Firipi 3:7 - Anutuna Ufa

⁷ Ooqai qinee Yuda maqannaa Anutufinnai firaree qimaru ainainausara uriqarara ainaina anoona ainainee qimariqiafana doo maqee asauku mundiranara irisee mi aiqama ainainausara aaqarafa fifau ainainee qidaqa.

Firipi 3:7 Iomraidhean Croise

Oosana 19:17

Nifiqa quqasoofanoo angiroo moo fannoo qimanniminoo qinau. Innee sandamafuaqa kuqifaara. Fidaqa sia quandafi qafaaqa. Afaasasaa faqa sia kasooiaqa. Innee kuqifaara, aaqanai sandee ooru fuaqa.

Oosana 19:26

Rootana anaaqa narí afaaqi faqa sandee fidanoo oonu quandafinoo afu maqeenoo doo miqoo ooruku kammafi kisaaqa saqariara foora rakiqanoo marinau.

Aaquqira Ufa 13:8

Ainaina faqaafa arirariafanoo narí ainaina moomoo nimifaqa sai aridaqa. Ainaina siaisa sia minara rufiaidaqa manoo manaa idaqa.

Aaquqira Ufa 23:23

Kuqaa anoona qira ufa faqa amiqira irirana faqa afeekaikammasee maraa. Firaa ainaina marinara sia uqasaina moo fannoo feefauriani.

Mataioo 16:26

Faiqí moo fannoo aiqama maqa maaqa nariara maraseenoo aiqama minaki mari ainaina nariara kai afapitee marifa kuqinoo narí aunduraindaraafa kuridiranaki finanoo narí uriqaraidanoo fee. Oo sia uqanna uriqaraidanoo. Kuqiranakiqari mi fasiqafa nana feefauru Anutuna amiseenoo kaifaa narí ainainannoo fee narí aunduraindaraana idakinaana kaifaa maraannoo fee. Sia amana maraannoo.

Ruka 14:26

Faiqí moo fannoo qini faqa firaree qinna fasiqafa narí anoona akoona faqa faiqi anaasee faqa narí akaqaafasaa faqa asoommaaka faqa nariara faqa fidiaqaa maseenoora foomaseenoo qini faqa aniani.

Ruka 14:33

Miqi qimaseenoo Yisufa minara qimanniminau, miqi kai masee innee faqa qini faqa firanara amiqimasee iriaraasamaseeqa inneeqa aiqama ainaina minniseeqa qini faqa aniaqa. Sia miqiqa sia amana qini faiqi namukifaranoo.

Ruka 16:8

Ainaina faqaafa mina unnaqira oosana qafamaseenoo oo irirana faqaa fee qinau, minara Yisufa qimannimidanoo qinau, maa maqanasaaqaraa fasiqa aanaaseeuqa nariqa munnimma ainaina maree mariana irirana faqaasa mariafanoo Anutuna ufa qoomasaa andeeqasee nimariasa irirana oorudupirausa sia misa irirana amanasaa maridaqa.

Heeburu 11:26

Mooseena afu fannoo innaarunai qumiasana ainainasaa afu munduseenoo minara kai rimarufa marufanoo Isipa maqannaasa munnimma ainaina oosana oosana minnimmasanau. Mooseefa Isipa maqannaasa faqa nári aaqara adiafaairanaki keeqarara akooqoofanoo misa minnisee asauku mundirana kasooqaqee kambiqaaninnanara irisee mi aupuraranaki keeqeera maqi mafinau Isararee maqannaasa misa aupuraranaki dadaaqinoo keeqanau.