Daniyeli 11:40 - Bibiliya Ijambo ry'imana D

⁴⁰ “Mu gihe giheruka umwami wa Misiri azamutera, ariko umwami wundi azamugwa gitumo avuye mu majyaruguru, azanye ingabo nyinshi zirwanira mu magare y'intambara no ku mafarasi no mu mato menshi. Azatera ibihugu abisandaremo nk'umwuzure.

Bibiliya Yera

⁴⁰ “Nuko mu gihe cy'imperuka umwami w'ikusi azamutera, kandi umwami w'ikasikazi azamutera ameze nka serwakira, azanye amagare n'amafarashi n'inkuge nyinshi atere ibihugu, abisandaremo nk'umwuzure w'amazi,

Bibiliya Ijambo ry'imana

⁴⁰ “Mu gihe giheruka umwami wa Misiri azamutera, ariko umwami wundi azamugwa gitumo avuye mu majyaruguru, azanye ingabo nyinshi zirwanira mu magare y'intambara no ku mafarasi no mu mato menshi. Azatera ibihugu abisandaremo nk'umwuzure.

Daniyeli 11:40 Iomraidhean Croise

Yesaya 21:1

Ubu ni ubutumwa bwagenewe abaturiye ubutayu bwegereye inyanja. Nk'uko serwakira yambukiranya mu majyepfo, ni ko umwanzi aturutse mu butayu cya gihugu giteye ubwoba.

Yesaya 5:28

Imyambi yabo iratyaye, imiheto yabo yose irarēze. Ibinono by'amafarasi yabo bikomeye nk'amabuye, ibiziga by'amagare yabo byihuta nka serwakira.

Yesaya 66:15

Dore Uhoraho agendera mu muriro, amagare ye y'intambara ameze nka serwakira. Aje afite uburakari bukaze, aje gucyaha afite uburakari bugurumana.

Yeremiya 4:13

Dore umwanzi aje nk'igicu, amagare ye y'intambara ariruka nka serwakira, amafarasi ye araguruka kurusha kagoma, tugushije ishyano turarimbutse!

Ezekiyeli 38:4

Ngiye gushyira inkonzo mu nzasaya zawe maze ngukurubane. Nzakwirukana mu gihugu cyawe hamwe n'ingabo zawe zose: amafarasi yawe n'abayagenderaho bambaye imyambaro y'intambara, n'abasirikari bawe benshi bitwaje ingabo nini n'into kandi bamenyereye kurwanisha inkota.

Ezekiyeli 38:9

Wowe n'ingabo zawe zose n'amahanga menshi, muzazamuka mutere icyo gihugu mumeze nk'inkubi y'umuyaga cyangwa nk'igihu kibuditse.’ ”

Daniyeli 11:10

“Abahungu b'uwo mwami bazakoranya ingabo nyinshi cyane zigabe ibitero, zisandare ku mupaka nk'umwuzure. Zizarwana inkundura kugeza ubwo zizigarurira ikigo ntamenwa cy'abanzi.

Daniyeli 11:11

Ibyo bizarakaza cyane Umwami wa Misiri na we atere umwami wa Siriya, nubwo ingabo za Siriya zizaba ari nyinshi umwami wa Misiri azazitsinda,

Daniyeli 11:13

Umwami wa Siriya azamara imyaka akoranya izindi ngabo nyinshi kurusha iza mbere, maze amanuke afite ingabo nyinshi n'intwaro nyinshi.

Daniyeli 11:22

Ingabo zizasandara imbere ye nk'umwuzure ariko ntizizashobora kumutsinda, azazitsemba zose, azica n'Umutambyi mukuru wubahiriza Isezerano ry'Imana.

Daniyeli 11:25

“Azaterana imbaraga n'ubutwari umwami wa Misiri, afite ingabo nyinshi. Umwami wa Misiri na we azatabarana ingabo nyinshi kandi zikomeye cyane bahangane, ariko ntazatsinda kuko azaba yagambaniwe.

Daniyeli 11:35

Bamwe mu bazi gushishoza bazicwa, bitume bagenzi babo bitunganya biboneze babe abere bategereje ko icyo gihe cy'ibyago gishira, dore ko igihe cyagenwe kizaba kitaragera.

Daniyeli 11:39

Azatera ibigo ntamenwa yibwira ko iyo mana y'abanyamahanga imushyigikiye. Abazayiyoboka azabahesha ikuzo ryinshi, azabagabira amasambu kandi abahe gutegeka abantu benshi.

Daniyeli 11:7

“Icyo gihe umwe muri basaza be azima ingoma mu Misiri maze atere ingabo z'umwami wa Siriya, azirwanye azihashye yigarurire ikigo ntamenwa cye.

Daniyeli 12:4

Naho rero wowe Daniyeli, iki gitabo gifungishe ikimenyetso kugira ngo ubutumwa burimo bubikwe neza kugeza igihe cy'imperuka. Bityo kizaramba gisomwe n'abantu benshi barusheho gusobanukirwa.”

Daniyeli 12:9

Aransubiza ati: “Daniyeli we, igendere! Ubutumwa naguhaye ubugire ibanga kuzageza igihe cy'imperuka.

Daniyeli 8:17

Nuko aranyegera maze ngira ubwoba nikubita hasi nubamye. Arambwira ati: “Wa muntu we, usobanukirwe ko ibyo weretswe byerekeye igihe cy'imperuka.”

Habakuki 3:14

wamurashishije imyambi ye bwite. Abanzi baduteye bihuta nka serwakira, bishimiye guca ibico byo gutsemba abanyabyago.

Zekariya 9:14

Uhoraho aziyerekana hejuru y'abantu be, imyambi ye igende nk'umurabyo. Uhoraho Nyagasani azavuza impanda, aze mu ishuheri ituruka mu majyepfo.

Ibyahisuwe 16:12

Umumarayika wa gatandatu asuka urwabya rwe mu ruzi rugari rwa Efurati, amazi yarwo ahita akama kugira ngo abami baturutse iburasirazuba babone inzira.

Ibyahisuwe 9:16

Mbona n'abasirikari bahetswe n'amafarasi, numva bavuga umubare wabo ko ari miliyoni magana abiri.