IBRU 3:6 - A Xuxubus Maxat

⁶ Krais bölök bie. Ixo rörön deek eöt tunon iat ma mamaa xö God. Ma lamun Krais, ine a Barok kö God kölöme xö bung marapun te God. Ma ibo balaure ina marapun. Me ire abo unsaxana xö bung marapun te ine nang bara ire te tuu lölös kö nunu re ire ma nang bere ire te xixiset ma nunu raxin köbo lalaa ire te ölolot ulamunon nang e God irabo tabaa ire min melamu.

IBRU 3:6 Iomraidhean Croise

MATIU 10:22

A nangadi xirip tabo melentexin e mum, möxösa, xö eseke. Lamun ewe i tuu lölös sik urungan kö xakawöm, God irabo öro ine.

MATIU 16:18

Me e tengen te nöngön bara nöngön e Pita, ma lömö xö wat na e rabo uru xönan a lotu re e, ma minet i kebeöt ta kawönö ine.

MATIU 24:13

Lamun ewe nang i tuu lölös sik urungan kö xakawöm, God irabo öro ine.

A Ginigeet te Pol urungan köbo ROM 11:22

Io nang, örobo mana dödöm deek bere God ibo isik a inemarse ma ibo isik a ömokorot taxin bölök. Ixo ömokorot ölölös idi ewe nang toxo subu, ma lamun ixo marse nöngön. Ma irabo ot bira rö nöngön nang bara u bo kisisik kölöme xö inemarse re ine, xalik irabo pit tewe bölök nöngön.

A Ginigeet te Pol urungan köbo ROM 12:12

Mum moro xixiset ma nunu ulamun abo warwadöan nang irabo wan pösöt e mum, io niang, i deek bara mum morobo axanan. Mum morobo mana tuu lölös kö ene abo eler. Ganim bere mum mo döxömen taun tua sineseng sösöxö.

A Ginigeet te Pol urungan köbo ROM 15:13

E seseng urungan te God ewe i pet e mum bara morobo eöt tua xixiset ma nunu ulamunon abo warwadöan. E seng ine bara irabo öwöwö e mum ma axanan ma malum bölök nang mum bo nunu re ine. Io nang im, xö lölös möxö Töxödösine Tanono, a tatalien ne xixiset ma nunu ulamunon inabo warwadöan irabo wöwö xöba sik ke mum.

A Ginigeet te Pol urungan köbo ROM 5:2

Ma xö nunu re ire, e Krais iri lamus ölaxa ire urungan kö abalamu nang e God ixoro tabaa tataunin ire min. Me ire tobo tuu sik kö ina abalamu me ire tobo axanan, möxösa, ire te xixiset ma nunu bara ire tabo uruoxe a kinis deek nang i ot meriso xö maririsine God.

1 KORIN 3:16

Bara bule, mum kobo ösöxö bere mum a gunon madakdak kö God ma bara a Tanono e God ibo kisisik me mum?

1 KORIN 6:19

Bara bule, mum kobo ösöxö bara a aine e mum a gunon ne lotu xö Töxödös ne Tanono ma i kisisik kölöme re mum, me mum moxo kip lo xalik e God? Me mum kobo ösöxö bölök bere kaim bere mum mere mum iat?

2 KORIN 6:16

Ma abo petpuo ma a gunon te God, idi tabo maraxa arixe bule? Me ire iat a gunon möxö God ewe nang a lak to. I xarnang e God ixo tengen: “E rabo kis arixe me idi me e rabo to kaluluonin idi. Ma irabo ot bara e rabo God te idi me idi tabo nangadi re e.”

GALESIA 6:10

Io na im, nixinen iat bang nang ire te öt sik ka wewet abo dedeek, ire tabo mana wewet biringan kö nangadi xirip. Lamun ire tabo mana pet inabo lalaa raxin deek bira kaluluonin idi mere ire nang te nunu.

GALESIA 6:9

Io, ganim ire ra lönlön tua wewet abo lalaa deek, möxösa, nang bara ire tekobo lönlön kö inabo tatalien deek, a axana bung kingan nang ire tabo kin öxaa a inone a malawang ke ire.

EPESES 3:12

Ma a nunu re ire iri sawang a ngas urungan te God. Me ire tabo wan urungan kö wawara re God ma balawapat ma balamasa, möxösa, ire kölöme re Krais.

KOLOSI 1:23

Ma lamun mum morobo mana tuu dik sik kö nunu re mum ma ganim e mum pua taxase xalik a tatalien ne xixiset ulamun abo lalaa deek nang mum moxo ölangen ulamunon kölöme xö tinenge deek bara mum morobo kip lo. Ma ina tinenge deek na nang idi toxo palas tinenge min urungan kö nangadi mera xö öxöno lagunon. Me e, e Pol, e a önga tultul möxö ina tinenge deek na.

1 TESALONIKA 5:16

Mum morobo mana axanan sösöxö.

2 TESALONIKA 2:16

Meet me seseng urungan te God, a Tamana ire, ma a Orong ke ire, e Jisas Krais, ewe ixo mamaa ulamun ire. Ma meringan kölöme xö abalamu re ine, ixo isik a aöxaxat urungan te ire niang i karabo kawöm. Me ire te xixiset bölök ma nunu xöbo lalaa deek, möxösa, ine ixo isik ina abalamu.

1 TIMOTI 3:15

Ma lamun niang bara önga laa i ulis e, io, e karabo wanot pasaxit, io, e geet inabo lalaa bara nöngön örobo mana maras köbo mangana tatalien niang i deek bara a barama re God tabo muu. Ma ina barama na, a marakörö möxö lotu re God niang a lak to. Me idi te eöt ma xösöng niang ibo ölölös abo turunon niang God ixoro osen.

IBRU 1:2

Ma lamun na im a xakawöm möxö axana bung, me God iri wöwörö rö ire kölöme xö Barok ke ine. Ma ixo pere kos sik bere ine irabo unan abo lalaa xirip. Ma xö limine a Barok ke ine, God ixo uxis a mango ma öxöno lagunon kirip.

IBRU 10:19

Io nang, abo töke kölöme re Krais, ire te balamasa rua nuan laxa xö Madakdak ne Xönö Saxit kö dee ne Jisas.

IBRU 10:21

Ma a pris taxin te ire bölök nang i rörörön lamun a gene a bung marapun te God.

IBRU 10:23

Ire tabo mana tuu lölös köbo lalaa ire te etöngösen bere ire te nunu ulamunon. Ganim ire ra tinuu gölgölö xöbo lalaa ire te xixiset ma nunu ulamunon, möxösa, God irabo pet eörin abo tinenge re ine ixoro xuxubus sik min tö ire.

IBRU 10:35

Io niang, mum bele ömalim tewe a nunu ne balamasa re mum, möxösa, God irabo öxaaorong e mum nang e mum mo tuu sik bie.

IBRU 11:1

A tatalien ne nunu i bira. Nang bara re öng i nunu, irabo ösöxö runin sik bara irabo kip lo abo lalaa ine i xixiset ulamunon. Ma i kobola pere inabo lalaa, ma lamun i maras sik bara inabo lalaa i kisisik.

IBRU 3:14

Xö axana bung bere ire toxo nunu arun te Krais, ire toxo tuu lölös kö nunu re ire. Ma irabo ot maras bara ire mere Krais nang bara ire tabo tuu lölös biringan ot nang ire tabo met.

IBRU 4:11

Io nang, ire tabo mana lölös sua nilaxa xö ina kinis ne mamas, xalik ke öng ibo muu a magingin ne tabuno ölöngö, ma irabo iuo.

IBRU 4:14

Io, ire ma önga pris taxin ewe nang iri wan laxa uruso xö watmaep. Me ine e Jisas, a Barok kö God. Io niang, ire tabo mana tuu lölös köbo lalaa ire tere etöngösen min nang ire te nunu xönan,

IBRU 4:16

Io niang, ire tabo mana wan pösöt e God ma balamasa. Me ine ewe nang ibo isik tataunin a abalamu rö ire. Ire tabo mana wan biringan urungan te ine, lamun irabo marse ire ma irabo top tataunin ire xö axana bung bere ire te sasaxan lamun ina rorop niang.

IBRU 6:11

E mamaa bara mum morobo lölös sua wewet sösöxöin bira ot kö öxöwöm möxö to re mum, rue mum pua xikip tunin abo lalaa mum mo xixiset ma nunu ulamunon meriso lömö.

IBRU 6:18

Io, God ixo xuxubus ma ixo usugurno bölök. A nine laa na i kebeöt tua xuxulas, möxösa, God i kebeöt tua röxröxö. Io niang, ire ewe nang ire tere ulo wösöt ine rua xikip abo lalaa deek nang ixoro tagure bulus ma nang ire te xixiset ma nunu ulamunon, io, ire tabo balawapat bara ire tabo kip lo.

IBRU 7:19

Ina na i maras, möxösa, inabo warkurai i koxobo eöt tua wewet ödeek esexerein a nangadi. Io niang, God ixo isik önga xuxubus kabise rö ire nang i eöt te ire ra xixiset ma nunu ulamunon. I deek kö inabo warkurai, möxösa, i lamus ire lörörö xö God.

1 PITA 1:8

Mum koxobo pere ine, nexalik e mum bo mamaa rö ine. Ma na mum kobola pere ine ma lamun mum mo nunu rine. Io nang, mum mo wöwö ma mangana axanan deek nang i kebeöt te mum pua rengrengen osen,

1 PITA 2:5

Mum mo xarnang bölök abo wat nang a lak to. Me God ibo rörön köbo tanono e mum pua wewet a gunon. Ma ringan ee mum morobo rörön xarnang a pris madakdak, ma morobo isik abo arabaa meringan kölöme xöbo tanono e mum urungan te God. Me God irabo ömaraxen inabo arabaa, möxösa, mum mere Jisas Krais.

1 PITA 4:17

Ruasa, möxösa, a axana bung iri wanot im bara a marapun te God tabo tuu xö warkurai. Ma nang bara i araun ta inot pösöt ire xarna na, mum mo döxömen bara irabo bule rue idi nang idi tokoxobo tame a tinenge deek ke God?

WINAWARA 2:18

“Me nöngön örobo geet bölök ina tinenge urungan kö angelo möxö lotu mee Taiataira. Ina na abo tinenge xö Barok kö God, ewe a nine marake i wawara xarnang a kamene iaa. Ma nine xexene e, idu te xarnang a baras i söt laxiren.

WINAWARA 2:25

Ma lamun mum morobo mana töndik sik inabo turunon nang mum moxoro kip lo ot kö axana bung arabo wanot.

WINAWARA 2:26

Ewe nang i erese deek ma i pas ösu abo ölelewen ma i pet eörin xarnang kö mamaa re e ot kö xakawam, io, arabo tabaa ine ma önga kinis ne warkurai xarnang e xoro kip lo xalik e Mama. E rabo tabaa ine ma ina kinis ne warkurai rua kure abo kantri möxö öxöno lagunon. ‘Ine irabo kure ölölös idi ma irabo pörök ölixilik idi xarnang a sosopen nang toxo pet ma pu.’

WINAWARA 3:11

E re lörörö ra nuanot. Me mum morobo mana töndik sik a lasa nang mum moxoro kip lo, io nang, kaim pe öng irabo kip lo a bubuan ne kinis deek ke mum.