3 Yoohanee 1:2 - Anutuna Ufa

² Qini qifaaqasaa qiqoondi. Ani maraquna amiqiranaki doo maridanoo, ani afaaqa faqa aurirana dinee sia marianifeera aneenna aiqama ainaina faqa mina amana kai amiqiranaki marianifeera Anutunara innaaru qidaqa.

3 Yoohanee 1:2 Iomraidhean Croise

Mataioo 9:12

Yisufa misa ufa iriseenoo quandafinoo maaqi qimaseenoo nári qimanniminau. Sia amiqirausa tutaqa finnai fidaqa aurimariasa kai tutaqa finnai fidaqa. Maa namusa auruasara foora maridaqa qinee tutaqausara foora maridaqa.

Firipi 2:27

Kuqaa mifa firaaqoo aurinoo kuqirara ameekamaseenoo Anutufa minara amuqusufanoo dadaaqufanoo findifinau, sia minara kaifau amuqusinau, qini Pauroosara faqa amuqusufanoo Eepafarooditusana firaa auriranakinaana mara findifinoo firaa ikiraqarana sia qiminau.

Firipi 2:4

Sia innee inneeqa ainainara kai irimaree fuaqa, niqoonausa faqa amiqiranaki mariaqeera minara faqa iri maree fuaqa.

2 Teesaroonika 1:3

Oo qini qikaqaafasaauqa maasa inniara maqee maqee Anutufinai dufi dufi qimamaqaidaqa. Innee Yisuna saqarikirafa firaaqoo kambiqainara iriseeqa sia minara dufi dufi qiana aaqaannoo. Inniara Anutufinnai dufi dufi qimarunafa andeeqaidanoo.

2 Teesaroonika 2:13

Innee Teesaroonika maqusanaasa sia miqimariasa karaambaiqa inniara aidimarisa maasa doo inniara maqee maqee Anutufinnai dufi dufi qidaqammu. Anutufa narí maraquna afeekannai faqa innee anoona ufasaa mandaaqaranannai faqa inni Teesaroonika maqusanaasa innaarunai asumu marirana faqa Anutuna narí faiqí anaasee kammafi mariaqeera faqa oosana arooqooqari rusandeesamumasee inni maraanauree qimaqoofa maqee mareenoo.

Yameesa 5:12

Qini qikaqaafasaa qini ufa akiaqa maafa maridanoo. Sia inneeqa nimana niqiqaida ufa qiaqa sia innaarunai nisauku uqeerasaida ufa qiaqa sia moo ainaina kikiqususaida ufa qiaqa. Innee andeeqasee eedoo kai qiaqa andeeqasee qaoo kai qiaqa. Innee sia miqifanoo Anutuna ufa innisaa aqufuandoora.

1 Peetooroo 4:8

Aiqama amiqira ainaina urinaaqararafa maafa maridanoo, sia nifaurunnoo kai unna qimasee nariara nariara ruaqa, nisaukunnoo dadaaqirana faqa nimuqusannai faqa nariara nariara ruaqa. Nariara nariara nimuqusirafa moomoo manda oosana rafaaqafidanoo.

2 Peetooroo 3:18

Maasa Karaambaiqa maasa asumu maree marifa asauku mundirafa Yisufa mina amiqira marirana irirana minaki kai fidaqa maqee maqee innooqaaqa. Maqee faqa naaru naaru faqa mina amooqira ufa mariani. Kuqaa.

3 Yoohanee 1:1

Oo Kaiusafa anindiri Yisuna anoona ufa qimarianaki marunnanara qinee faiqí firaasa aniara qimuqusimarifaqa maa akarana ani amaqaidaqa.

Uqafiqoo Ufafa 2:9

Qinee inni kadaapiriranara iridaqa innee maa maqanasaa ainaina siaisa kudi mariafanoo innaarunai ainaina faqaasa mariafanoo qinee iridaqa. Sadannana faiqi namu akaqausa náriara unna qimasee Yuda maqannaa fee qimariasa inniara mandufa oosana oosana qimariana qinee iridaqa.