Firemoona 1:19 - Anutuna Ufa

¹⁹ Qinee qeeqa qisaukunnai maa akarana ridaqa qimamidaqa qinee Pauroosa mi munnimmana akiaqara ani amianaura. Qinee fifau ani qimamida anee irimariananoo. Qinee marunnanara anee mariananoo. (Anee ooqai idaki fimarunaqa qinee ani mareeqee kaqi asumu mariranaki mara quqa amaqaafanausa maridaqa.)

Firemoona 1:19 Iomraidhean Croise

Oosana 43:9

Qinee qeeqa marirana mina amaaqa maqaanaura. Anee minara qini kikiaqa usua. Qinee sia afiqee andeeqasee anee iannannai uriqa qinee ani nifairirana maraanaura.

Roomma 16:22

Qinee Teeratiusausa Pauroona ookinaana iridaqa maa pasana akara rimarunausa maridaqa, maqee qinee faqa Yisuna ufa irimarunausa maridaqa inni nimandaidaqa.

1 Koorinti 4:15

Innee asauku mundirana ufamau fidaqa inni ufasaa rakisirausa fuki faaki qimariasa nukudara foora mariafaqa qinee moodaa inni nikausara foora maridaqa. Ooqai indaaru qinee amiqira fasaasa ufa maree aniree inni Koorinti maqannaa nimiafanaqa irisee asauku mundirana Yisuna ufamau fimariafaqa miqiafannanara inniqa nikausaikiqa maridaqa.

2 Koorinti 10:1

Qinee Pauroosa maa ufana reendeenamandee qimannimidaqa. Akaqausa qiniara nianai maridanoo aanoo ufa kai qimari fee inni faqa maridanoo reendeenidanoo fee qidaqa. Qinee miqi qianara maaqi qidaqa. Qinee asauku mundirana amiqi amiqirana faqa ireeda marira oosana faqa mina afusaa maridaqa reendeenamasee qimannimidaqa qinee innee iannai oonuraanaqa sia qini qirana fundakuaqa maasara maqasaaqaraa irirana irisee qimariaafoo qimariasa amana aanoomannimaqaanaura, sia sia amana mariannoo, amana mariannoo.

2 Koorinti 3:2

Innee Koorinti maqannaasa maasa akarara foora sia papiqasaa akara rinoo maasa qimuqusasaa akara riara foora iqa mariafanoo, aiqamausa asaana rumasee iriaqeera akara rinau akooqoo maridanoo.

2 Koorinti 9:4

Qinee faqa Maseedoonia maqannaa akaqausa qini faqa inni Koorinti maqusai ooquraifaqa sia deedaqiranaki maasa ooquraana innee nisaurifaqa maasa faqa Maseedoonia maqannaasa qini faqa ooqu fifandinausa nisaurifoora qinee inniara qifaaqa quqasee inniara ufa qiqa.

Karatia 5:2

Innee maana iriaqa qinee Pauroosa qimannimidaqa, indaaru innee asauku mundirana saqarikiqau. Kafaa maqee moo fannoo inniara Yuda maqannaasa fainanduquseeqa Yisunasaa ookaamambiqa innaarunai fuaqee qinaqa innee miqifanoo Yisufa sia amana inni dadaaqiannoo fifau ainainara foora mifa maridanoo.

Karatia 6:11

Doo qinee Pauroosa moo fasiqa qimami marunanoo mifa akara ridanoo doo maqee qeeqa kai kirifi qumaree ati rafaaqafira ufa qeeqa kai firaaqoo akara ridaqa.

1 Timooti 1:2

Oo Timooti maasa qikoofa Anutufa faqa maasa karaambaiqa asauku mundirafa Yisufa faqa ani dadaaqiaqa, misa nariqa nifauarana ani amiaqa. Misa ani aundura asooarana faqa amiaqa.

Titusa 1:4

Titusa qinee ani qimamiafannana anee aneenna irirana Yisunaki quqoonafa mariannanara qinee aniara qini qimaaku fee qidaqa anindiri Yisuna iriranamau fimarunnanaki keeqee marunnanara maa akarana ani rumamaqaidaqa. Yisufa asauku mundirafa maasa asumu maree marifa maridanoo. Mifa faqa mina akoofa Anutufa faqa narí afaarirana faqa narí asooarana faqa ani aaku amaqaani.

Firemoona 1:18

Indaaru mifa ani mandaikammamaqeenoo fee mifa ani munnimma mareenoo fee mina akiaqara qinee mina amianaura.