1 Yoohanee 5:6 - Anutuna Ufa

⁶ Maa Yisufa asauku mundirafa narí anoona aranandakiqari fidika nammarisaaqari kambiqanau sia nammari kaifau nammari namufaqa fidika namufaqa apirirafa kambiqanau.

1 Yoohanee 5:6 Iomraidhean Croise

Heeburu 9:14

Fifau aandau fidika fannoo ririmma faiqí ikairi findaukaidanoo Anutuna asauku mundirana fidikara naqi fee qianauree. Mifa naaru naaru marira maraquna fannoo dadaaqifanoo narí uqanna anoona tatufirana amiranara foora Anutuna aminau. Mina fidika fannoo sia maasa ikairi kai findaukaannoo. Maasa qimana maraquna faqa mina faqa findaukaidanoo maasa mandoosana maree mariana faqa maasa kuqiranaki rarisama quqee mariana faqa Yisuna fidika fannoo mina faqa findaukaidanoo. Miqi mandainaqa maasa amana kaqi marira Anutuna ainainamminaura.

Yoohanee 15:26

Yisufa kaqi narí faiqi namu qimannimidanoo qinau. Qinee ooru fuananoo fuka dadaaqirafa qumuannoo. Mifa kuqaa anoona ufa qira oosana maraquna mariannoo qini qikoofinaindaraafa mariannoo. Qinee qeeqa qikoofinaindaraana aqiqaananoo qumureenoo mifa qiniara qimannimiannoo.

Yoohanee 16:13

Miqimarianara kuqaa anoona ufa qira maraquna fannoo qumureenoo inni mareeqeenoo anoona ufa mariranaki mara quqaannoo. Sia mi maraqunafa narí kai ufa qimannimiannoo qini dookinaana kai irinoo inni qimannimiannoo. Mifa kasooqaqee kambiqaaninna ainainara tamummaqasee iriseenoo inni qimannimiannoo.

Heeburu 12:24

Ooqai Kainafa narí akaqa Abeerana arufanoo mina fidika teeqinau. Abeerana fidika fannoo Anutunara qini fidika akiaqara anee qiannee qidanoo. Maqee innee Yisuna fidika Abeerana ooriqararana teeqiraqoo ani mariafanoo. Yisuna fidika fannoo Anutunara maasa numoo akiaqara minniqisaannee qidanoo uriqaranoo maridanoo. Innee maqee fuka moodaanaki kira ufa quqee marianaki Yisunaki ani mariafanoo.

Mareekoo 14:24

Maafa qini fidika kikiqusira nammarifa moomoosa adia nimaqeefandinafa maridanoo, qini fidika maafa Anutuna faqa faiqí anaasee faqa moodaanakikira ufa mapukunnimaqaaninafa maa fidikafa maridanoo.

Yoohanee 14:17

Maa maqanasaa mariasa sia qini Yisusa mandaaqee marinausa sia amana mi maraqunna mareefaranoo. Misa sia mina qafaidaqa sia minara irimariafanoo minara sia mareefaranoo. Mifa inni faqa mapukusee maridanoo kuqaa inni naundurai anoona mariannoo. Mifa inni faqa marifaqa innee mi maraqunna oosana irimariafanoo.

Uqafiqoo Ufafa 7:14

Sia qinee iridaqa anee qimaqimia qiafananoo mifa kooroo qimasee qimaqiminau. Maa fasiqa anaaseesa Anutuna ufamau fimarusa minasaara narirana maree marusa minakiqari amiqimasee ani marusa maridaqa. Misa nári ikairi aanaaqi qamunna sipsipa aanaaqi Yisuna fidikaki nári qamunna nammaruqusee eekara arufifaqa afisusee maridaqa.

Uqafiqoo Ufafa 5:9

Misa fuka idi maaqi qimasee raqau. Oo Yisufa sia moo fannoo amanaikiannoo anee aneenna andeeqaranannai kai aneenna akoona asaukukinaana papiqa marasee idukinnaranoo. Misa ani arusoofana aneenna kuqiranannai faiqí feefaurummeeqeenana Anutuna asaukuki quqanau.

1 Peetooroo 1:2

Maasa qikoofa Anutufa maqee maa kari narí ianinnanara iriseenoo inni rusandeesamumaqoosa mariafanoo. Sia fifaufau rusandeesamuinau. Asauku mundirana Yisuna fidikannai findaukarausai kiaqeera faqa Yisuna ufara eedoo qimasee mi mau fuaqeera faqa Yisuna maraqunannai kaaqa andeeqara fasiqa anaasee kammafi mariaqeera inni rusandeesamumasee maranau. Anutuna afaarirafa faqa asooarana faqa inni naundurai qumbiqafinoo irairaamminoo mariani.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

Yoohanee 4:14

Qinee nimianna nammarina namasainafa mina aunduraindari naaru marira nammari maqee maqee uridanoo naaru marirana amiannoo.

Ruka 22:20

Namasoofanoo Yisufa miqi kai inoo uainna adiara nafisa maraseenoo narí faiqi namu nimiseenoo qinau. Maa nafisanakinaa nammari qini fidika maridanoo. Anutufa inniara noori runiranaki marunara narí fuka moodaanaki kira ufa quqaidanoo, qini fidika inni adiannimaqaranaki maridanoo.

Mataioo 26:28

Maa uainnafa qini fidika kikiqusira uainna nammari maridanoo. Qini fidikannai uqanna Anutufa moomoosa numoo aununnisaanifeera maa qini fidika raannoo. Maana qini fidika fannoo Anutuna nariara faqa faiqí aanaaseera faqa noori runiranaki marunara fukasaa moodaanaki kira ufa mapukueeqeenoo doo rafaaqafusai fidikafa maridanoo.

1 Yoohanee 1:7

Maasa Anutuna aanna reeqa suanisaa rakeeiraqoo nunausa moodaanaki marunausa maridaqa nariara nariara aqoondi kammiqa maridaqa. Maasa Anutuna aanna reeqa kaaqa qara qoo fimarunanoo narí amaaku Yisuna fidika fannoo maasa aaqarana numoo aiqama findaukaidanoo.

Titusa 3:5

Sia maasa amiqira saikafau Anutufa qafamaseenoo mina akiaqarau maasa asumu maranau narí amuqusiranannai kai maasa asumu maranau. Kaifaa aanaaqi aanaaqi kammafirana mifa nammariara foora maasa findaukamannisanau. Minannai Anutufa maasa asumu maranau.

Eefeesusa 1:7

Anutufa narí asauku mundirana kuqiranannai maasa mandainainakinaana idukuqiseenoo maasa mandoosana akiaqara minniqisainaqa marianaura. Maasa minara irisee Anutuna firaa afaariranara akooqoo uqanna marifaqa qafamasee irisee naqimasee maraanauree minara rufiaida furufaridaqa.

Yoohanee 6:55

Qini qimaqi narana uqanna maridanoo qini fidika nammari uqanna maridanoo.

Yoohanee 4:10

Akasaa Yuda maqannaafammia. Sia Yuda maqannaasa Samaria maqannaasa kaafa piritaki naidammia. Qinee Samaria maqannaa maridaqammu. Anee naqi fee qidanee nammariara qiniara innaaru qidanee. Yisufa minara iriseenoo maaqi qimasee narí qimaminau. Anee Anutuna nimira ainainara faqa qiniara faqa irimarinafa maridanau qiniara irainaqau naaru marira nammari ani amini.

Yoohanee 3:5

Yisufa iriseenoo qimaminoo qinau. Qinee anoona ufa ani qimamidaqa. Faiqí kaqimarinausa sia uqanna Anutuna ququsaki keeqeefaranoo. Anaasee aranandaki kambiqainausa quandafi Anutuna maraqunannai faqa fukasaa aanaaqi kamafinausa kai Anutuna ququsaki keeqeefaranoo.

Uqafiqoo Ufafa 1:5

Yisufa asauku mundirafa andeeqasee kooroo imarifa Anutuna ooqa faiqi kuqiranakiqari findifufa maa maqa maaqanakinaasa karaambaiqauqa uriqararafa marifa mifa faqa narí afaarirana faqa asooarana faqa inni nimidanoo. Mifa maasara amuqusammidanoo. Mifa narí kuqiranannai maasa mandainainakinaana idukunniseenoo maasa qumareeqeenoo narí akoona Anutuna aanaiqikirausa mariaqee qimaseenoo quqaqisaifaqa maridaqa. Anutuna asauku mundirana Yisuna afaaqa areenarana faqa afeeka faqa firaaqoo minaindi marianifeera.

1 Peetooroo 3:21

Nooafa sipaki asumu mariunara maasa faqa maqee kamuqoo mina amana kai amaana nammari marasee asumu mariaqee qidaqa. Sia fifau nammari maraanannai nifaaqaindaraa qikairi rukarafa anoona maridanoo. Nammari maree mariana anoona maaqimminoo maridanoo. Aneenna aakirana amuqusa ookiqari Anutunara kuqaa qima afeekaikirafa kamasee nimirafa mifa anoona maridanoo. Mifa kai kuqaa nammari maree mariafa maridanoo. Mifa kai Yisuna kuqiranakinaana findifunannai inni asumu marirana nimidanoo.

Heeburu 10:29

Faiqí moo fannoo Anutuna amaakuara akooqainafa mina arirafa firaaqoo fiqaranoo mariannoo. Mi fasiqafa Anutuna moodaanaki kira ufa fidikara narí mi fasiqana numoo rukasainnanara qikoo fee qinafa faqa Anutuna afaari mari maraqunara faqa mandufa qinafa, mi fasiqana arirafa sia Mooseena aanna raannoo, fiqaranoo mariannoo.

Heeburu 9:7

Aanaiqikirausa uriqararafa firaaqoo naaquqara maqa aunduraki aukuana aukuana moodaa kari kai mi naaquqara maqanaki keeqee marinau. Aiqama aukuana aukuana miqikaimma moodaa faasaana kai keeqee marinau. Mifa aandau fidika mara maree minaki Anutuna ami marinau. Narí numoora faqa faiqí anaasee numoora faqa mina akiaqara mi fidikana ami marinau. Mandainaina sia irirai marainnana akiaqara naruandoo qimasee miqi marinau.

Kooroosee 1:4

Maaqanda innee Kooroosee maqanaa akaqausa Anutuna asauku mundiranasaa atooqaqa marianara iriseeqa innee Anutuna ufa irimaria fasiqa anaaseesa aiqamausara nidimarifaqa dadaaqi marianara minara faqa iriseeqa Anutuna dufi dufi qimamaqaidaqa.

Roomma 3:25

Anutufa Yisunannai faiqí anaasee mandainaina akiaqara mininnisaaninafa kambiqaanifee qimasee Yisuna aqiqamasee nimufaqa aunirira saqarisaa ariqau. Mi fasiqa anaaseesa nariqa Anutuna andeeqaranaki sia amanaikiqa Yisuna saqarikidaqa. Minaki keeqaranannai Anutufa misa mandainaina taikannisaidanoo. Anutufa narí andeeqara oosana kooroo ianifeera qimaseenoo narí asauku mundirana aunirira saqarisaa quqaseenoo minannai faiqí anaasee mandainaina akiaqara narí maranau. Ooqai maru aukuana Anutufa faiqí anaasee sia mandainainara narimarinau kisaaqasaa kasooinoo marida nifauee marinau.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

1 Yoohanee 4:10

Andeeqara amuqusirana anoona maaqimminoo maridanoo. Sia maasa Anutunara uriqarara ainaina fee qimasee rimariqiafana. Anutufa naaree maasara amuqusufanoo narí amaaku aqiqeenoo minannai maasa mandainaina akiaqara dariraree quna mina mara aquanifeera aqiqoofanoo quminau.

1 Timooti 3:16

Maasa Yisuna ufa irirana anoona ooqaindari kukeeqara ufa marifa Yisufa idaaqirafa firaafa maridanoo, sia amana moo fannoo minara qaoo qirafa. Yisufa maqasaa fasiqa nifiri kammafinoo koorooinau. Anutuna maraquna fannoo minara andeeqarafa maridanoo fee qinau. Qangiroouqa mina qafaqau. Faiqí moomoosa maaqanna maaqanna minara qimannimiqau. Maa maqa maaqanaki marusa minara kuqaammifoo qiqau. Anutufa mina mareeqeenoo innaarunai quqaqoofanoo maridanoo.

Mataioo 3:16

Yoohaneefa Yisuna nammariki ooqumari amaqasoofanoo nammarikiqari findifufanoo mikari kai innaaruna rakeeufanoo Anutuna naaquqara andeeqara maraquna fannoo Yoohaneefa qafoofanoo nakipurunara foora mambufanoo qumureenoo Yisunasaa quqanau.