1 Yoohanee 2:3 - Anutuna Ufa

³ Maasa Anutuna ufa iriseeqa mi mau fidaqa kuqaa Anutunara iridee qianaura.

1 Yoohanee 2:3 Iomraidhean Croise

Idi Ufa 119:32

Anee irirana moo faqa moo faqa qimiannanara ani naamuaqira ufa mau asasamasee fidaqa.

Idi Ufa 119:6

Qinee ani sanda ufa aiqama kasoommafi iriaraasidaqa.

Ruka 6:46

Innee nanaree qini Yisunara karaambaiqee karaambaiqee qidaqa qini ufa sia irida fee, faiqí moo fannoo qinee marunannai anireenoo qini ufa irimarifa mina oosana maaqimminoo marida.

Yoohanee 14:15

Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Yoohanee 15:10

Innee qinee qimannimuna ufana irisee qumareeqa qini didiranaki marifaranoo. Qinee miqikaimasee qeeqa qikoona ufa iriseeqa qumareeqa mina aidiranaki maridaqa.

Yoohanee 15:14

Maqee maqee qini aaquqira ufa irisee mi mau fimariasa misa kai qini qiqoondiuqa maridaqa.

Yoohanee 17:3

Naaru naaru marirafa maaqimminoo maridanoo. Maqasaa fasiqa anaasee misa ani moodaa kuqaa Anutunara irisee mi iriranamau firafa kafaa qini Yisusa ani asauku mundirausara anee diqiqoonausara miqikaimasee irisee mi iriranamau firafa, mifa kai naaru naaru marirafa maridanoo.

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

Heeburu 5:9

Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

1 Yoohanee 2:13

Innee faiqí firaasa indaaru Yisuna ufa irusa inni akara rumannimaqaidaqa. Innee Yisunara ooqai oosana arooqooqari marinara irimariasa mariafaqa minara inni akara rumannimaqaidaqa. Qinee inni kumaaraauqa faiqi namuara akara rumannimaqaidaqa. Innee aakaaqaindaraa fasiqa uraaqaramafuanara inni akara rumannimidaqa.

1 Yoohanee 3:14

Maasa kuqirana minniseeqa kaqi mariranaki ani maridaqa. Maasa nariara nariara andeeqasee qimuqusunnanara minara maasa kaqi mariranaki animaridaqee qidaqa. Yafa yafee nariara nariara sia andeeqasee amuqusinafa kaqi kuqiranaki maridanoo sia anikeeqaidanoo.

1 Yoohanee 3:19

Maasa miqiannanannai kuqaa anoonasaa atooaqa maridee qianaura. Maasa miqiannanara maaqoo nidaqa maridaqa Anutuna afusaa mirinni maridanoo maasa qiqafainaqa paasoosianaura.

1 Yoohanee 3:6

Minara maasa asauku mundiranaki mariasa sia kaqi mandainainaki nidaqa. Yafa yafee kaqi mandainainaki nida fee mifa asauku mundiranara sia irifa sia uqanna minara irimarifa maridanoo.

1 Yoohanee 4:13

Maasa maaqi qimaseeqa Anutunara kuqaa maasaki marifaqa maasa minaki maridee qianauranoo. Mifa narí maraquna maasa qimunara maasa minaramma irianaura.

1 Yoohanee 4:7

Oo qini qiqoondiuqa, maasa andeeqasee nariara nariara uriqarara ainainee qimasee ruaqa. Nariara nariara nimuqusirafa Anutunasaaqari animari ainainafa maridanoo. Nariara nariara andeeqara amuqusimarifa Anutuna faiqi maridanoo minara irimarifa maridanoo.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.

1 Yoohanee 5:2

Maasa maaqiannanara Anutuna faiqi namuara ridaqee qianaura. Anutunara nimuqusinaqa mina ufamau andeeqasee fuannanara Anutuna faiqi namuara ridaqee qianaura.

1 Yoohanee 5:3

Maasa Anutunara ruannana anoona maaqimminoo maridanoo. Mifa naakapainna ufara eedoo qimasee asaukunnai qumaraannanara doo mifa anoona maridanoo. Anutuna naakapara ufa sia firaa qumaara tia maridanoo aufadaidanoo.

Uqafiqoo Ufafa 12:17

Qaareena fannoo mina qafoofanoo firaaqoo uqanna aranaqoofanoo quandakinoo mi anaaseena ati aiku asauku marusa aiqama Anutuna aauqira sandufamau fimariasa Yisuna kooroo ira anoona ufamau fimariasa faqa naruanee qimasee fufa ooruku nammari afainni kikiqinoo marinau.

Uqafiqoo Ufafa 14:12

Mi aukuannai maqasaa Anutuna aiku asauku marianausa mi aupuraranaki reendeenamafi fifimafi marirana faqa Yisunasaa kaqi kai mundufi marirana faqa miqimandee mi aukuanna Yisuna ufamau fimariasa miqiaqa.

Uqafiqoo Ufafa 22:14

Nári qamunanda nammari uqusee anukara qamunna faqaasa misa kai amana fuka Yeerusaree maqusa kooqiki keeqafiqa kaqi naaru marira saqari qaqamma amana diqisee neefaranoo. Miqimariasa asasifaranoo.