Daniyeli 9:27 - Bibiliya Ijambo ry'imana

²⁷ Mu gihe cy'imyaka irindwi uwo mutegetsi azategekesha igitugu abantu benshi. Nyuma y'imyaka itatu n'igice, azakuraho ibitambo n'amaturo batura Imana. Ku munara w'Ingoro yayo azahashyira igiterashozi kirimbuzi, kizahaba kugeza igihe uwagishyizeho azarimburwa nk'uko Imana yabitegetse.”

Bibiliya Yera

²⁷ Uwo mutware azasezerana na benshi isezerano rikomeye, rimare icyumweru kimwe. Nikigera hagati azabuzanya ibitambo n'amaturo, umurimbuzi azaza ku ibaba ry'ibizira, maze kugeza ku mperuka yategetswe uburakari buzasandazwa kuri uwo murimbuzi.”

Bibiliya Ijambo ry'imana D

²⁷ Mu gihe cy'imyaka irindwi uwo mutegetsi azategekesha igitugu abantu benshi. Nyuma y'imyaka itatu n'igice, azakuraho ibitambo n'amaturo batura Imana. Ku munara w'Ingoro yayo azahashyira igiterashozi kirimbuzi, kizahaba kugeza igihe uwagishyizeho azarimburwa nk'uko Imana yabitegetse.”

Daniyeli 9:27 Iomraidhean Croise

Yesaya 28:15

Muravuga muti: “Twagiranye isezerano n'urupfu, twahanye igihango n'ikuzimu. Bityo icyago nikiza ntikizatugeraho, twishingikirije ku kinyoma n'uburiganya.”

Yesaya 28:22

None rero nimureke guhinyura iyo miburo, hato mutava aho murushaho kwishyira mu kaga. Koko Nyagasani Uhoraho Nyiringabo yabimbwiye, yafashe icyemezo kidakuka cyo gutsemba igihugu cyose.

Yesaya 42:6

“Jyewe Uhoraho naguhamagariye guharanira ubutungane, nzagushyigikira nkurinde, nzagirana Isezerano n'abantu ndikunyujijeho, uzaba urumuri rwo kumurikira amahanga.

Yesaya 53:11

Uhoraho aravuze ati: “Umugaragu wanjye namara kubabazwa azanezerwa, azishimira imbuto z'umubabaro we. Umugaragu wanjye w'intungane azakoresha ubumenyi, azabukoresha atume benshi baba intungane, azigerekaho ibicumuro byabo.

Yesaya 55:3

Bantu banjye, nimunyumve munsange, nimunyumve muzabaho. Nzagirana namwe Isezerano rihoraho, nzabaha ibyiza nasezeraniye Dawidi.

Yeremiya 7:30

Uhoraho aravuga ati: “Abayuda bakoreye ibibi imbere yanjye, bashyize ibigirwamana byabo bizira mu Ngoro yanyeguriwe, maze barayihumanya.

Daniyeli 11:31

Azohereza ingabo ze zihumanye ikigo cy'Ingoro y'Imana, zibuze gutamba ibitambo bya buri munsi kandi zishyireho igiterashozi kirimbuzi.

Daniyeli 11:36

“Wa mwami azajya akora icyo yishakiye, azishyira hejuru yikomeze kuruta imana zose, ndetse azasebya n'Imana nyamana ku buryo bukabije. Azabikora kugeza ubwo uburakari bwe buzaba bushize, kuko Imana yari yaremeje ko bizagenda bityo.

Daniyeli 12:11

Kuva igihe ibitambo bya buri munsi bizahagarikwa hagashyirwaho igiterashozi kirimbuzi, hazashira iminsi igihumbi na magana abiri na mirongo cyenda.

Daniyeli 7:25

Azatuka Isumbabyose kandi azatoteza intore zayo, azafata umugambi wo guhindura iminsi mikuru n'amategeko byayo. Uwo mwami azatoteza intore z'Imana igihe cy'imyaka itatu n'igice.

Daniyeli 8:13

Ngiye kumva numva umumarayika aravuze, undi aramubwira ati: “Dore nawe muri iryo bonekerwa, ibitambo bya buri munsi ntibigitambwa, ubugome bwabaye kirimbuzi, Ingoro y'Imana barayigaruriye, ingabo zayo na zo barazitsembye. Ese ibyo bizagumaho bigeze ryari?”

Hoseya 3:4

Koko Abisiraheli bazamara iminsi myinshi badafite umwami cyangwa umutware. Nta gitambo bazatamba, ntibazasenga inkingi z'amabuye, ntibazagira ibikoresho byo gufindura ubushake bw'Imana.

Matayo 24:15

“Nimubona cya ‘Giterashozi kirimbuzi’ cyavuzwe n'umuhanuzi Daniyeli gihagaze mu Ngoro y'Imana – usoma ibi abyumve neza -

Matayo 26:28

Aya ni amaraso yanjye ahamya Isezerano [rishya] Imana igiranye n'abayo, amenwe ku bw'abantu benshi kugira ngo bababarirwe ibyaha.

Matayo 27:51

Nuko mu Ngoro y'Imana umwenda wakingirizaga Icyumba kizira inenge cyane utabukamo kabiri, uhereye hejuru ukageza hasi. Isi iratingita, ibitare biriyasa.

Mariko 13:14

“Nimubona cya ‘Giterashozi kirimbuzi’ gihagaze aho kitagomba kuba – usoma ibi abyumve neza – icyo gihe abazaba bari muri Yudeya bazahungire mu misozi.

Luka 21:20

“Ubwo muzabona Yeruzalemu igoswe n'ingabo, muzamenye ko igiye kurimbuka bidatinze.

Luka 21:24

Bazashirira ku nkota, abandi bajyanwe ho iminyago mu mahanga yose, Yeruzalemu iribatwe n'abanyamahanga kugeza igihe barangirije ibyabazanye.

Abaroma 11:26

Uko ni ko urubyaro rwose rwa Isiraheli ruzakizwa, nk'uko Ibyanditswe bivuga ngo “Umutabazi azava i Siyoni, atsembe ubugome mu bakomoka kuri Yakobo.

Abaroma 5:15

Icyakora igicumuro cya Adamu nta wakigereranya n'impano Imana itanga. Ni ukuri igicumuro cy'umuntu umwe cyateje rubanda rwose urupfu. Nyamara ubuntu bw'Imana mbega ukuntu buhebuje, kimwe n'impano igabira abantu bayikesha umuntu umwe Yezu Kristo, ikarushaho gusakara muri rubanda!

Abaroma 5:19

Koko rero nk'uko kutumvira Imana k'umuntu umwe kwatumye rubanda baba abanyabyaha, ni na ko kumvira k'umuntu umwe kuzahesha rubanda gutunganira Imana.

Abeheburayo 9:28

Ni na ko Kristo yatambwe rimwe rizima, yigeretseho ibyaha by'abantu benshi. Ahasigaye azagaruka ubwa kabiri atazanywe no gukuraho ibyaha, ahubwo azaniye abamutegereje agakiza.