1 Yoohanee 2:4 - Anutuna Ufa

⁴ Faiqí faqa anaasee faqa moo fannoo Anutuna aqoondi fee qimasee sia Anutuna ufamau finafa mifa unna qimarifa sia anoona ufa minaki marifa maridanoo.

1 Yoohanee 2:4 Iomraidhean Croise

Yoohanee 8:44

Afaanna nikoofa Sadannafa maridanoo. Innee mina faiqi namu maridaqa mina aanna ree mariafanoo. Ooqaindari faiqí kuqannarimarufa maridanoo. Sia anoonufakifau mapukinoo maridanoofau. Anoona ufa sia uqanna minaki marifa maridanoo. Mifa unna ufa qinoo narí oosanamau kai fidanoo. Mifa unna ufa qimarifa maridanoo unna ufa qimariasa nikoofa maridanoo.

Titusa 1:10

Titusa anee saiki marianna maqusanakinaa fasiqa anaasee moomoosa Yisuna ufa irisee quandakifaqa noori rumbara andaama aanna ree mariasa marifaqa maaqanda ufa rukiasee moomoosa faqa nifiqeeqeenoo kaqirunna ubeekaidaqa nariqa mandoosanara qimannimiaqee qidaqa. Yuda maqanaasa kaaqa miqi mariasa maridaqa nári ufakiqari Yisuna ufasaa munduseeqa quandaki nári faqa akaqausa faqa nifiqamaree kaaqa kaqirunna ubeekee mariasa maridaqa.

Titusa 1:16

Amiqi mariasa anirarisameeqee mandaki quqeemariasa misa nári nookiqari maasa Anutunara iridee qimasaidaqa quandaki nári auqee maria ainainafa moomau fimarifaqa maasa qafamasee unna qidammiafoo qidaqa. Faiqí aanaaseera fidiaqaaimariasa ufa rukiee mariasa mi manda fasiqausa maridaqa. Amiqira saikara sia amanaiki mariasa maridaqa.

1 Yoohanee 1:10

Anutufa maasa aiqamausara aaqee mariasee kai qidanoo. Maasa náriara sia aaqee marunausee qimariana Anutunara unna qimari fee qidaqa miqi qidaqa mina ufa anoona sia maasaki marifaqa miqi qidaqa.

1 Yoohanee 1:8

Maasa náriara sia mandainaina marifaqee qidaqa narakaru narakaru qidaqa Anutuna anoona ufa sia maasaki maridanoo unna ufa kai maasaki maridanoo.

1 Yoohanee 2:3

Maasa Anutuna ufa iriseeqa mi mau fidaqa kuqaa Anutunara iridee qianaura.

1 Yoohanee 2:9

Mi fukufana maaqimminoo maridanoo. Moo fannoo nariara Yisuna kaaqa qaranaki maridee qidanoo quandafi narí akaqaafasaara fidiaqaa inafa mifa sia kaaqa qaranaki maridanoo asukunaki kaqi maridanoo.

1 Yoohanee 3:6

Minara maasa asauku mundiranaki mariasa sia kaqi mandainainaki nidaqa. Yafa yafee kaqi mandainainaki nida fee mifa asauku mundiranara sia irifa sia uqanna minara irimarifa maridanoo.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

1 Yoohanee 4:7

Oo qini qiqoondiuqa, maasa andeeqasee nariara nariara uriqarara ainainee qimasee ruaqa. Nariara nariara nimuqusirafa Anutunasaaqari animari ainainafa maridanoo. Nariara nariara andeeqara amuqusimarifa Anutuna faiqi maridanoo minara irimarifa maridanoo.