Firipi 4:6 - Anutuna Ufa

⁶ Inneeqa oosana oosana sarauqira ainainara sia oonumafi irifanoo nimuqusiani, innee Anutunara innaaru qidaqa miqoo kai inneeqa sarauqi maria oosana oosana ainainara innaaruqiaqa. Innaaru qidaqa Anutunara dufi dufi qirana namufaqa innaaru qiaqa.

Firipi 4:6 Iomraidhean Croise

Idi Ufa 51:15

Oo Yaaweefa anee qini doo raqasainaqa qinee qeeqa dookiqari ani amooqiranara kai koorooianaura.

Idi Ufa 55:17

Eeneemarinaqa faqa kananaana faqa faasaana qambaana faqa qinee qeeqa aupuraranakiqari aaraananoo mifa qini ufa iriannoo.

Idi Ufa 55:22

Aneenna ummaara Yaaweenasaa quqasainanoo mifa aufadama amaqaannoo. Yaaweefa andeeqarausa mandainainaki aqufifanoo irinoo siamma mininnisaannoo dadaaqammiannoo.

Idi Ufa 62:8

Innee qini qiku qisauku aiqama kari Anutuna kai saqarikiaqa. Inneeqa aiqama ummaarara mina qimamiaqa. Maasa mifinnai oonuree kai asumu marianaura.

Aaquqira Ufa 15:8

Mandainaina maree mariasa aandau arusee tatufu amiafanoo Yaaweefa qafamaseenoo misa tatufiranara fidiaqaa midanoo. Aneeqee maria fasiqa anaaseesa innaaru qiranara Yaaweefa aididanoo.

Aaquqira Ufa 16:3

Aneenna tipundaarianna ufana Yaaweenara amiqi amiqimma qimaqaannee qinanoo anoona kambiqaannoo.

Mataioo 10:19

Misa inni rumbamaree nári mariannai nifiqee fifaqa naqi fee qianau naqi fee qianau sia qiaqa. Mikari kai qini qikoona maraquna fannoo qimannimina ufana mi ufana kai qimannimiaqa.

Mataioo 13:22

Amuka faqaanaki aqufu qaqammafa moo fasiqara foora maridanoo. Mifa Anutuna ufa irinoo maqasaa kadaapirirana faqa kaaqa ainainara munnimmara amuqusirana faqa mi ainainafa mi ufana anukaki kukuqinoo sia qaqamma iraidanoo, sia anoona kambiqaidanoo.

Mataioo 6:34

Minara qinee inni qimannimidaqa maqeera kai iriaqa. Duna faasaana ainainara sia irinanoo ummaara raani. Duna narí kai narí aiqama kambiqaaninna ainainara rakisiannoo. Faasaambaasaana maqee ainainara kai iriqa fuaqa qidaqa.

Mataioo 6:8

Misa naanna sia raaqa. Inni nikoofa sia innee irammiriaqoo kai iridanoo. Ooqai mifa irimarifa maridanoo. Minara fifau ufa urirara kai urirara kai qidaqa sia innaaru qiaqa.

Ruka 12:22

Yisufa narí faiqi namu kaqi qimannimidanoo qinau, qinee faasai qimannimunna ufanara irisee maaqi qidaqa innee kaqi marira naranara sia nimuqusiani inneeqa nifaaqai afisimaria qamunnanara faqa sia nimuqusiani.

Ruka 12:29

Minara irisee maasa nana narana fee nammari fee maqee maqee naanauree qimasee minara sia nimuqusiani.

Ruka 18:1

Yisufa narí faiqi namuara sia nikoo nikaa masee innaaru qiranara minnisaaqee maqee maqee afeekaikamasee innaaru qiaqeera quandara ufa qimanniminau.

Ruka 18:7

Anutufa sia miqi marifa, amiqirafa maridanoo mifa narí faiqí anaasee eendaki faasaana misa ikiraqarana iriseenoo sia anuquannoo qinee qimannimida dauni dauni dadaaqiannoo.

1 Koorinti 7:21

Anutufa ani aaroo kamuqoo anee moona ainainira fasiqa marunafa saina kaqi maria, sia quqasee moosaa fua kasooqaqee idukirafa kambiqainana miqoo kai idukusainana fua.

1 Koorinti 7:32

Innee ummaara siaisa mariaqeera qimannimidaqa. Anaasee siaifa karaambaiqa ainainiranara kai irimaree fidanoo karaambaiqa eedoo qiranara kai irinoo fidanoo.

2 Koorinti 1:11

Miqi marinara innee moomoosa maasara innaaru qifanoo Anutufa maasa amiqi amiqima qisainaqa moomoosa mina qafamasee quandaki Anutufinnai dufi dufi qifaranoo.

Eefeesusa 5:20

Maasa karaambaiqa asauku mundirana Yisuna auqusaa maqee maqee aiqama ainainara maasa qikoona Anutunara dufi dufi qiaqa.

Eefeesusa 6:18

Innee mi ainainausa maraidaqa innaaru qidaqa maqee maqee Anutuna dadaaqiranara faqa innaaru qiaqa. Anutuna maraquna afeekannai maqee maqee eendaki faqa faasaana faqa Anutuna maqasaa fasiqa anaaseera Anutufa amiqi amiqimma nimaqaanifeera innaaruqiaqa. Sia kudoosaapaaqa afeekaikamandee innaaruqiaqa.

Kooroosee 3:15

Innee asauku mundiranaki mariasa moodaara foora marianara nariara nariara farafara qirana minnisee asauku mundirana asooarafa inni naundurai rakisimarinaqa moodaanaki kiqa mariaqa. Innee miqiaqee qimaseenoo Anutufa inni rusandeesamumasee mareeqee asauku mundiranaki quqanau. Doo Anutunara faqa maqee maqee dufi dufi qiaqa.

Kooroosee 3:17

Innee inneeqara karaambaiqa Yisuna faiqi namu maridee qimasaidaqa mina aannandaidee qidaqa ufa qimariana ainainimariana andeeqasee mina kai afaqaaqa. Innee karaambaiqa Yisuna maa maqanasaa koorooirausa maridaqa mifa innandee innandee kai idaqa mariaqa aiqama ainaina narí qinnaqoo kai fidaqa ufa qinana auqeenana qafeeqa mina aanna raidee qiaqa. Sia noori runusee miqiaqa inneeqa nikoona Anutuna asasamamaqaidaqa susummamaqaaqa. Anutuna asauku mundirana minannai Anutufa aana ruqiqasaifaqa asasirana Anutuna amiaqa.

Kooroosee 4:2

Innee Kooroosee maqannaa asauku mundirana Yisuna aiku oosanaki mariasa innee inneeqa ainainidaqa Anutuna ufamau fimarianara minara Anutuna maqee maqee innaaru qimamaqaaqa. Sia nifaurunnai kai unna innaaru qiaqa amiqimasee naundurannai innaaru qiaqa. Innaaru qidaqa maqee maqee Anutunara dufi dufi qimamaqaaqa.

1 Timooti 2:1

Maa ainainna naaree ani aamuaqimamisaanana anee faqa Yisuna ufara suqimariasa faqa suqidaqa innaaru qidaqa maaqimasee innaaru qiaqa. Maa maqanasaa faiqí aanaaseesaa rakisinnimaqee marisara misa amiqimasee rakisinnimaqaaqeera innaaru qiaqa. Innee kaqiqeesa reendeenamasee asooaranaki mariaqeera misara innaaruqiaqa. Anutuna ufamau fidaqa andeeqara mariranaki mariaqeera aupuraranaki sia mariaqeera misara innaaruqiaqa, innee maqee maqee aiqama fasiqauqara faqa maa maqanasaa firaaqoo uriqararausa faqa kaamanna uriqararausara faqa Anutuna afusaa Anutufa misa dadaaqianifeera innaaruna qiaqa. Misara faqa dufi dufi qirana qiaqeera qidaqa.

1 Timooti 5:5

Adeedaana anaasee moo fannoo maridanoo minasaa rakisirafa moo fannoo sia marifa mifa kaaqa adeedaana uqanna maridanoo. Miqira adeedaana narí irirafa Anutunasaa mundirafa maridanoo eendaki faasaana Anutunara dufi dufi qidanoo maridanoo minara kai dadaaqiannee qidanoo innaaru qidanoo.

1 Peetooroo 4:7

Doo aiqama ainaina taikarafa adeediranoo maridanoo. Innee maqee maqee Anutunara innaaru qiraree qimasee inneeqa nimanara irisaida kai fuaqa maqee maqee aufaridaqa mariaqa. Innee sia miqiqa aaqara oosana mareeqa naqimasee Anutunara innaaruqifaree. Sia amanaikifara.

1 Peetooroo 5:7

Mifa Anutufa inniara amuqusimarifanoo rakisidanoo. Minara inniqa aiqama ainainara naundurakinaa ummaara rufiarana nimukee marina naindiri ree mariana minauqa moodaanaki uqeereeqee Yisuna minasaa kai aqusaifanoo dadaaqiannoo.