1 Yoohanee 3:3 - Anutuna Ufa

³ Maqee maria kamuqoo asauku mundirana asasammasee afeesara mariasa minara indee indee idaqa nariqa mandoosana findaukaqa fidaqa.

1 Yoohanee 3:3 Iomraidhean Croise

Mataioo 5:48

Inni innaarunnai nikoofa andeeqarana fiqararafa maridanoo. Sia namuqaa fee qidanoo, sia maana qini qiqoondi fee qidanoo aiqamausa amiqi amiqimannimaqaidanoo. Innee faqa miqi kai iqa mina aanna raaqeera qidaqa.

Ruka 6:36

Inni nikoofa aiqamausara amuqusi marifanoo nifauaidanoo innee faqa miqi kai iqa faiqí aanaaseera nimuqusinaqa nifauaaqa.

Yoohanee 17:19

Qinee misaroo qiqa qeeqa qifaaqa ani amidaqa. Misa faqa nári marirana nirana kuqaa anindi fee qiaqeera miqidaqa anindi mariaqeera miqidaqa.

Roomma 15:12

Kafaa moo tamummaqarafa maaqi qinau. Yeeseena atiki moo kambiqaannoo, mifa findifinoo aanaamuru rakisiannoo, misa quandaki nári irirana minaki rusifaranoo. Tamummaqarausa ufa Yisunara miqimmiqau.

2 Koorinti 7:1

Oo qini qiqoondiuqa, mi qimafeekaikira ufausa tamummaqarausannai qimaqo̱o ufausa maasara qinau. Minara irisee innisaimbaqa oosana oosana qikairi qifaaqasaaqaraanee daunuraindaraanee aiqama findaukamaqusee Anutunara rufiaida daaquqee marinaqa andeeqasee anukaranaki mariaqa.

Kooroosee 1:5

Anutuna anoona ufa amiqira fasaasa ufa faiqí moo fannoo indaaru inni maqusai qimannimufaqa mi ufana naaru kambiqaaninna oosanara irimariafanoo. Innee naaru mareefandinna ainaina Anutufa innaarunai quqasee afeedidanoo. Innee mina innaarunai marararee qimasee asasammasee afeesidaqa Yisuna saqarikidaqa mina aidimariafanoo.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

Titusa 3:7

Miqunara Yisuna afaariranannai kai maasa Anutuna afusaa andeeqarausaikiqa maridaqa naaru naaru marirana maraidaqa, asasidaqa afeesidaqa maridaqa.

Heeburu 12:14

Innee aiqamausa mariasa namufaqa amiqimmandee asooaranaki marirana amaniaqa. Inni mariranakina amiqirafa andeeqarafa kai mariaqa. Sia miqiqa karaambaiqa sia qafeefaranoo.

Heeburu 6:18

Doo minara iriseeqa qaara ainaina, afeeka ainaina innikina kaqi mariannoo sia taikaannoo. Mi ainaina qanda moo ainaina Anutuna qima afeekaikirafa maridanoo. Moo ainaina Anutuna asauku uqeerarafa maridanoo. Mi ainaina qandara Anutufa sia amana unna qirafa mariannoo. Maasa Anutuna saqarikidaqa mina asumu mariranaki mariasa Anutufa maasa aranaiqi fuki faaki qidanoo maasa daikisaa marianinna innaarunai mariranara asasidaqa afeesidaqa mariaqeera qidanoo.

Heeburu 7:26

Yisufa mifa maasa aanaiqikira uriqararafa maridanoo. Maasa mandainaina oosana oosana manda ainaina akiaqara amana kai Yisufa maridanoo. Mifa andeeqarana naaquqarafa maridanoo. Minaki sia moo aaqarafa mandaikirafa maridanoo. Mina manda maqasaa mariasakinaana aadumasaa Anutufa quqararee qimaseenoo mareeqeenoo innaarunai uqeera uriqararanaki quqaqaifanoo maridanoo.

Yameesa 4:8

Anutufa marinnai aaqa anifanoo mifa quandaki inni naaqa aniannoo. Innee mandoosana maree mariasa inneeqa ikairi nisaukusaa marina nammari uquaqa. Innee qaara ufa qimarisa inneeqa naundura anukaaqa.

1 Peetooroo 1:3

Karaambaiqa Yisufa Anutuna asauku mundirana akoonara Anutunara maasa aiqamausa dufi dufi qimamaqaidaqa. Maasa aaqarana akiaqara nifauarafa firaafa marinara narí asauku mundirafa kuqiranakiqari findifinoo fukasaa aanaaqi kammafi marirana maasa paqurimma qiminau. Naaru kambiqaaninnanara maqee asasiqa doo mi marirafa maasa qumbiqaqimaqaidanoo.

2 Peetooroo 1:4

Mi innaarunaindaraa afeekanannai narí kaaqa idaaqira amiqi amiqirana narí qima afeekaikammaqoona maasa qiminau. Mifa qima afeekaikammaqoo kaaqa amiqira ainainannai maasa maa maqanasaa mariafanna mandainainara fanandirana faqa putaairana faqa qima afeekaikammaqoo afeekana mara mareeqa fi ruqiqaki fidaqa Anutuna aunduraindaraa irirana andeeqara mariranaki mariraree qidaqa miqidaqa.

2 Peetooroo 3:14

Qini qiqoondiuqa innee mi faasaannara afeesida maridaqa Anutuna afusaa maridaqa nisakadiki qikairi siaisa mandainaina siaisa mariaqa innee faqa Anutuna faqa noori runirafa sia mi qambaanna mariani asooarana kai mariani.

1 Yoohanee 2:6

Faiqí faqa anaasee faqa moo fannoo qinee kuqaa Anutunaki maridee qimasee mifa asauku mundirana aanna ranoo marinaqa kuqaa Anutunaki marifa maridanoo, sia asauku mundirana aanna rainafa unna qimarifa maridanoo.

1 Yoohanee 4:17

Anutuna amuqusirafa sia fifau maasaki anoonaikidanoo. Anutuna ufa irira faasaana sia narí afusaa rufiaaqeera paasoosiaqeera mina amuqusirafa maasaki anoonaikidanoo. Maaqoo maria kamuqoo maasa marirafa Yisunaindi miqirafa maridanoo nariara nariara andeeqara nimuqusiranaki anoonaikinoo maridanoo. Nariara nariara andeeqara nimuqusira oosana sia maparaairafa minaki maridanoo.