1 Yoohanee 2:16 - Anutuna Ufa

¹⁶ Maa maqanasaaqaraa mandainaina oosana maaqimminoo maridanoo. Maasa manda daundurakiqari oosana oosana ainainara randeemarunnanara faqa maasa oosana oosana ainaina qafamasee marararee qimarunnanara faqa maasa nifaaqa amooqimariana faqa maa ainainausa aiqama sia maasa qikoofinaindari qumu mari ainainafa maridanoo aiqama maa maqanasaaqaraa ainaina kai maridanoo.

1 Yoohanee 2:16 Iomraidhean Croise

Oosana 3:6

Anaasee sakani ufa iriseenoo mi saqarina afu qafamasoofanoo amiqirafa marufanoo aqama faqa qafoofanoo idaaqirafa marufanoo amiqira ainainara iriranara faqa manda ainainara iriranara faqa irufanoo amiqufanoo mi saqari aqamana diqiseenoo neenoo narí afaaqi faqa amufanoo nanau.

Oosana 6:2

Maqasaa fasiqauqa Anutuna faiqi namu mi manaaqausa nindafoofaqa nifu noori amiqirausauqa kai marufaqa nári nidimarusa maree mariqau.

Idi Ufa 73:6

Misa noori uqeerasee ramooramaairafa misa ninukakinaa kukukakanara foora maridanoo. Faiqí narirana misa qamunnara foora nári nifaaqai afisuaqee maridaqa.

Idi Ufa 78:18

Misa Anutuna amanamasee qafaanee qimasee nariqa nidimari naranara innaaru qimariqau.

Idi Ufa 78:30

Mi ufini naranausa neemarufanoo sia nimuaqu inau, kaqi naida marufanoo Anutuna arana qoofanoo misa afeeka fasiqauqa kuqa narinau. Mifa Isaraee maqannaa amiqira kumaaraauqa narinau.

Aaquqira Ufa 27:20

Faiqí moo moo kuqimariafanoo sia kuqira maqa maaqa umbiqaidanoo, kaqi kai kuqida maridaqa. Miqi kai inoo sia amana faiqí narí aidirana aiqama afaqanoo munu taikaannoo.

Aaquqira Ufa 6:25

Sia anee misa amiqira nifaaqara rua. Afunnai ani mareeqeenoo ufaanaki aruaneera quqainana sia minara iria.

Mataioo 4:8

Yisufa miqi qimasoofanoo afaannauqa firaafa mina iriseenoo kaqi afeekaikamaseenoo Yisuna kafaa afiqamareenoo aaqana kisaaqasaa afiqee muruseenoo aiqama maqa maaqa maqusa maqusa misa nári areenaranaki marina Yisuna uqafiqaseenoo qimaminoo qinau.

Mataioo 5:28

Faiqí moo fannoo sia anaasee mareennara kaqi afu kai qafainnara aaqoo kai oonu mafi irinnanara minara Anutufa doo ummuarammiaanoo qiannoo.

Ruka 4:5

Miqi qufanoo afaannauqa firaafa Yisuna uqeeraseenoo maa maqa maaqanasaaqaraana aiqama karaambaiqauqa faqa misa ququsakinaasa faqa dauni uqafiqaseenoo qimaminoo qinau.

Roomma 13:14

Innee inneeqa faiqí faiqi manda iriranamau fidaqa fanandimariana minniseeqa mi aanausa oonu ititee ani ititeemma atukaraseeqa quandaki Anutuna asauku mundirafa Yisufa maasa karaambaiqa mina andeeqaranaki fimariana mina qumareeqa mi duru saamunannai maasa faiqí faiqi manda marirana manda nirana faqa rakuaqa.

1 Koorinti 10:6

Mi aiqama ainainausa maasa aaquqimaqimaqarafa maridanoo, maasa faqa mina irisee sia misa naanna raanaura, sia manda nidi mari ainainnara randaanauranoo sia misa naanna reeqa tumunnai auqira afaannara faqa innaaru qianaura. Mooseena akara minara maaqi qimasee qidanoo. Faiqí anaasee ooqumari fi narana neeneesee nammari moomoo neeneesee mandidi raanauree qimasee findi fiqa idi ree mariqau.

Karatia 5:17

Maqasaa fasiqa anaasee maqasaa irirafa faqa Anutuna maraquna aidimari ainainafa faqa maasa naunduraki narí maqauruamaqee narí maqauruamaqee idaqa miqanda namuqaa marianara innee firaree qimariaqoo sia amana fifaranoo. Minara innee Anutuna maraquna ufamau fuaqa.

Karatia 5:24

Asauku mundirana Yisunaindi mariasa misa nariqa faiqí faiqi irirana marirana faqa nári maqasaa irirana faqa aunirira saqarisaa Yisuna namufaqa kuqa kai aru quqee mariasa maridaqa.

Eefeesusa 2:3

Maasa faqa aiqamausa aanaamuru Anutuna ufa rukiee mariasa naanna ramasee maasa qeeqa faiqí faiqi mandiriranamau fidaqa qeeqa qifaaqa irirana afaariqa kaqi qeeqa manda didiramau kai fiqiafana. Maasa Yuda maqannaasa aanaamuru naanna ramasee qeeqa qifaaqa afaaramasee mina akiaqara Anutuna aranaqaranaki firaridaqa.

Titusa 2:12

Anutuna afaarirafa maanara daakapaidanoo. Oosana oosana ainaina sia Anutufinnai ubeekanoo mari ainainnara minnisaaqee qidanoo. Maa maqanasaaqaraa ainainara kaaqa rimariana nimuqusirana doo quqaaqee qidanoo. Maasa maa maqanasaa marunnaqoo qeeqa qimanara qeeqa daundurara iriseeqa aiqama ainaina sia maraa qee qidanoo. Anutuna afaarirafa maa maqanasaa marunnaqoo maasa nirana marirana kuqaa kai qiaqee qidanoo. Maasa maa maqanasaa maridaqa Anutuna fooqaa marirana qiaqee qidanoo.

Titusa 3:3

Ooqai maasa faqa misa naanna raidaqa, furufariaafanausa maridaqa, ufa rukiee mariafanausa maridaqa, maasa kaqiruna ubeekeeaafanausa maridaqa, maasa faqa daundurakina qidudusaa arirafa qiqa qifaaqa rumbeeusa idukuqoosa maridaqa, maa maqanasaa amiqi amiqira ainaina fannoo maasa rumbeeusa maasa faqa aiqama aukuana qifai sanduriaafanausa maridaqa, moona ainaina qafaafananoo qimuqusidanoo qimukeeusa maridaqa, maasa faqa moosa nindafaafananoo fidiaqaamma nimaqee mariafanausa maridaqa, misa faqa maasa qiqafoofanoo miqikai inoo fidiaqaamma qimaqeemariqau.

Yameesa 3:15

Mi irirafa sia innaarunainadari qumidanoo maa maqa maaqanasaaqaraafa maridanoo sia innaarunaindaraafa, afaannaindi maridanoo.

Yameesa 4:16

Innee sia miqi qimariafanoo maaqi qimariafanoo innee inneeqa nifaaqa nimooqimariafanoo firaaqoo inneeqa nuqu uqeeree mariafanoo. Miqi maria ufafa aaqeemariafa maridanoo.

1 Peetooroo 1:14

Innee Anutuna ufara eedoo kai qimasee qumaraaqa. Ooqai innee aamina maru kamusaqa maridaqa manda nidimaru ainainna sia maqee kamu kafaa mina mara ootupaaqa, innee aiqama marirana andeeqasee mariaqa, Anutufa inni naaree marifa kaaqa andeeqarafa maridanoo mifa indee kai iqa kaaqa andeeaqa mariaqa.

1 Peetooroo 2:11

Oo qini qiqoondiuqa, qinee Peetooroosa qeeqa qimuqusa ookiqari naamua qidaqa. Innee Yisunara irimariasa maa maqa maaqanaki maridaqa aanaamuruara foora asaqiraafaira foora mariafanoo. Miqiqa maridaqa maaqoo faiqí faiqi manda nidimari ainainafa inniara qini maraaqee qinaqa sia eedoo qimasee mina maraaqa. Mi manda ainainausa inni maraquna arimarifa maridanoo innee moo maqannaasara foora mariafanoo sia maraaqa.

2 Peetooroo 2:10

Anutuna ufara fidiaqaammasee nári manda nipata manda nidiramau fimariasa misa narira oosanara faqa Anutufa firaaqoo iridanoo. Unnaqira amaana ufa uqannifiqee mariasa misa inniki paasoosida aanooqidaqa maridaqa. Innaarunai kaaqa qee mariasara faqa sia naaquqaifaqa rufiaidaqa mandufa kai qangiroouqa faqa nimidaqa.

2 Peetooroo 2:18

Mi manda fasiqausa nári nifaaqa amooqimariana faqa furufari marianara faqa ufa qidaqa. Faiqí anaasee akaqausa nári mandoosanakiqari findifi aaqee kai aanai ubeekarariafaqa mi mandoosanna maree mariasa misa mareeqee nári ufaanaki mara naridaqa. Mi fasiqausa nári mandainainara nidiranannai ufaana fufuseeqa minaki mara naridaqa.