Daniyeli 9:9 - Bibiliya Ijambo ry'imana D

⁹ Ariko wowe Nyagasani Mana yacu, utugirira impuhwe ukatubabarira nubwo twakugomeye.

Bibiliya Yera

⁹ Umwami Imana yacu ni yo ifite imbabazi n'ibambe, nubwo twayigomeye

Bibiliya Ijambo ry'imana

⁹ Ariko wowe Nyagasani Mana yacu, utugirira impuhwe ukatubabarira nubwo twakugomeye.

Daniyeli 9:9 Iomraidhean Croise

2 Samweli 24:14

Dawidi abwira Gadi ati: “Ndumva nshenguwe n'agahinda! Ibyo ari byo byose, icyaruta ni uko twahanwa n'Uhoraho ubwe aho kumpanisha abantu, kuko Uhoraho agira impuhwe nyinshi!”

1 Abami 8:30

Ujye wita ku gutakamba kwanjye no ku gutakamba k'ubwoko bwawe bw'Abisiraheli, nibasenga berekeye aha hantu. Ujye wumva uri mu ijuru aho utuye, kandi ujye utwumva utubabarire.

Nehemiya 9:31

Nyamara kubera impuhwe zawe nyinshi, ntiwabatsembaho kandi ntiwabareka, kuko uri Imana igira ubuntu n'impuhwe.

Zaburi 130:4

Ni wowe ubabarira ibyaha, ni cyo gituma ukwiye kubahwa.

Zaburi 130:7

Mwa Bisiraheli mwe, nimwiringire Uhoraho, nimwiringire Uhoraho kuko agira imbabazi, iteka akunda gucungura abantu.

Zaburi 62:12

Numvise Imana ivuga iri jambo, irongera irivuga ubwa kabiri iti: “Ni jye nyir'ububasha!”

Zaburi 86:15

Ariko wowe Nyagasani, uri Imana igira impuhwe n'imbabazi, utinda kurakara kandi wuje urukundo n'umurava.

Zaburi 86:5

Koko Nyagasani, uri umugiraneza n'umunyambabazi, abagutakambira bose urabakunda cyane.

Yesaya 55:7

Umugome nareke imigenzereze y'ubugome, inkozi y'ibibi nireke ibitekerezo byayo bibi. Nibagarukire Uhoraho azabagirira impuhwe, nibagarukire Imana yacu izabaha imbabazi zisesuye.

Yesaya 63:7

Nzajya ndata ineza y'Uhoraho, nzajya nogeza ibikorwa bye bishimishije. Nzabyogeza kubera ibyo yadukoreye, nzogeza ibikorwa byinshi yakoreye Abisiraheli, ibyo yakoze ashingiye ku mbabazi n'ineza bye.

Yeremiya 14:7

“Abantu banjye barantakira bati: ‘Nubwo ibyaha byacu bidushinja, Uhoraho, dufashe uheshe izina ryawe icyubahiro. Koko ntiduhwema kugucumuraho, imbere yawe turi abanyabyaha.

Ezekiyeli 20:13

Nyamara Abisiraheli bageze mu butayu barangomera ntibubahiriza amateka yanjye, banga n'amategeko yanjye abeshaho uyakurikiza kandi ntibubahiriza rwose isabato yanjye. Nuko mvuga ko nzabasukaho umujinya wanjye nkabatsembera mu butayu.

Daniyeli 9:5

Nyamara twakoze ibyaha tugucumuraho, twagize nabi turakugomera, twateshutse amabwiriza yawe ntitwakurikiza n'ibyemezo wafashe.

Daniyeli 9:6

Watumye abagaragu bawe b'abahanuzi ku bami bacu no ku bategetsi bacu no kuri ba sogokuruza, ndetse no ku baturage bose bo mu gihugu, ariko twabimye amatwi.

Daniyeli 9:7

Nyagasani, uri intungane! Naho twebwe kugeza ubu twakozwe n'isoni baba twebwe Abayuda, baba abaturage b'i Yeruzalemu ndetse Abisiraheli bose, baba aba hafi cyangwa aba kure mu bihugu byose wadutatanyirijemo. Tumerewe dutyo kubera ko twaguhemukiye.

Daniyeli 9:8

Koko Uhoraho, twebwe n'abami bacu n'abategetsi bacu na ba sogokuruza, dukozwe n'isoni kubera ko twagucumuyeho.

Yonasi 4:2

Maze asenga Uhoraho avuga ati: “Uhoraho! Ngicyo icyo navugaga nkiri iwacu. Ni na yo mpamvu yatumye niyemeza guherako mpungira i Tarushishi. Nari nzi ko uri Imana igirira abantu ubuntu n'imbabazi, itinda kurakara, yuje umurava, kandi yigarura ntihane.