JEMS 1:9 - A Xuxubus Maxat

⁹ Niang bara önga töke kölöme re Krais, i kip lo a kinis ne maris, ine irabo mana ölolot ine, möxösa, a esene i taxin köba xö wawara xö God.

JEMS 1:9 Iomraidhean Croise

A Tinenge Deek ke Luk 1:52

Iri bulus ösu abo sisila raxin meringan köbo kinis möxö pet warkurai te idi. Inexalik bara ine iri ii öraru abo maris.

A Tinenge Deek ke Luk 10:20

Inexalik, ganim e mum pa axanan bara abo tano saban te tame e mum. Ma lamun mum morobo mana axanan bara abo ese mum e God iri geet tuso xö watmaep.”

A Tinenge Deek ke Luk 14:11

Io, ewe nang i ii öraxin iat ine, God irabo ii ösu ine, me ewe nang i ii ösu ine, God irabo ii öraxin ine.”

A Tinenge Deek ke Luk 9:48

Ma ixo tengen te idi, “Ewe nang irabo öga ina barok lik na xö esene e, ine i öga e, ma lamun ewe nang i öga e, ine i öga a öng nang ixo tile e. Möxö ewe nang i lik köba kaluluon te mum kirip, ine i taxin saxit.”

A Ginigeet te Pol urungan köbo ROM 8:17

Ma nang bara ire abo barok ke ine, io, i turunon bölök bere ire tabo unan lo abo lalaa deek nang God ixo xuxubus sua ratabaa abo barok ke ine min. Me ire tabo unan lo inabo lalaa deek arixe me Krais. Ma lamun nang bara ire tabo kip a mariris arixe me ine bira, ire tabo mana kip bölök abo kinadik arixe me ine.

2 KORIN 6:10

Mem bo tapunuk, ma lamun mem bo axanan sösöxö bölök. Mem bo talien xarnang abo maris, ma lamun mem bo wewet a oleleng tobo asuono orong. I xarnang bere mem kaim kö unan te önga lalaa, ma lamun mem mabo lalaa xirip.

PILIPAI 3:14

Xarnang ina na, e kara mamas, ma lamun e mana lölös sik iat ot kö öxöwöm möxö ina ululo, nexalik bara e rabo kip ina arabaa deek nang e God ixo kuwe lo e kölöme re Krais Jisas bara e rabo kip puso lömö.

PILIPAI 3:3

E tengen bira, möxösa, mesila a tatalien möxö kuru aine nangadi ixo osen bara abo Israel a nangadi re God, nexalik na, ire iat abo tene nunu, a nangadi turunon te God. Ire iat abo duöng ewe niang tobo lotu re God kölöme xö Töxödös ne Tanono, me ire tabo ölet e Krais Jisas. Ma i turunon bara a unine bere e iat e xebe öt tua bulus a nunu re e xö tatalien ne muu warkurai te Moses sua rorop e, ma lamun ire tokobo bulus a nunu re ire xö ina tatalien na. Nang bara re öng i döxömen bara i eöt tua mumuu inabo warkurai rua rorop ine, a unine bara e iat e sila sik.

1 PITA 2:9

Ma lamun e God ixoro pere tus e mum rua nangadi rine. Me mum abo pris se King ke mum. Mum a nangadi madakdak nang e God ixoro bulus tewe bara rö ine iat bere mum morobo tenge maras ulamun abo tinörön deek kö Öng nang ixo kuwe lo e mum kalik a ködö urungan kö maras deek.

WINAWARA 2:9

E ösöxö abo kinadik ke mum. Me e ösöxö bere mum mo maris köbo lalaa mera xö pu. Ma lamun mum mere kip a kinis ne asuono orong turunon. Me e ösöxö bere idi nang tobo rengrengen bere idi abo Judeia, idi te tengen ögarin e mum. Inexalik idi kaim bara abo Judeia turunon. Kaim. Idi tobo lolotu wösöt e Satan.