1 Yoohanee 3:16 - Anutuna Ufa

¹⁶ Maasa nariara nariara uriqarara ainainee qimasee nimuqusira oosana maaqimminoo maridanoo. Asauku mundirafa maasara amuqusidanoo narí marirana maasara aunirira saqarisaa quqasee kuqinau. Doo maasa faqa miqi kai iqa maasa qeeqa qikaqaafasaa Yisuna ufa irimariasa mina ufasaara kuqiranaki firariafaqa maasa misa rafaaqafunnimaqasee kaqi mariaqee qimasee misa nimaaqa maqasee kuquanaura.

1 Yoohanee 3:16 Iomraidhean Croise

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

Yoohanee 10:11

Qinee sipsipasaa amiqimasee rakisimarunausa maridaqa. Sipsipasaa amiqimasee rakisimarifa narí sipsipasaara kuquannoo.

Yoohanee 10:15

Miqi kai iqa qeeqa sipsipara iridaqa misa faqa qiniara faqa iridaqa. Qinee qeeqa sipsipasaara amana kuquanauree qidaqa.

Yoohanee 13:34

Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Roomma 5:8

Yisufa sia maasara amiqirausee qimaseenoo maasa qimaaqa maqaseenoo kuqinau. Maasa qeeqa mandainainaki kaqi mariafananoo asauku mundirafa maasara kuqunnimaqanau. Miqunannai Anutufa narí kaaqa maasara amuqisirana aidirana kooroomaseenoo maasa uqaqifiqanau.

2 Koorinti 4:12

Minara maasaki kuqirafa kasinara inni Koorinti maqanaaki naaru marirafa kasidanoo.

Eefeesusa 5:25

Faiqí inni faqa qimannimidaqa innee aanaaseeuqa nifaaqmaaka inni qimannimidaqa, innee faqa asauku mundirana aanna raaqa, Yisufa narí ufara suqimariasa narí aanaaqara foora misara kaaqa amuqusufanoo misa naaru mariaqeera qimasee narí marirana misara kuqiranaki paasoosamandee quqanau. Innee inneeqa ninaaqmakara miqi kai iqa uriqarara ainainee qimasee nimuqusinaqa ruaqa.

Firipi 2:17

Innee Yisunasaa irirana rusimariafa Anutuna tatufira aandau miqirafa maridanoo. Roomma maqannaasa qini qusasaa darusaifanoo qini fidika fannoo inni tatufira aandausaara foora adia finoo aiqamaqara moodaanaki Anutuna amaqaifanoo eedoo qimasee asasammasee maraannoo. Misa darifandinnanara qinee maqee asasammidaqa qinee asasammasee qeeqa nasurirana inni faqa naida nimianauranoo.

Firipi 2:30

Qinee asauku mundirana saikaki marufaqa Roomma maqannaa Poorisauqa qini qumareeqa rumbaranaki quqaqisaafaqa innee nianai marida sia amana dadaaqufanoo Eepafarooditusafa qini daadaaqiraree qimasee narí marunara paasoosamandeenoo kuqirana ameekeenoo, minara qinee miqirausara naaquqamasee dadaaqiaqee qidaqa.

1 Teesaroonika 2:8

Maasa inni Teesaroonika maqannaasara firaaqoo nimuqusimarunara sia Anutunaindaraa amiqira fasaasa ufa kai naida nimiqa, maasa qeeqa dariranara sia rufiqarai irirana faqa qimuqusa faqa kaqi marirana faqa nimiaqaaida mariqiafana.

Titusa 2:13

Maasa miqiqa fifi iqa Yisuna innaarunaindari koorooira faasaanara asasammasee maaqoo afeesida mariaqee qidanoo. Mi faasaanna maasa Anutufa, maasa mandainaina numoo arusee innaaruna asumu marirana nimianinafa, Yisufa, Anutuna asauku mundirafa, firaa kaaqa qaranakiqari, quriqararanakiqari koorooiannoo.

1 Peetooroo 1:18

Inni nikeeku nikaaku fifau faafau mandirirana maqeeuna minakinaana inni idukusee mareeqee quqasainara mina akiaqara firaa ainaina maridanoo innee irimariafanoo. Mi feefaurirafa sia koora siruaa miqirafa maridanoo mifa taikee marifa maridanoo.

1 Peetooroo 2:24

Asauku mundirafa narí kai maasa mandainaina aaqarana narí apatasaa mara quqaseenoo doo aunirira saqarisaa kuqirana maree finau. Maasa kuqirausara foora sia mandoosana maraaqeera kuqinau, amiqira oosana kuqiara foora iqa marida maraaqeera kuqinau. Mina afaaqa ateekaqoonannai maasa daundura uninoo maridanoo.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

1 Yoohanee 2:6

Faiqí faqa anaasee faqa moo fannoo qinee kuqaa Anutunaki maridee qimasee mifa asauku mundirana aanna ranoo marinaqa kuqaa Anutunaki marifa maridanoo, sia asauku mundirana aanna rainafa unna qimarifa maridanoo.

1 Yoohanee 2:9

Mi fukufana maaqimminoo maridanoo. Moo fannoo nariara Yisuna kaaqa qaranaki maridee qidanoo quandafi narí akaqaafasaara fidiaqaa inafa mifa sia kaaqa qaranaki maridanoo asukunaki kaqi maridanoo.

Uqafiqoo Ufafa 1:5

Yisufa asauku mundirafa andeeqasee kooroo imarifa Anutuna ooqa faiqi kuqiranakiqari findifufa maa maqa maaqanakinaasa karaambaiqauqa uriqararafa marifa mifa faqa narí afaarirana faqa asooarana faqa inni nimidanoo. Mifa maasara amuqusammidanoo. Mifa narí kuqiranannai maasa mandainainakinaana idukunniseenoo maasa qumareeqeenoo narí akoona Anutuna aanaiqikirausa mariaqee qimaseenoo quqaqisaifaqa maridaqa. Anutuna asauku mundirana Yisuna afaaqa areenarana faqa afeeka faqa firaaqoo minaindi marianifeera.

Uqafiqoo Ufafa 5:9

Misa fuka idi maaqi qimasee raqau. Oo Yisufa sia moo fannoo amanaikiannoo anee aneenna andeeqaranannai kai aneenna akoona asaukukinaana papiqa marasee idukinnaranoo. Misa ani arusoofana aneenna kuqiranannai faiqí feefaurummeeqeenana Anutuna asaukuki quqanau.