1 Yoohanee 5:8 - Anutuna Ufa

⁸ Qaaramoo ainaina kooroo imarifa maridanoo. Mi qaaramoo namufa moodaa ainainara kai qidaqa, mi namusa maraquna faqa nammari faqa fidika faqa maridaqa.

1 Yoohanee 5:8 Iomraidhean Croise

Mataioo 28:19

Innee minara irisee maqusa maqusa aiqama daraani mafiqa qimannimifaqa misa faqa qini qiku qisauku kammafi mariaqeera. Misa qini qiku qisauku kammafi marifaqa innee misa nammari auqamannimaqaaqa. Nammari auqamannimaqaseeqa maaqi qimasee qiaqa. Akoona faqa amaaku faqa Anutuna naaquqara andeeqara maraquna faqa misa nuqusaa nammari auqamannimaqaidaqa. Innee Yisuna aiku asauku kammafuanara minara mapuku nimaqaanifeera nammari auqamannimaqaidaqa. Doo miqi qiaqa.

Mareekoo 14:56

Moomoosa aniree Yisunara unnufa qufanoo sia misa ufa fannoo moodaa karinoo marinau. Misa ufa fannoo naadu naadu qufanoo sia amanaikinoo marinau.

Yoohanee 15:26

Yisufa kaqi narí faiqi namu qimannimidanoo qinau. Qinee ooru fuananoo fuka dadaaqirafa qumuannoo. Mifa kuqaa anoona ufa qira oosana maraquna mariannoo qini qikoofinaindaraafa mariannoo. Qinee qeeqa qikoofinaindaraana aqiqaananoo qumureenoo mifa qiniara qimannimiannoo.

Yoohanee 19:34

Sundia moo fannoo faaqaana qumareenoo Yisuna aqaasanasaa raquraminau. Raquru amufanoo fidika faqa nammari faqa minakiqari aniranau.

Roomma 8:16

Anutuna maraquna fannoo aniree maasa qeeqa maraquna minasaa ootupamasaannanara maasa maraquna qimamida maaqi qidanoo innee Anutuna faiqi namu mariafanoo fee qidanoo.

Heeburu 13:12

Mina amanakai Yisufa Yeerusaree maqusa naambeeqai kuqinau. Narí fidikannai faiqí anaasee mandainaina findaukama nisaanifeera miqinau.

Heeburu 6:4

Anutuna ufamau fimariasa quandaki kaqinni aqufiqa naqi fee mandee aupuramasee quandakinaqa kafaa fifaree. Sia amana miqifara. Misa ooqai Anutuna qoomasaa fimariasa, misa innaarunaindaraa narana naidara foora imariasa maridaqa Anutuna naaquqara andeeqara maraquna mareemariasa.

1 Peetooroo 3:21

Nooafa sipaki asumu mariunara maasa faqa maqee kamuqoo mina amana kai amaana nammari marasee asumu mariaqee qidaqa. Sia fifau nammari maraanannai nifaaqaindaraa qikairi rukarafa anoona maridanoo. Nammari maree mariana anoona maaqimminoo maridanoo. Aneenna aakirana amuqusa ookiqari Anutunara kuqaa qima afeekaikirafa kamasee nimirafa mifa anoona maridanoo. Mifa kai kuqaa nammari maree mariafa maridanoo. Mifa kai Yisuna kuqiranakinaana findifunannai inni asumu marirana nimidanoo.

1 Yoohanee 5:9

Maaqoo kootaki ufa qimariasa ufa iridaqa kuqaa fee qidaqa. Faiqí ufa marinanoo Anutuna ufa fannoo faiqí ufa uriqaranoo marinara mifa akooqooqaraana Yisunara qini qimaaku uqannee qimaqoofa marinara maasa minara kuqaa anoonee qimasee irianaura.