Firipi 4:9 - Anutuna Ufa

⁹ Innee qini Pauroosasaaqaraa amiqira oosana qafeeusa mariafanoo minauqa maqee maqee qinee iafanandee kai iaqa. Qini ufakinaana faqa qinee iafanandee inafa mi mau kai fimarifanoo Anutufa naundura asooarana nimimarifa inni faqa nuani.

Firipi 4:9 Iomraidhean Croise

Mataioo 1:23

Maanaaqa moo fannoo mari inanoo amuaquqaikiannoo. Amuaquqaikinoo faiqi maqaannoo. Mina auqu Imanueera nee qifaranoo. Mi auquna oosana maasa ufakiqari maaqimminoo maridanoo. Anutufa doo maqee maasa faqa maridanoo.

Mataioo 28:20

Aiqama ufa qimannimiafannana misa faqa mi ufana aiqamausa uqanna qimannimifaqa iriseeqa mi ufana qumaraaqeera, mi ufanamau kai fuaqa. Innee maqusa maqusa fifaqa qinee faqa qumee inni faqa fuanaura. Innee miqi marifaqa qinee qumee kai inni faqa nuanaura. Sia inni mininnisaanaura kasoo innaaruna faqa maqa faqa taikara aukuana inniqa saimbaqa moodaanaki kianaura.

Mataioo 7:21

Yisufa kafaa maaqi qimasee qimanniminau. Faiqí fifau misa nookiqari qiniara karaambaiqee karaambaiqee qimariasa sia innaaruna ququsaki fifaranoo. Qini innaarunai qikoona iriranamau fimariasa misa kai innaaruna ququsaki keeqeefaranoo.

Ruka 6:46

Innee nanaree qini Yisunara karaambaiqee karaambaiqee qidaqa qini ufa sia irida fee, faiqí moo fannoo qinee marunannai anireenoo qini ufa irimarifa mina oosana maaqimminoo marida.

Ruka 8:21

Yisufa mina iriseenoo aiqamausa qimanniminau, Anutuna ufa irisee eedoo qimasee mi mau fimariasa misa qini qinaukoo qikaqaafasaa uqanna mariafanoo.

Yoohanee 13:17

Innee maqee maa ufana anoona naaqooki irimariafanoo. Innee maa ufana irisee auqaifanoo asasirafa mariannoo.

Yoohanee 15:14

Maqee maqee qini aaquqira ufa irisee mi mau fimariasa misa kai qini qiqoondiuqa maridaqa.

Yoohanee 2:5

Yisuna anoofa mina iriseenoo quandafinoo qoomaqa dadaaqimaru fasiqausa mara quqaqoosa maaqi qimasee Yisunara qimanniminau. Nana ainainaree maafa qinaqa mifa qinandee kai iaqa.

Roomma 15:33

Anutufa maasa asooara oosana fannoo inni aiqama Roomma maqannaa faqa mariani. Kuqaa.

Roomma 16:20

Anutufa maasa asooarana oosana faqaafa qusasaa Sadannana inni niku ameemaanaira foora mareeqeenoo quqasee radamusaannoo. Karaambaiqa Yisuna afaarirafa inni faqa mariannoo.

1 Koorinti 10:31

Qinee Pauroosa minara maaqi qidaqa Innee narana nammari aiqama ainaina neemarianara sia fee naanauree, naanauree, nana ainaina innaree, Anutuna amooqira ufa kambiqee marimau kai fuaqa.

1 Koorinti 14:33

Anutufa sia maasara dapi dapi furufariranaki mariaqeera daarama quqeenoo asooaranaki andeeqasee mariaqeera daarama narí ufa iriranaki quqeenoo. Anutuna ufara suqimariasa maaqanna maaqana moodaa oosana qimannimiafanaqa maree mariafaqa inni faqa qimannimidaqa.

1 Koorinti 4:16

Qinee minara irisee qeeqa qimuqusa ookiqari reendeenamandee inni qimannimidaqa innee inni nikausa qini daanna raaqa.

2 Koorinti 13:11

Qini qikaqaafasaa doo maqee akara taikaanaura. Innee kaaqa andeeqaranara afeekaikamasee marararee qimariasa mariafanoo, qini ufa qunnana amiqimasee iriaqa, sia nariara nariara rairaiqiaqa, moodaanaki maridaqa asooaranaki mariaqa. Faiqí aanaaseera nimuqusirana nimimari Anutufa faqa naundura asooarana nimimari Anutufa faqa inni faqa mariani.

Firipi 3:17

Oo qini qikaqaafasaauqa innee aiqamausa qini kai qifaqee qini qimeemmeeriaqa, maasa inniara iriqa andeeqara aana uqannifiqaafanaqa doo maqee innee akaqausa innikiqari mi mau fimariasa niqafamasee innee faqa nifaqee mi mau fuaqa.

Firipi 4:7

Innee miqifanoo Anutuna aundura asooarafa firaa ainaina tia maridanoo faiqí faiqi irirafa sia mina amana maridanoo, mi asooarafa inni nimuqusa faqa irirana faqa asauku mundirana Yisunakina mariafanoo miqoo inni rakisinnimaqaannoo.

1 Teesaroonika 1:6

Innee maasa andeeqarana qafamasee karaambaiqa faqa maasa faqa andeeqarana ameeraameerirana faqa maasa faqa andeeqarana ameeraameeri mariafanoo, inni maqannaasa Yisuna ufa irunara mina akiaqara inni aupurarana firaaqoo nimufaqa innee sia minara iriqau naaquqara maraquna nimimaru asasirana asasammasee karaambaiqa ufa kai maroosa.

1 Teesaroonika 2:14

Ooqai Yuda maqannaasa nári niqoonausa asauku mundirana Yisuna ufa irimarusa irisoona akiaqara kadaapirirana nidafirana nimiqau. Innee Teesaroonika maqannaasa faqa asauku mundirana Yisuna ufa irisoofaqa inniqa niqoonausa nikooqoofaqa miqi undee kai iqa nidafirana aupurarana inni nimiqau.

1 Teesaroonika 5:23

Anutufa maasa naundurai asooarana nimimarifa inni mariranaki naaquqara andeeqara oosana firaaqoo nimiani. Mifa kai inni aiqama marirana nipatasaa faqa nimana faqa maraquna faqa aaqarafa sia mariani anukarafa kai mari mari inanoo asauku mundirafa karaambaiqa Yisufa miqiqa marinnanaki qumuani.

2 Teesaroonika 3:4

Karaambaiqa fannoo inniara maasa nimuna asooarana nimidanoo innee maqee faqa kasooqaqee faqa sia manda iriramau fifaranoo maasa qimannimira ufamau kai andeeqasee fifaranoo.

2 Timooti 4:22

Karaambaiqa maraquna fannoo ani faqa mariani Anutuna afaarirafa inni aiqamausa faqa mariani.

Yameesa 1:22

Sia anutuna ufa naaqoo kai irisee minnisee oo qinee. Anutuna ufa irimarunausee qiaqa. Miqi qidaqa nariqa nikaru qidaqa. Naaqoo iriseeqa nisaukukoo qumaraaqa.

2 Peetooroo 1:10

Innee aiqamausa nifusaa maqee maqee moo faqa moo faqa afeekaikamasee Anutufa inni rusandeesamumasee maroonara kooroo iaqa.

1 Yoohanee 3:22

Paasoosidaqa maasa nana ainainaree sarau ianna ainainnara innaaru qiananoo Anutufa maasa qimiannoo. Maasa mina ufara qimuqusannoo eedoo qimasee Anutuna aidimari oosana maraidaqa iraanna ainainara qiananoo mifa qimiannoo.