Daniyeli 5:2 - Bibiliya Ijambo ry'imana D

² Belishazari akiyinywa, ategeka ko bamuzanira ibikoresho byo ku meza by'izahabu n'ifeza, umukurambere we Nebukadinezari yari yarasahuye mu Ngoro y'Imana i Yeruzalemu. Kwari ukugira ngo we n'ibikomangoma bye, n'abagore be n'inshoreke ze babinyweshe.

Bibiliya Yera

² Nuko Belushazari agisogongera kuri vino, ategeka ko bamuzanira ibintu by'izahabu n'ifeza, ibyo se Nebukadinezari yari yaranyaze mu rusengero rw'i Yerusalemu, kugira ngo umwami n'abatware be n'abagore be n'inshoreke ze babinyweshe.

Bibiliya Ijambo ry'imana

² Belishazari akiyinywa, ategeka ko bamuzanira ibikoresho byo ku meza by'izahabu n'ifeza, umukurambere we Nebukadinezari yari yarasahuye mu Ngoro y'Imana i Yeruzalemu. Kwari ukugira ngo we n'ibikomangoma bye, n'abagore be n'inshoreke ze babinyweshe.

Daniyeli 5:2 Iomraidhean Croise

2 Samweli 9:7

Dawidi aramubwira ati: “Humura, nzakugirira neza nitūra so Yonatani. Nzagusubiza isambu yose ya sogokuru wawe Sawuli, kandi tuzahora dusangira ku meza yanjye.”

2 Abami 24:13

Nk'uko Uhoraho yari yarabivuze, Nebukadinezari asahura ibintu by'agaciro byose mu Ngoro y'Uhoraho n'ibyo mu ngoro y'umwami. Amenagura ibikoresho byose by'izahabu, Salomo umwami wa Isiraheli yari yarakoreshereje Ingoro.

2 Abami 25:15

Uwo mutware w'abarinzi asahura n'ibindi bikoresho by'izahabu n'iby'ifeza, nk'ibyungo n'inzabya.

2 Ngoma 11:20

Nyuma Robowamu arongora Māka umukobwa wa Abusalomu, babyarana Abiya na Atayi, na Ziza na Shelomiti.

2 Ngoma 15:16

Umwami Asa avana nyirakuru Māka ku mwanya w'ubugabekazi, kuko yari yarikoreshereje inkingi yeguriwe ikigirwamanakazi Ashera. Ategeka ko bamenagura iyo nkingi bakayijanjagura, bakayitwikira ku kagezi ka Kedironi.

2 Ngoma 36:10

Umwaka ujya kurangira, Umwami Nebukadinezari atuma abantu kuzana Yoyakini i Babiloni hamwe n'umutungo wo mu Ngoro y'Uhoraho, yimika Sedekiya, se wabo wa Yoyakini kugira ngo abe umwami w'u Buyuda na Yeruzalemu.

2 Ngoma 36:18

Ibikoresho byose ari ibito ari ibinini byo mu Ngoro y'Uhoraho, n'umutungo wo mu Ngoro y'Uhoraho n'uw'umwami n'uw'ibyegera bye, byose abijyana i Babiloni.

Ezira 5:14

Yategetse no gusubizayo ibikoresho by'izahabu n'ifeza byakoreshwaga mu Ngoro y'Imana i Yeruzalemu. Nebukadinezari yari yarabinyaze abijyana i Babiloni mu ngoro ye, ariko Umwami Sirusi abisohoramo maze abishinga uwitwa Sheshibasari yari yaragize umutegetsi w'u Buyuda.

Yeremiya 27:7

Amahanga yose azamuyoboka we n'umwana we n'umwuzukuru we kugeza igihe igihugu cye kizatsindwa, hanyuma we n'abantu be bazaba inkoreragahato z'amahanga menshi n'abami bakomeye.

Yeremiya 50:35

Uhoraho aravuga ati: “Inkota nitsembe Abanyababiloniya, nitsembe abatuye Babiloni, nitsembe abayobozi baho, nitsembe n'abanyabwenge baho.

Yeremiya 52:19

Uwo mutware w'abarinzi asahura n'ibindi bikoresho by'izahabu n'iby'ifeza, ari byo ibikarayi n'ibyungo, inzabya zo kubikamo imibavu n'amabesani, ibitereko by'amatara n'ibikombe n'amasafuriya.

Daniyeli 1:2

Nyagasani amugabiza Yoyakimu umwami w'u Buyuda, n'ibikoresho bimwe byo mu Ngoro y'Imana. Nuko Nebukadinezari abijyana muri Babiloniya mu ngoro y'ibigirwamana bye, aba ari ho abishyingura.

Daniyeli 5:11

Mu gihugu cyawe hari umuntu ukoreshwa n'umwuka w'imana zitagira inenge. Ku ngoma y'umukurambere wawe basanze afite ubushishozi n'ubuhanga n'ubwenge nk'iby'imana. Umukurambere wawe, Umwami Nebukadinezari yamugize umutware w'abanyabugenge n'abapfumu, n'abahanga mu by'inyenyeri n'abazi kuragura. Nyagasani, uwo mukurambere wawe yabigenje atyo

Daniyeli 5:13

Daniyeli bamuzanira umwami maze aramubaza ati: “Ese koko ni wowe Daniyeli, umwe mu Bayuda umukurambere wanjye yazanye ho iminyago abavanye i Buyuda?

Daniyeli 5:18

Nyagasani, dore Imana Isumbabyose yahaye umukurambere wawe Nebukadinezari kwima ingoma no gukomera, imuha n'ikuzo n'icyubahiro.

Daniyeli 5:23

Dore wasuzuguye Nyagasani nyir'ijuru, watumije ibikoresho byo mu Ngoro ye, wowe n'ibikomangoma n'abagore bawe n'inshoreke zawe mubinywesha divayi. Wasingije ibigirwamana bikozwe mu ifeza no mu izahabu, no mu muringa no mu cyuma, no mu giti no mu ibuye kandi bitabona ntibyumve, ntibigire n'ubwenge! Ariko Imana ikubeshejeho ikagenga n'imibereho yawe, ntiwigeze uyihesha ikuzo.

Daniyeli 5:3

Nuko bazana ibikoresho by'izahabu byasahuwe mu Ngoro y'Imana i Yeruzalemu, umwami n'ibikomangoma bye n'abagore be n'inshoreke ze barabinywesha.

Daniyeli 5:30

Iryo joro Belishazari umwami wa Babiloniya aricwa.

Daniyeli 5:4

Bityo banywa divayi, basingiza ibigirwamana bikozwe mu izahabu no mu ifeza, no mu muringa no mu cyuma, no mu giti no mu ibuye.