Heeburu 1:1 - Anutuna Ufa

¹ Ooqai Anutufa narí marunara moomoo kari moomoo oosanannai faqa narí tamummaqara fasiqauqannai faqa maasa Isaraee maqannaa qikeeku qikaaku narí marunara naamua qimannimimarinau.

Heeburu 1:1 Iomraidhean Croise

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

Oosana 6:3

Miqi marufanoo Anutufa qinau. Qini maraquna naaru naaru sia faiqiki mariannoo. Misa fifau faiqí faiqi marianara kisaaqa aukuana ateekasee qusa aukuana nimianaura, 120 aukuana kai nimianaura.

Ruka 1:55

Abarahaamanara faqa iriseenoo amuqusufanoo dadaaqinoo mina aiku asauku faqa naaru naaru dadaaqiannoo.

Ruka 1:72

Mifa narí qimaqoo ufanara irianauree qeeqa naaquqara moodaanaki kira ufa iriseeqa mimau dadaaqianauree qinau. Mifa oori runusee Abarahaamana qimaminau, minaki mifa maasa namuqaa nisaukukinaana mareeqee paasoosiranaki quqaqisainaqa maasa kaqi marianna kamuqoo mina naaquqara andeeqara fasiqa anaasee mariannanara qimaminau.

Ruka 24:44

Namaseenoo maaqi qimasee qimanniminau qinee inni faqa kaqi maridaqa maa dariranara kuqiranara findifiranara qimannimiaafanausa maridaqa. Mooseena sandufa faqa tamummaqara fasiqauqa ufa faqa Dafidina idi akaraki faqa qiniara akara rumaqoo ufafa naqimasee sia kambiqararee doo mina anoona kambiqarana qafaafanoo.

Yoohanee 16:13

Miqimarianara kuqaa anoona ufa qira maraquna fannoo qumureenoo inni mareeqeenoo anoona ufa mariranaki mara quqaannoo. Sia mi maraqunafa narí kai ufa qimannimiannoo qini dookinaana kai irinoo inni qimannimiannoo. Mifa kasooqaqee kambiqaaninna ainainara tamummaqasee iriseenoo inni qimannimiannoo.

Yoohanee 7:22

Mooseefa faiqi aanaaqiuqa nipata aukimarunara fainanduqu nisaaqee qimarinau, innee minara irisee maasa amaana Saririqasaa miqimariafanoo. Sia Mooseefau mi oosanna aranau. Narí akeeku akaakundi mareenoo miqi qinau.

Yoohanee 9:29

Anutufa Mooseenannai maasa qimaqimufaqa maasa iridaqa. Mi fasiqafa Yisunara maasa sia mina oosanara iridaqa.

Heeburu 11:18

Anutufa ooqai Abarahaamana qimamu ufafa maaqimminoo maridanoo. Ani amaaku Isakeenasaaqari ani aruakinausa moomoo qinee qima afeekaikiranara kambiqeefaranoo.

Heeburu 11:2

Ooqa marusa miqimmi mariqau. Misa Anutunasaa irirana rusiranannai Anutuna eedoo qirafa misaki marinau.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

Heeburu 2:2

Ooqai qangiroo qimannimu ufafa kuqaa anoonaiki marinau. Qangiroouqa ririmma innaarunai ureeqarausa maridaqa faiqí moo fannoo misa ufa irisee rukiasoofanoo Anutufa mina akiaqara narinau.

Heeburu 2:3

Maqee innaarunai firaafa uriqararafa maasaki ani maridanoo. Mifa maasa qumareeqee asumu marirana qimiraree qidanoo. Maasa mi firaa ainainnara iriseeqa minniseeqa naqi fee mandee Anutunara rufiasee yaifee fuanauree. Sia amana, kaqi darirafa kai firaafa mariannoo. Karaambaiqa narí uqanna oosana arasee narí innaarunaindaraa asumu qimiranara narí faiqi namu qimannimisoofaqa irisee quandaki maasa qimaqimiafaqa kuqaa fee qimasee iridaqa.

Heeburu 3:5

Mooseefa Anutuna aiku asauku Isaraee maqannaasaki maqee maqee miqoo kai maridanoo oori runuseenoo andeeqanoo kai marinau. Mifa Anutuna ainainira faiqi maridanoo. Anutufa qimannimianinna ainainara faiqí anaasee qimannimimarufaqa irimariqau.

Heeburu 4:8

Yoosuafa Isaraee maqannaasa nifieeqeenoo Yooradanna nammari taqamareenoo nári fuka maqaki idooaranaki quqannisanau. Anutufa sia mi idooaranarau qinau, moora qinau, Yoosuafa Anutuna adooaranaki quqannisainanoofau Anutufa sia moo faasaanara qini.

Heeburu 5:5

Yisufa asauku mundirafa miqi kai masee sia narí kai nariara uriqarara aanaiqikinau. Anutufa qunara kai miqinau. Mifa maaqi qimasee qimaminau. Anee qini qimaaku mariananoo. Maqee faasaana qinee ani akausaikammiqa maridaqa.

Heeburu 9:19

Mooseefa indaaruqaa moodaanaki kira ufa mina sandufa oosana oosana faiqí anaasee qimannimiseenoo burimakau mimmi fidika nammari namufaqa mareenoo naneeka amanee faqa taatuqee arira sipsip asausi faqa qumareenoo fidikaki raaraamma qumareenoo sandufa bukamau faqa faiqí anaasee nifaaqasasa faqa akuseenoo maaqi qimasee qimanniminau.