Yaaweefa utaaqamaqai rakisirana rakisi nimaqaranakiqari faqa quqasee kaqinni firaree qimasee tipundaaridaqa.

Idi Ufa 2:6

Mifa maaqi qidanoo qinee Yaaweesa inni karaambaiqa marianinnana qeeqa naaquqara aaqana Sioona aaqanasaa quqeeqa.

Idi Ufa 23:5

Anee qini namuqaa nifusaa firaa oomaqa qini qimiananoo. Qinee uriqarara fasiqara foora marunana qini daarama quqaananoo. Anee amiqi amiqira ainaina namariara foora qini kaafaki adia afairaqaramma qimiananoo.

Idi Ufa 33:5

Yaaweefa andeeqara marirana faqa andeeqasee amana amana kai rainee marianara faqa aididanoo. Maa maqa maaqanaki Yaaweena sia taikara amuqusirafa qumbiqanoo maridanoo.

Idi Ufa 37:28

Yaaweefa andeeqara oosana maree mariasara aididanoo narí ufamau mapukusee fimariasa faqa sia minninnisaannoo, misasaa naaruara titannimaqaannoo. Manda oosana maree mariasa faiqi namu mara aqusaannoo.

Idi Ufa 40:8

Oo qini Anutu, ani aidirana mau firara firaaqoo dididanoo. Ani sanda ufa qini qimuqusaki maridanoo.

Idi Ufa 45:6

Anutufa anee naaru naaru uriqarana maridana aneenna faiqí anaasee andeeqara oosanannoo rakisi nimaqaa.

Idi Ufa 45:7

Ani andeeqaranara aidinoo mandainainara fidiaqaa inoo imarifa mariananoo. Minara kai ani Anutufa ani utaaqamaseenoo asasirana ani akiiqa amoondunna akaqa uriqararausa adia nimaqaina faqa uraaqa ramasee adia amaqeenoo.

Idi Ufa 89:20

Qinee qeeqa ainainira faiqi Dafidina naaquqara fadameenannai akiiqa amoondunnai adiaunnanannai uriqararanaikamma amaqeeqa.

Idi Ufa 89:26

Mifa maaqi qimasee qini Yaaweesa qimaqimiannoo. Anee qini qikoofa mariananoo. Qini Anutufa mariananoo, anee qini asumu qimi marianafa, qini ititee marianna ooni faandaamura fara foora mariananoo.

Aaquqira Ufa 8:13

Yaaweenara qeerairida mina ufa qaindusiraree qimasee manda oosanara fidiaqaa ia. Qinee ramoo ramaa iranara faqa nári nuqu uqeerara oosanara faqa manda oosanara faqa unnufa qiranara faqa fidiaqaamidaqa.

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Yoohanee 1:41

Andurufa narafasaana Simoona moo auqu Peetooroona kaqi kaqi paqurimaseenoo qimaminoo qinau. Maasa Anutuna asauku mundira fasiqa kambiqaannoo fee qimaqoofa doo maasa paquriqa qimaseenoo mina afiqammaree Yisufinnai finau.

Yoohanee 10:17

Qeeqa sipsipara qimuqusina qeeqa marirana misa nimaaqa maqaseeqa kuqirinaki quqasee kaifaa qeeqa marirana minakiqari maraanaura. Qinee miqiraree qunnanara qini qikoofa qiniara ridanoo asasidanoo.

Yoohanee 20:17

Miqi qimasoofanoo Yisufa qinau, sia qeeqa qikoofinnai ooru fiqa minara anee sia qini qifaaqa qumaraa. Anee oonuree qini qikaqaafasaauqa qimannimia. Qinee qeeqa qikoofinnai faqa inni nikoofinnai faqa qeeqa Anutufinnai faqa inni Anutufinnai faqa ooru fidaqa.

Yoohanee 3:34

Anutufa innaarunaindari aqiqamasaifa Anutuna ookinaa ufa kai qimannimidanoo Anutufa narí maraquna muduka amiqaifanoo miqidanoo.

Roomma 12:9

Inniki nariara nariara nimuqusirafa inniqa nimuqusannai kai nariara nariara nimuqusiaqa. Innee aiqama manda mariranara fidiaqaamasee amiqira marirana kai rakisisimma qumaraaqa.

Roomma 15:13

Anutufa maasa innaarunaira afeesirana oosanafaqaafa maridanoo, mifa kai innee mina saqarikiranannai aiqama asasirana faqa asooarana faqa innikina qumbiqannimaqaannoo, Anutuna naaquqara andeeqara maraquna afeeka fannoo inni dadaaqinanoo innaarunaira asasammasee afeesirafa mi asasirafa qumbiqeenoo teeqiannoo.

1 Koorinti 1:9

Anutufa inniara narí amaaku narí asauku mundirana maasa karaambaiqa Yisuna faqa aqoondikiaqeera inni naaree marifa marinara sia inni nikaruqimasee kasaaqai mininnisaannoo innee minasaa nifaaqa quqeemariafa maridanoo.

2 Koorinti 11:31

Anutufa maasa karaambaiqa Yisuna akoofa naaru naaru mina auqu amiqi amiqirafa kai mariani, mifa kai qiniara sia unnaqi mari fee qidanoo, iridanoo.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Eefeesusa 1:3

Maasa dufi dufi qirana maasa qikoona Anutuna faqa maasa karaambaiqa Yisuna faqa nimiaqa. Maasa asauku mundiranaki keeqafufanoo mina akoofa Anutufa amiqi amiqirana maasa Yisuna namufaqa qiminau. Mifa innaarunaindaraa amiqira dadaaqirana qimaqaifanoo miqoo innaarunai maridanoo, minara maasa dufi dufi qimamaqaidaqa.

Firipi 2:9

Anutufa mina qafoofanoo afaaqa asasinoo aidufanoo mina akiaqara kuqiranakinaana uqeereeqeenoo innaaruna maarinni uriqararanaki quqaseenoo aiqama nuqu uriqarara auqu faqaana quqanau.

Heeburu 2:11

Yisufa faiqí faiqi maraseenoo nári mandainaina findaukamaseenoo anukaranaki quqannisee marifa maridanoo. Mifa faqa ninukamaqaisa faqa moodaa nikoona faqaasa marianara Yisufa misara sia asauridanoo qini qikaqaafasaa fee qidanoo.

Heeburu 2:9

Maasa quandaki Yisuna kai qafaidaqa. Anutuna afaariranannai kai Yisufa naaru asumu marirana qimiraree qimaseenoo maasa faiqí faiqi kuqirana narí faqa maraani qimaseenoo qangiroo nimeemaanai qusakamuqoo qumu maridanoo kuqunnimaqanau. Maqee mifa kaaqa qara qafee faqaafa, kuqaa firaaqoo uriqararafa maridanoo. Mifa kuquna faqa aupuroona faqa mina akiaqara innaarunai firaafa maridanoo.

Heeburu 7:26

Yisufa mifa maasa aanaiqikira uriqararafa maridanoo. Maasa mandainaina oosana oosana manda ainaina akiaqara amana kai Yisufa maridanoo. Mifa andeeqarana naaquqarafa maridanoo. Minaki sia moo aaqarafa mandaikirafa maridanoo. Mina manda maqasaa mariasakinaana aadumasaa Anutufa quqararee qimaseenoo mareeqeenoo innaarunai uqeera uriqararanaki quqaqaifanoo maridanoo.

1 Peetooroo 1:3

Karaambaiqa Yisufa Anutuna asauku mundirana akoonara Anutunara maasa aiqamausa dufi dufi qimamaqaidaqa. Maasa aaqarana akiaqara nifauarafa firaafa marinara narí asauku mundirafa kuqiranakiqari findifinoo fukasaa aanaaqi kammafi marirana maasa paqurimma qiminau. Naaru kambiqaaninnanara maqee asasiqa doo mi marirafa maasa qumbiqaqimaqaidanoo.

Uqafiqoo Ufafa 2:15

Miqi kai masee inniki Nikooraita amaana ufa irimariasa akaqausa mariafanoo.