Obadiya 1:1 - Bibiliya Ijambo ry'imana

¹ Ubuhanuzi bwa Obadiya, ni ibyo Nyagasani Uhoraho yavuze byerekeye Abedomu. Intumwa yoherejwe mu mahanga, twumva itangaza ubutumwa bw'Uhoraho ngo: “Nimuhaguruke tujye kurwanya Abedomu.”

Bibiliya Yera

¹ Ibyo Obadiya yeretswe. Ibi ni byo Uwiteka Imana ivuga kuri Edomu: Twumvise ubutumwa buvuye ku Uwiteka, kandi intumwa yatumwe mu mahanga ati “Nimuhaguruke kandi natwe duhaguruke dutere ubwo bwoko.

Bibiliya Ijambo ry'imana D

¹ Ubuhanuzi bwa Obadiya, ni ibyo Nyagasani Uhoraho yavuze byerekeye Abedomu. Intumwa yoherejwe mu mahanga, twumva itangaza ubutumwa bw'Uhoraho ngo: “Nimuhaguruke tujye kurwanya Abedomu.”

Kinyarwanda Bibiliya Ntagatifu

¹ Ibonekerwa rya Obadiya. Nyagasani Uhoraho avuze atya kuri Edomu: Twumvise ubutumwa buturutse kuri Uhoraho, kandi n’intumwa yoherejwe mu mahanga kuyabwira iti «Nimuhaguruke dutere uwo muryango! Twese tujye ku rugamba!»

Obadiya 1:1 Iomraidhean Croise

Itangiriro 25:30

aramubwira ati: “Ndashonje cyane! Mpa kuri iyo supu itukura utetse!” (Ni cyo cyatumye bamuhimba Edomu).

Itangiriro 36:8

Ni cyo cyatumye Ezawu ari we Edomu, ajya gutura mu misozi ya Seyiri.

Itangiriro 36:9

Dore abakomoka kuri Ezawu, sekuruza w'Abedomu batuye mu misozi ya Seyiri.

Zaburi 137:7

Uhoraho, uzirikane Abedomu, uzirikane ibyo bavuze igihe i Yeruzalemu haterwaga, baravuze bati: “Nimuhasenye, nimuhasenye mugeze ku mfatiro zaho!”

Yesaya 21:11

Ubu ni ubutumwa bwagenewe Edomu. Ijwi riturutse i Seyiri rimbaza riti: “Mbese munyezamu, ijoro rigeze he? Mbese munyezamu, ijoro rigeze he?”

Yesaya 21:12

Nuko ndasubiza nti: “Bugiye gucya bwongere bwire, niba ushaka kongera kumbaza ugaruke.”

Yesaya 30:4

Koko abategetsi banyu bageze i Sowani, intumwa zanyu zigeze i Hanesi.

Yeremiya 25:17

Nuko Uhoraho ampereza icyo gikombe ncyuhira amahanga yose Uhoraho yanyoherejemo.

Yeremiya 25:21

Nkurikizaho Abedomu n'Abamowabu n'Abamoni,

Yeremiya 51:46

“Ntimukurwe umutima n'impuha mwumva, ntizikabatere ubwoba. Dore buri mwaka haduka impuha, haduka impuha z'ubugizi bwa nabi mu gihugu, ni impuha zerekeye abayobozi basubiranamo.”

Ezekiyeli 35:1

Uhoraho arambwira ati:

Mika 2:13

Nyamara Uhoraho azabarangaza imbere abatazurire inzira, muzaromboreza munyure mu irembo ry'umujyi musohoke, Uhoraho Umwami wanyu azabarangaza imbere.

Matayo 24:6

Mugiye kuzumva urusaku rw'intambara ziri hafi n'amakuru y'intambara za kure. Muramenye ntibizabakure umutima. Ibyo bizagomba kuba ariko si byo herezo.

Mariko 13:7

Nimwumva urusaku rw'intambara ziri hafi n'amakuru y'intambara za kure, ntibizabakure umutima. Ibyo bizagomba kuba ariko si byo herezo.