1 Yoohanee 4:11 - Anutuna Ufa

¹¹ Qini qifaaqasaa qiqoondiuqa. Anutufa maasara miqimasee firaaqoo amuqusunara maasa miqi kai iqa quandaki nariara nariara uriqarara ainainee qimasee qimuqusiani.

1 Yoohanee 4:11 Iomraidhean Croise

Yoohanee 13:34

Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

Eefeesusa 4:31

Doo maqee aukuana aiqama sukaqara ufa faqa qusufa qimasee darara qirafa faqa naunduraki mari aanooirafa faqa fatika aquaqa. Nariara nariara firaa kari nameera ufasaa niqimariafa faqa aquraree mariannana faqa sia kafaa mariani naundurakinaa nariara nariara fidiaqaa ira irirafa faqa taikaani.

Kooroosee 3:13

Faiqí anaasee inni ritifaqa kaqi irisee nimaqaaqa. Asauku mundirafa inni mandainaina doo mininnisanau. Innikiqari nariara nariara ufa qiraree qimasee asauku mundirana aanna reeqa nariara nariara ufa qirana minnisee aunusaa.

1 Yoohanee 2:7

Qini qifaaqasaa qiqoondiuqa. Maa ufana sia fuka ufa maridanoo innee oosanaindari iri maria ufafa maridanoo. Ooqeenaa ufa irimariafa maridanoo.

1 Yoohanee 3:11

Ooqai indaaru maa ufana innee irimarusa mariafanoo mi ufana oosana maaqimminoo maridanoo maasa nariara nariara uriqarara ainainee qimasee nimuqusiani.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 4:7

Oo qini qiqoondiuqa, maasa andeeqasee nariara nariara uriqarara ainainee qimasee ruaqa. Nariara nariara nimuqusirafa Anutunasaaqari animari ainainafa maridanoo. Nariara nariara andeeqara amuqusimarifa Anutuna faiqi maridanoo minara irimarifa maridanoo.

2 Yoohanee 1:5

Minara qinee ani afeekaikamasee qimamidaqa maasa aiqamausa Yisuna ufa irisee naríara naríara uriqarara ainainee qimasee nimuqusiramau kai fuaqa. Doo mi ufana ani qimamidaqa sia fuka aakaparufau, ooqai oosanai irimarunnufana ani qimamidaqa.