1 Yoohanee 2:8 - Anutuna Ufa

⁸ Maa fuka ufafa ooqeenaanasaa ootupamasee inni qimannimidaqa akara ridaqa. Maa fuka ufana anoona asauku mundiranaki kooroo inoo maridanoo inniki faqa koorooma nimaqaidanoo, doo asukuna afaqaidanoo fuka kaaqa qarafa qoomara foora inni qambaanai qaidanoo.

1 Yoohanee 2:8 Iomraidhean Croise

Idi Ufa 27:1

Yaaweefa qini qoomara foora maridanoo qini asumu maree marifa marinara qinee yanaree moonara rufiaanauree. Qini marirana nirana afeeka Yaaweefa kai marinara qinee yanaree maparaa ianauree.

Idi Ufa 36:9

Anee aiqama marirana oosana mariananoo. Anee kaaqa qarafa mariannanara maasa kaaqa qarana qafaidaqa.

Idi Ufa 84:11

Yaaweefa qareenara karaambaiqa maasa itita qimaqee marifa maridanoo. Mifa narí amiqira dadaaqirana faqa maasa duqu uqeerarana faqa mi qandannai amiqimma qimaqaidanoo. Andeeqara aatata fimariasa moo ainainara iraifanoo sia amiqira ainaina nimiranara qaoo qiannoo.

Yoohanee 1:9

Anutuna ufa fannoo Yisufa anoona aurau rirafa marinau. Mi aurau rirafa faiqí aiqamausa naunduraki qeemarufa maridanoo maqasaa faiqi aanaaqi kammafinoo maa maqa maaqanaki quminau.

Yoohanee 12:35

Miqi qimasoofanoo Yisufa mina iriseenoo qinau. Kaaqa qarafa inniki qusasaa mariannoo. Kaaqa qarafa mariqoo mi kaaqa qaranasaa kai mariaqa. Miqimmasee marifanoo asukuna fannoo sia rafaaqafuannoo. Asukunaki nimarifa sia aana qafaidanoo kaqimbidanoo.

Yoohanee 12:46

Qinee kaaqa qarausa maa maqa maaqanaki animaridaqa. Qiniki mariasa sia asukunaki mariaqeera animaridaqa.

Yoohanee 13:34

Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Roomma 13:12

Doo asukuna taikararidanoo, iqaqarafa qusasaa aniannoo, maasa asukunaki nimariafanna manda oosanna oosanna mafi taikaseeqa faasaana amiqira oosana amiqira marirana duru feefara foora indaamma qumaraaqa.

2 Koorinti 8:9

Innee asauku mundirana Yisuna maasa karaambaiqa amuqusira dadaaqiranara amiqimandee irimariafanoo mifa innaarunai ainainafaqaafa uriqararafa marinoo inniara irisee maa maqanasaa qumu ainaina siaifara maqi mafinoo marinau. Yisufa narí ainaina siaifara maqi iranannai innaarunai ainaina faqaasa mariaqeera miqi marinau.

Eefeesusa 5:8

Ooqai innee Eefeesusa maqusanaasa faqa asukunaki mariusa mariafanoo doo maqee karaambaiqa Anutuna faiqí anaasee aiku asauku kamambi mariafanoo kaaqa qarana fooqaasa mariafanoo, doo minara iriseeqa kaaqa qaranaki mariasara foora ida mariaqa.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 4:11

Qini qifaaqasaa qiqoondiuqa. Anutufa maasara miqimasee firaaqoo amuqusunara maasa miqi kai iqa quandaki nariara nariara uriqarara ainainee qimasee qimuqusiani.

1 Yoohanee 4:21

Doo minara qinee qidaqa. Asauku mundirafa maa naakaparufana maasa qimaqimiqoona inni qimannimidaqa. Ya fasiqa anaasee fee Anutunara uriqarara ainainee qimasee rinafa mifa quandakinoo narí akaqaafasaara uriqarara ainainee qimasee faqa ruannoo.