1 Yoohanee 2:1 - Anutuna Ufa

¹ Qini faiqi namu sia innee aaqaaqeera maa ufana akara ridaqa. Yisufa asauku mundirafa andeeqarafa Anutuna afusaa maasufa dadaaqu fasiqafa maridanoo faiqí faqa anaasee faqa moo fannoo aaqaifanoo Yisufa minara iriseenoo maasa qikoofinnai oonureenoo maasa aaqarana andeeqa taikaannoo.

1 Yoohanee 2:1 Iomraidhean Croise

Idi Ufa 4:4

Innee naindiri ree marinaqa rufiaidaqa aaqee maria oosannana minnisaaqa. Anee aneenna qaarisaa ireeda faiqaqee idana firaaqoo minara oonu mafi iria.

Ruka 10:22

Yisufa kaqi innaaru qidanoo narí akoona qimaminau, qini qikoofa aiqama ainaina qini kai qimiqaifa maridanoo, faiqí moo fannoo sia ani amaakura amiqimasee iridanoo anee qini qikoofa kai amiqimasee qiniara irimariananoo kafaa faiqí moo fannoo sia qini qikoonara iridanoo amaaku fannoo kai aniara iridanoo qinee qeeqakai irisee quqannifiqee marunausa faqa aniara irifaranoo. Miqi qidanoo innaaru qimasee quandafi narí faiqi namu umeenni qimanniminau. Inni aiqama amiqira ainaina faiqí sia amanaikimari ainainauqa uqannifiqaunaqa qafamasaafanoo inni asasirafa firaafa maridanoo.

Yoohanee 10:15

Miqi kai iqa qeeqa sipsipara iridaqa misa faqa qiniara faqa iridaqa. Qinee qeeqa sipsipasaara amana kuquanauree qidaqa.

Yoohanee 13:33

Qini faiqi namu sia kisaaqasaa inniki marianaura. Yuda maqannaa qimannimiafannandee kai inni qimannimidaqa. Innee qiniara randee sia paqurifaranoo. Qinee fuannaqoo sia innee amana fifaranaoo.

Yoohanee 14:16

Qinee inni minnisee ooru fiqa qeeqa qikoona irammiriananoo Anutuna dadaaqira afeeka maraquna nimiannoo. Mifa kuqaa anoona ufa qiroosana maraquna qumu mariannoo, mi maraqunafa naaru naaru inni faqa mariannoo.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 5:14

Kasooqaqee marikinoo amaana maqaki mi fasiqana paqurimandee Yisufa maaqi qimaseenoo qimaminau. Doo fee maqee qafeenee Doo findifuananoo doo maqee aneenna mandainaina minnimasaa. Sia miqinanoo kafaa mandainaina firaafa uqanna anisaa aqufuannoo.

Yoohanee 5:36

Yoohaneefa nammari nimimaruna ufa anoona maru fanoo qinindi minaindi arusee uriqaranoo maridanoo. Qinee aniree faiqí sia amana auquaqaa ira ainaina qini qikoofa qimuna auqaqa fimarunna ainainna fannoo qini duqu firaaqoo uqeeraannoo. Uqeerainaqa qafamasee qiniara Anutufinaindari qumu fee qifaranoo.

Yoohanee 6:27

Innee sia dauni putaa ira naranara ainainiaqa. Naaru marirana nimira naranara minara ainainiaqa. Qinee maa naranna qinee faiqí nimaaku inni nimianaura. Qini qikoofa Anutufa qiniara aidimarifanoo narí aiqama ainaina qini daaku qimaqasaina inni amana mi naaru marira naranna nimianaura.

Yoohanee 8:11

Mi anaaseefa qinau. Oo rakisira sia kuqira ufa moo fannoo qimimarifa maridanoo. Yisufa iriseenoo qinau. Doo qinee faqa sia kuqira ufa ani amianaura. Doo fua, sia kafaa manda oosana maraa.]

Roomma 5:10

Maasa Anutuna namuqaa marufanoo mifa narí amaaku maasa mandainaina arirana maroonara iriseenoo mina kuqiranannai aqoondi kamma quqaqisaifaqa maridaqa. Asauku mundirafa kuqunannai Anutuna aqoondi kamambi maridaqa kafaa Yisuna kaqi mariranannai mifa taikara aukuana Anutuna aranaqaranakinaana kuqaa uqanna maasa mina aqoondiuqa mareeqee asumu mariranaki quqaqisaannoo.

Roomma 6:15

Maasa sia Mooseena sandufa nimaarusira ufa ameemaanai maridaqa Anutuna mandainaina minnisara afaarirana ameemaanai maridaqara qiqa manda oosanaki kaqi qifaaqa quqasee maraanauree. Oo sia uqanna.

Roomma 8:34

Yafee moo fannoo mina faiqi namu kuqira ufa nimiannoo fee. Sia moo fannoo amana miqiannoo. Anutuna asauku mundirafa Yisufa doo kuqufufanoo Anutufa kuqiranakinaana mara findifumasee kaqi mariranaki quqasaifanoo doo maqee Anutuna aaqa asauku uqannai maridanoo maasara Anutuna oorisaa innaaru qidanoo.

1 Koorinti 15:34

Innee Koorinti maqannaasaki akaqausa kuqirausa sia findifi maria ufana qimariasa inni putaamma nimaqaifaqa innee misa mandoosana maraseeqa furufarirana maree mariafanoo. Innee mina minnisee kafaa andeeqara irirana marasee inneeqa mandoosana quqasee andeeqaramau fuaqa. Inneeqa nisauruaqa innikiqari akaqausa Anutuna afeekara sia amiqimasee iri marifanoo kaqi meeramau irirana irimariafanoo.

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Karatia 4:19

Qini faiqi namu qini qimuqusimaria faiqi namusa mariafanoo. Anaasee moo fannoo faiqi aanaaqi maqaidanoo aupuraidanoo maqaidanoo. Qinee miqikaimmasee amiqira fasaasa ufa inni qimannimisee asauku mundirana andeeqara oosana marirana nirana inniki kambiqaanifeera inniara aupuraidaqa qimannimidaqa.

Eefeesusa 2:18

Maasa aiqamaqara Yuda maqannaa faqa aanaamuru faqa asauku mundiranannai kai amana maasa moodaa maraqunaki anireeqa maasa qikoona Anutuna afusaa kikiqianaura.

Eefeesusa 4:26

Ani aanooirafa kambiqafinoo sia ani rarisameeqee mandainainaki quqaani, anee aanoo qinana doo mi faasaanasaa mi suanina keeqarana namufaqa taikaseena faiqaa sia kisaaqasaa aanooida maria, dauni taikaa, Sadannafa minaki keekafinoo mandainaina uqeeraandoora.

1 Timooti 2:5

Moodaa Anutufa kai maridanoo moodaa fannoo kai narí Anutuna faqa faiqí anaasee faqa mara moodaanakikamma nimaqaidanoo. Mi fasiqafa Anutuna asauku mundirafa Yisufa maridanoo faiqí anaasee oonu kafaa marasee nariki quqaanifeera narí afaaqa kuqiranaki quqanau. Maasa mina qafamaseeqa maaqi qidaqa. Oo Anutuna narí aukuana maridanoo. Oo mifa kuqaa aiqama fasiqa aanaaseera asumu mariranaki mariaqeera miqidanoo.

1 Timooti 3:14

Qinee Pauroosa maa papiqana akara ridaqa qusasaa inni oonu nindafararee qidaqa.

Heeburu 9:24

Asauku mundirafa uqiqaana maqa faiqí nisaukunnai auqamaqoonaki innaarunai marina fooqaanaki miqiranaki sia keeqanau, mi maqanaki naaquqara oosiranaki sia keeqanau. Mifa andeeqasee innaaruna maqa maaqaki Anutufa maruqoo uqanna keeqafinoo kooroomafinoo maridanoo maasa dadaaqidanoo.

Yameesa 1:27

Maasa qikoofa Anutufa maa qaaramoo ainainausa maraanara kuqaa anoona qini saqarikirausammiafoo qidanoo. Moo oosana fiaiqi faiqi rakisirana faqa moo oosana adeedaana aanaaseeuqa nariqa aupuraranaki mariasa rakisirafa faqa moo oosana maa manda maqa maaqanakina mandoosanauqa qifaaqai aqufuandoo qimasee eerairinafa faqa mi ainainna namuna maree mariasara kuqaa anoona qini saqariki mariasee qidanoo.

Yameesa 3:9

Maasa minakiqari maasa qikoona maasa karaambaiqara minakiqari dufi dufi qidaqa kafaa quandaki Anutufa narí amana kai maasa qiqoonausa auquqoosa niquraraidaqa.

1 Peetooroo 2:22

Mifa sia moo mandoosana maranau. Sia moo unna ufa mina afaurusaa marinau.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

1 Yoohanee 3:18

Qini faiqi namu, maasa nariara nariara uriqarara ainainee qimasee rirana sia afaurunnai kai qia. Asaukunnai anoona ainaina kai narí ami narí ami iranannai kai mina anoona kooroo inoo kambiqaannoo.

1 Yoohanee 3:5

Asauku mundirafa sia fifau koorooinau, maasa aaqee marunnana mara aquaneera koorooinau, minaki sia aaqarafa maridanoo innee minara irimariafanoo.

1 Yoohanee 3:7

Qini faiqinamu nikaru qimari fasiqafa anireenoo inni ueeqaandoo qimasee maana inni qimannimidaqa aufariaqee qidaqa andeeqara qoo nimariasa andeeqarausa maridaqa asauku mundirana aanna rarausa andeeqarausa mariaqa.

1 Yoohanee 4:4

Qini faiqi namu innee Anutuna faiqi namu mariafanoo. Unna qira tamummaqara fasiqauqa innee misa urinaaqaramafi mariasa, inniki mari maraqunafa uriqaranoo maridanoo maa maqa maaqanakinaasa maraquna Sadannanaindi ureeqanoo maridanoo.

1 Yoohanee 5:17

Aiqama aaqarafa mandoosana maridanoo akaqausa moo mandoosana sia kuqiranaki fimariafa maridanoo.

1 Yoohanee 5:21

Qini faiqi namu unna qira Anutufara fooqaa qira ainainara nianasaa rufiaaqa, kuqaa Anutuna inni nimuqusakinaana mara amaaramaseenoo mina amaaqa maqaandoora minara rufiaaqa.

3 Yoohanee 1:4

Qini faiqi namukammafi mariasa kuqaa anoona aatata fimarianara minara kai irisee firaa asasirana qimidaqa. Sia moo ainaina mi asasirana amana kai maridanoo.