JEMS 3:2 - A Xuxubus Maxat

² Ire xirip tobo susubu xöbo mangana tatalien oleleng, ma niang bara önga tödi i kara ösöxö ra sinubu xö önga tinenge re ine, ina tödi a lak töxödös me ine i eöt ta werwere muu a to xirip pe ine.

JEMS 3:2 Iomraidhean Croise

MATIU 12:34

Mum mo xarnang abo si saban. Mum abo tene saban, morobo eöt ta tengen tebo lalaa deek bara bule? Mum kebeöt, möxösa, a tödi ibo tengen ösu abo lalaa i wöwö sik kö balana.

MATIU 12:37

Io, God irabo kure nöngön köbo tinenge xirip pe nöngön, ma irabo tengen te nöngön bara örobo langlanga bara örobo kip a kinadik ke nöngön kö warkurai.”

A Ginigeet te Pol urungan köbo ROM 3:10

I xarnang a tinenge xö God toxo geet i tengen bira: “Kaim pe öng i töxödös. Kaim tunon iat te öng.

A Ginigeet te Pol urungan köbo ROM 7:21

Io niang, e pere lo ina turunon bira, xö axana bung bara e mamaa rua wewet a dedeek, a magingin saban i xisixis arixe me e.

1 KORIN 9:27

Kaim. E bo sese ölölös a lewene aine e, bara irabo muu ödeek a mamaa re e, bara xalik idi tobo kip tewe e xalik ina agulos me e karabo sila im kö ina ililo ne exokos melamu nang bere e xoro palas tinenge urungan kö dauleng kabise.

GALESIA 3:22

Ma abo tinenge re God idi toxo geet i tengen bara abo magingin saban iri kubus pi a öxöno lagunon kirip ma i kis sik bie. Ruasa? Nang e God irabo tabaa idi ewe idi te nunu arixe minabo lalaa ixoro kubus sö idi. Ma irabo tabaa idi bira, möxösa, idi te nunu iat te Jisas Krais.

GALESIA 5:17

Ma irabo ot bira, möxösa, a mamaa möxö lölös mera xö pu kölöme re mum i xabise xirip sik kö mamaa möxö Töxödös ne Tanono. Ma a Tanono irabo mamaa lamun abo lalaa nang i xabise xirip sik kö nang möxö lölös mera xö pu i mamaa. Idu tobo erese iat kaluluonin idu, io niang, mum korobo eöt bere mum morobo wewet eörin abo mamaa deek ke mum.

KOLOSI 1:28

Me mem bo palas tinenge ulamun e Krais urungan köbo mangana nangadi xirip. Me mem me ötumarang me mem me uusu idi mabo nanase xirip bara idi tabo ot deek esexere kölöme re Krais nang mem me lamus idi urungan kö wawara xö God.

KOLOSI 4:12

Epaparas, ewe a öng mere mum ma a tultul te Krais Jisas, ine bölök i tile a tinenge ne aöga urungan te mum. Ine ixobo seseseng söxsöxö ulamun e mum ma lölös taxin bara e mum morobo maras ulamun abo lalaa God i mamaa bara mum morobo pet ma bara morobo maruxo xönan.

IBRU 13:21

Me e seseseng bara ina God te ire irabo tabaa e mum mabo lalaa deek nang mum mo sasaxan ulamunon tua wewet eörin a mamaa re ine. E seseng bara meringan kö kinis se ire kölöme re Jisas, God irabo rörön kölöme re ire öngöng bara ire tabo eöt tua öaxanan ine. Me Jisas Krais ine ewe nang ire tabo ölet ulorexe. Amen.

JEMS 1:26

Ma bara öng i döxömen bere i mumuu e God, nexalik i kobo balaure ödeek a kamene ine, io, i turunon saxit, ine i kobo muu iat e God. Kaim. I ömamang öbaling ine iat.

JEMS 1:4

Me mum morobo mana balamasa sik kua tinuu lölös, io niang, ina magingin na irabo o a inone xöbo to re mum bere mum morobo eöt tua tinuu esuo mabo tiip kirip, ma bere mum korobo mamaa ulamun te laa rua mumuu e God.

JEMS 2:10

Niang bere ewenene ibo rarame abo warkurai kirip ma lamun i subu xö öng, i wawara bere ine i subu xöbo warkurai kirip.

1 PITA 3:10

Ma möxösa a tinenge re God i tengen bira, “Ewenene re öng i mamaa rua axanan ma to re ine, ma i mamaa rua werwere abo bung deek, io, ine irabo mana balaure ödeek a kamene xalik abo tinenge saban ma ngalana xalik abo tinenge atöxö.

1 PITA 5:10

Ma lamun a kinadik i karabo kis ömat me mum, ma melamu God, ewe nang ine a unine möxö inabo abalamu xirip, irabo top e mum. Ine ewe nang ixo kuwe e mum pua nilaxa xö mariris se ine nang i kis ulorexe saxit kölöme re Krais. Me ine irabo ömaxat öbaling e mum, ma irabo ölölös e mum bere mum morobo tuu dik sik.