Ibyakozwe 1:8 - Bibiliya Ijambo ry'imana

⁸ Icyakora Mwuka Muziranenge nabazaho muzahabwa ububasha. Bityo muzaba abagabo bo guhamya ibyanjye i Yeruzalemu no muri Yudeya hose, no muri Samariya ndetse no kugeza ku mpera z'isi.”

Bibiliya Yera

⁸ Icyakora muzahabwa imbaraga Umwuka Wera nabamanukira, kandi muzaba abagabo bo kumpamya i Yerusalemu n'i Yudaya yose n'i Samariya, no kugeza ku mpera y'isi.”

Bibiliya Ijambo ry'imana D

⁸ Icyakora Mwuka Muziranenge nabazaho muzahabwa ububasha. Bityo muzaba abagabo bo guhamya ibyanjye i Yeruzalemu no muri Yudeya hose, no muri Samariya ndetse no kugeza ku mpera z'isi.”

Kinyarwanda Bibiliya Ntagatifu

⁸ ahubwo mugiye guhabwa imbaraga za Roho Mutagatifu uzabazamo, bityo muzambere abahamya i Yeruzalemu, muri Yudeya yose no muri Samariya, ndetse no kugera ku mpera y’isi.»

Ibyakozwe 1:8 Iomraidhean Croise

Zaburi 22:27

Icyo gihe aboroheje bazarya bahage, abayoboke b'Uhoraho bazamusingiza. Nibarambe iteka ryose!

Zaburi 98:3

Yibutse ko yiyemeje kugirira Abisiraheli ineza n'umurava, abo ku mpera z'isi bose biboneye ko Imana yacu yatsinze.

Yesaya 42:10

Nimuririmbire Uhoraho indirimbo nshya, abatuye isi mwese nimumuhimbaze, abasare bo mu nyanja n'ibiyirimo byose nimumuhimbaze, abatuye ibihugu bya kure nibamuhimbaze.

Yesaya 49:6

Uhoraho yarambwiye ati: “Ntibiguhagije kuzahūra urubyaro rwa Yakobo, kugarura abarokotse ba Isiraheli na byo ntibihagije kugira ngo umbere umugaragu. Ahubwo nkugize n'urumuri rwo kumurikira amahanga, uzageza agakiza kanjye ku mpera z'isi.”

Yesaya 52:10

Uhoraho agaragarije amahanga yose ububasha bwe buzira inenge, isi yose izabona agakiza k'Imana yacu.

Yesaya 66:19

Nzashyira ikimenyetso hagati yabo, abazarokoka muri bo nzabohereza mu mahanga ari yo Tarushishi na Puti na Ludi, ibihugu by'abahanga mu kurasa imyambi. Nzabohereza n'i Tubali no mu Bugereki no mu bihugu bya kure bitaramenya ububasha n'ikuzo byanjye. Bazatangaza ikuzo ryanjye muri ayo mahanga.

Yeremiya 16:19

Uhoraho, ni wowe mbaraga zanjye n'ubwihisho bwanjye, ni wowe buhungiro bwanjye mu gihe cy'amakuba. Amahanga azakugana, azaturuka mu mpera z'isi avuga ati: “Ba sogokuruza nta kindi bari bafite uretse imana z'ibinyoma, nta kindi bari bafite uretse ibigirwamana bitagira umumaro.

Mika 3:8

Nyamara jyewe Mwuka w'Uhoraho yanyujuje ubushobozi, nujujwemo ubutabera n'ububasha, bityo ncyaha abakomoka kuri Yakobo kubera ibicumuro byabo, abo Bisiraheli ndabacyaha kubera ibyaha bakora.

Zekariya 4:6

Wa mumarayika ambwira kandi kugeza ubu butumwa kuri Zerubabeli ati: “Uhoraho Nyiringabo aravuze ati: ‘Ububasha bwawe cyangwa imbaraga zawe, si byo bizagushoboza umurimo wanjye, ahubwo uzawushobozwa na Mwuka wanjye.’

Matayo 24:14

Ubu Butumwa bwiza bw'ubwami bw'ijuru buzamamazwa ku isi yose bubere amahanga yose ubuhamya, noneho rero imperuka igere.

Matayo 28:19

Nuko rero nimugende muhindure abo mu mahanga yose babe abigishwa banjye, mubabatize mu izina rya Data n'Umwana we na Mwuka Muziranenge,

Mariko 16:15

Nuko arababwira ati: “Nimujye ku isi hose mwamamaze Ubutumwa bwiza mu bantu bose.

Luka 1:35

Umumarayika aramusubiza ati: “Mwuka Muziranenge azakuzaho, n'ububasha bw'Imana Isumbabyose bukubumbatire. Ni cyo gituma umwana uzabyara azaba umuziranenge, yitwe Umwana w'Imana.

Luka 10:19

Dore nabahaye ubushobozi bwo kuribata inzoka kimwe n'indyanishamurizo, no gutsinda ububasha bwose bwa Satani kandi nta kizagira icyo kibatwara.

Luka 24:29

Ariko baramwinginga bati: “Reka tugumane, dore umunsi uciye ikibu ndetse burije.” Nuko arinjira ngo ararane na bo.

Yohana 15:27

Namwe kandi muzambera abagabo kuko turi kumwe uhereye mbere na mbere.

Ibyakozwe 1:22

uhereye ubwo Yohani yabatizaga ukageza ku munsi Yezu yadukuriwemo akajya mu ijuru. Umwe muri bo ni we uzafatanya natwe, kugira ngo abe umugabo wo guhamya izuka rye.”

Ibyakozwe 1:5

Yohani we yabatirishaga amazi, ariko mu minsi mike muzabatirishwa Mwuka Muziranenge.”

Ibyakozwe 13:31

Amara iminsi myinshi abonekera abo bari baragendanye kuva i Galileya kugera i Yeruzalemu, ubu ni bo bagabo bo guhamya ibyo muri rubanda.

Ibyakozwe 2:32

Yezu uwo rero Imana yaramuzuye, twese turi abagabo bo kubihamya.

Ibyakozwe 22:15

kuko uzayibera umugabo kugira ngo ubwire abantu bose ibyo wabonye n'ibyo wumvise.

Ibyakozwe 3:15

Nuko uwo Mugaba w'ubugingo we muramwica, ariko Imana iramuzura. Ni twe bagabo bo kubihamya.

Ibyakozwe 4:33

Nuko Intumwa za Kristo zikomeza guhamya ibyerekeye izuka rya Nyagasani Yezu zibivugana ububasha bukomeye, maze Imana isesekaza umugisha kuri bose.

Ibyakozwe 5:32

Turi abagabo bo kubihamya – twe na Mwuka Muziranenge, uwo Imana yahaye abayumvira.”

Ibyakozwe 6:8

Sitefano wari waragiriye umugisha ku Mana ikamuha n'ububasha bwinshi, yakoraga ibitangaza agatanga n'ibimenyetso bikomeye muri rubanda.

Ibyakozwe 8:1

Ibyo kwica Sitefano Sawuli yari abishyigikiye. Uwo munsi Abakristo b'i Yeruzalemu batangira gutotezwa bikomeye. Uretse Intumwa, bose batatanira mu ntara ya Yudeya n'iya Samariya.

Abaroma 10:18

Noneho ndabaza. Mbese abantu ntibumvise ubwo butumwa? Yee, barabwumvise. Ibyanditswe biravuga ngo: “Ijwi ryabwo ryasakaye ku isi yose, ubutumwa bwageze ku mpera zayo.”

Abaroma 15:19

kimwe n'ibimenyetso n'ibitangaza byakorewe muri bo, ndetse n'ububasha bwa Mwuka w'Imana. Bityo kuva i Yeruzalemu kugera muri Iliriya, inzira yose naje namamaza byimazeyo Ubutumwa bwiza bwa Kristo.

Abakolosayi 1:23

Icyakora mukomere ku byo twemera, mubyishingikirizeho mutajegajega, ari nta kibatesha kwiringira Ubutumwa bwiza mwumvise. Ubwo ni Ubutumwa bwatangarijwe abo ku isi yose, ari bwo jyewe Pawulo nahawe kwamamaza.