1 Yoohanee 1:5 - Anutuna Ufa

^5-6 Anutuna amaaku ufa moo maasa qimaqimufaqa maasa mina akooroomasee inni qimannimidaqa. Mi ufana maaqi qinoo Anutufa kaaqa qarafa qoomara foora sia kaqikaa asukuna marifa maridanoo. Mi ufana qimaqiminau. Maasa qeeqara Anutuna faqa aqoondi fee qimasee quandaki asukunaki keeqafidaqa maasa ufa faqa marirana faqa unna qidaqa, sia anoonamau fidaqa.

1 Yoohanee 1:5 Iomraidhean Croise

Idi Ufa 27:1

Yaaweefa qini qoomara foora maridanoo qini asumu maree marifa marinara qinee yanaree moonara rufiaanauree. Qini marirana nirana afeeka Yaaweefa kai marinara qinee yanaree maparaa ianauree.

Idi Ufa 36:9

Anee aiqama marirana oosana mariananoo. Anee kaaqa qarafa mariannanara maasa kaaqa qarana qafaidaqa.

Idi Ufa 84:11

Yaaweefa qareenara karaambaiqa maasa itita qimaqee marifa maridanoo. Mifa narí amiqira dadaaqirana faqa maasa duqu uqeerarana faqa mi qandannai amiqimma qimaqaidanoo. Andeeqara aatata fimariasa moo ainainara iraifanoo sia amiqira ainaina nimiranara qaoo qiannoo.

Yoohanee 1:19

Yoohaneefa Yisunara kooroo qu ufafa maaqimasee animarinau. Yuda maqannaasa amaana maqa aanaiqikirausa faqa amaana maqaki dapi saika maree marusa misara Reefina aiku asauku fee qimarusa misa faqa Yeerusareenni suqufufaqa ufa qimaseeqa faiqí akaqausa nifeeqasee niqiqoofaqa Yoohaneenara irarara ooqufiqau. Yoohaneefa nammari nimimarufunnai Yooradanna nammarinni ooqureeqa maaqi qimasee iraqau. Oo Yoohanee, Anutuna tamummaqara fasiqauqa kambiqaaninna tamummaqara fasiqanara akara rumaqoofa anee maana mifee yafee.

Yoohanee 1:4

Aiqama kambiqoo ainaina mina Yisunasaaqaraa marirana maraseenoo doo maridanoo. Mi marirafa maa maqanasaaqaraa fasiqa anaasee naundurai qoomara foora aurau rimarifa maridanoo.

Yoohanee 1:9

Anutuna ufa fannoo Yisufa anoona aurau rirafa marinau. Mi aurau rirafa faiqí aiqamausa naunduraki qeemarufa maridanoo maqasaa faiqi aanaaqi kammafinoo maa maqa maaqanaki quminau.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Yoohanee 9:5

Qinee maa maqa maaqanaki maridaqa misa qooma maridaqa, kaaqa qamannimaqaanaura.

1 Koorinti 11:23

Ooqai qinee karaambaiqa ufa irisee qimannimiafanna sandufana maqee faqa kafaa qimannimianaura, karaambaiqa Yisufa Yudasifa ueeqoo eendanaki feemu asaukunnai qumareenoo Anutunara dufi dufi qimaseenoo, ruqi ruqi maseenoo maaqi qimasee narí faiqi namu qimanniminau. Maa feemufa qini qimaqi kikiqa usinoo maridanoo innimma kuqiranaki quqannimaqaanaura. Qinee kuquannanara aunifoora oonumafi iridaqa feemu maqee maqee naqafuaqa.

1 Timooti 6:16

Anutufa mifa kai sia faiqí undee irafa aaduma marifa, mifa kai sia faiqí amana qafaaqaaira kaaqa qaranaki marifa, sia moo fannoo mina qafaida sia moo fannoo amana qafaannoo. Mina auqu uqeerarana faqa naaru naaru afeeka marirana faqa minaindi kai maridanoo. Kuqaa.

1 Yoohanee 3:11

Ooqai indaaru maa ufana innee irimarusa mariafanoo mi ufana oosana maaqimminoo maridanoo maasa nariara nariara uriqarara ainainee qimasee nimuqusiani.

Uqafiqoo Ufafa 21:23

Suani faqa quqoona faqa marinaqau qafani. Sia mari qafeeqa. Maridanoofau fifau mariqini Anutuna narí firaa areenarafa firaaqoo kaaqa qamaqinoo maridanoo, sipsipa aanaaqi mi maqusana qoomara foora maridanoo.

Uqafiqoo Ufafa 22:5

Mi maqusanaki asukuna taikanoo maridanoo sia kafaa mariannoo. Misa sia qoomara suaniara iridaqa fifau maridaqa, Karaambaiqa Anutufa misa qooma marinaqa miqooqaraasa karaambaiqara foora naaru naaru rakisi nimaqeefaranoo.