1 Yoohanee 5:3 - Anutuna Ufa

³ Maasa Anutunara ruannana anoona maaqimminoo maridanoo. Mifa naakapainna ufara eedoo qimasee asaukunnai qumaraannanara doo mifa anoona maridanoo. Anutuna naakapara ufa sia firaa qumaara tia maridanoo aufadaidanoo.

1 Yoohanee 5:3 Iomraidhean Croise

Idi Ufa 119:140

Ani qima afeekaikira ufa kaaqa mapukirafa maridanoo. Minara qini kaaqa dididanoo.

Idi Ufa 119:45

Qinee ani naakapara ufamau firara amanamasee qafee marunnanara qinee adaarasaqanna idukiranaki marianaura.

Rafudoo Akarafa 20:6

Moomoosa qiniara ridaqa qini sanda ufa mau finausa qinee misa faiqi namu kasooaqee nukudara foora kambiqainausa qeeqa didirana uqannifiqaanaura.

Aaquqira Ufa 3:17

Amiqira irirafa ani marirana amiqimma amaqaseenoo ani amiqimmasee afiqee fuannoo.

Mataioo 23:4

Farisai amaana ufa qimariasa faqa Mooseena sandufa akoofasauqa faqa misa amusufa moomoo firaa qumaarara fooqiara arapeeda arueeqeenoo faiqí anaasee nimidanoo náriara sia kaqikaaqoo nári nisauku amukannoo dadaaqidaqa misa iandee innee sia miqi iaqa. (Mi aukuanna Isaraee maqannaasa Mooseena sandufamau fidaqa qisaaqamara foora ususeeqa minaki Mooseena sandufa papiqasaa akara rumasee ummauruara foora ususee nuaqee imariqau. Nariqa qamunna atisaa faqa faakasaa peepeenaana auquandee masee usuqirausa nimariqau. Kaqiqeesa faqa aiqamausa faqa miqimandee nimariqau. Farisai amaana ufa qimarusa firaatia auqusee qiqafaaqee qimasee qisaaqamasaa faqa qamunnasaa faqa firaatia auqu uqirausa nimariqau. Miqi marunara Yisufa maaqi qimasee niqinoo qinau.)

Yoohanee 14:15

Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Yoohanee 15:10

Innee qinee qimannimuna ufana irisee qumareeqa qini didiranaki marifaranoo. Qinee miqikaimasee qeeqa qikoona ufa iriseeqa qumareeqa mina aidiranaki maridaqa.

Yoohanee 15:14

Maqee maqee qini aaquqira ufa irisee mi mau fimariasa misa kai qini qiqoondiuqa maridaqa.

Roomma 7:12

Mooseena sandufa faqa Anutuna naamuaqira ufa faqa andeeqarafa naaquqarafa amiqirafa maridanoo.

Roomma 7:22

Qini qimuqusa ookina Anutuna sandufara asasidanoo qiqa qifaaqaki mari manda ainaina mifa kai qini raineeqeenoo narí rumbaranaki quqaidanoo.

Heeburu 8:10

Doo maqee ooqeenaa moodaanaki kira ufa minnisee Isaraee maqanna faqa fuka moodaanaki kira ufa maaqi qimasee quqaidaqa. Qini fuka moodaanaki kira ufa maaqimminoo maridanoo. Qinee karaambaiqa qidaqa. Qinee qusasaa qeeqa sandufa misa nitikuraki quqaanaura, quqaseeqa misa nimuqusasaa akara rumaqaanaqa sia aunuaqeera. Qinee misa Anutusa marianaura misa qini faiqi namu marifaranoo.

1 Yoohanee 2:3

Maasa Anutuna ufa iriseeqa mi mau fidaqa kuqaa Anutunara iridee qianaura.

2 Yoohanee 1:6

Mi nimuqusirana qinee qunandee mina oosana maaqimminoo maridanoo. Maasa aiqamausa Anutuna naakapara iriramau fuaqee qinau. Mi naakaparufafa ooqai oosanaindari irimariafa maaqi qidanoo, innee aiqamausa naríara naríara uriqarara ainainee qimasee nimuqusiranaki mariaqa.