Daniyeli 9:14 - Bibiliya Ijambo ry'imana

¹⁴ Koko Uhoraho Mana yacu, nta cyari kukubuza kuduteza ibyo byago kuko uri intungane mu byo ukora byose. Naho twebwe ntabwo twakumviye.

Bibiliya Yera

¹⁴ Ni cyo cyatumye Uwiteka atugenera ibyo byago akabiduteza, kuko Uwiteka Imana yacu ari yo ikiranuka mu mirimo yayo yose ikora, ariko twe ntituyumvira.

Bibiliya Ijambo ry'imana D

¹⁴ Koko Uhoraho Mana yacu, nta cyari kukubuza kuduteza ibyo byago kuko uri intungane mu byo ukora byose. Naho twebwe ntabwo twakumviye.

Daniyeli 9:14 Iomraidhean Croise

2 Ngoma 12:6

Abayobozi b'Abisiraheli ndetse n'umwami bicisha bugufi baravuga bati: “Uhoraho ni Intungane.”

Ezira 9:15

Uhoraho Mana ya Isiraheli, koko uri intabera no muri iyi minsi waradusize tuba itsinda ry'abasigaye. Nubwo ibicumuro byacu biduhama turi imbere yawe, nyamara ntitwari dukwiye kuguhagarara imbere.”

Nehemiya 9:33

Muri ibyo byose byatugezeho twese, wagaragaje ko uri intabera n'indahemuka, naho twebwe twagiye duhemuka.

Zaburi 111:7

Ibikorwa bye birangwa n'umurava n'ubutabera, amategeko ye yose ni ayo kwiringirwa.

Zaburi 116:5

Uhoraho agira ibambe akaba n'intungane, erega Imana yacu yuje impuhwe!

Zaburi 119:137

Uhoraho, uri intungane, ibyemezo wafashe na byo biraboneye.

Zaburi 51:14

Unsubizemo ibyishimo by'uko wankijije, unshyigikire kubera ubuntu ugira.

Iyimukamisiri 9:27

Umwami wa Misiri ahamagaza Musa na Aroni arababwira ati: “Ubu bwo nacumuye, Uhoraho ni we uri mu kuri naho jye n'abantu banjye twarafuditse.

Yeremiya 12:1

Uhoraho we, uri intungane, nyamara mfite icyo ngushinja. Koko rero ndashaka kukubaza ibyerekeye ubutabera. Ni kuki imikorere y'abagome ibahira? Ni kuki abahemu bahirwa?

Yeremiya 31:28

Nk'uko nitaye ku kurandurwa, ku ihirikwa no ku irimburwa ryabo, ni na ko nzita ku iyubakwa ryabo no gukomera kwabo.

Yeremiya 4:17

kigose Yeruzalemu nk'uko abarinzi bakikiza umurima’, koko abantu baho baranyimūye.

Yeremiya 44:27

Ngiye kubahagurukira kugira ngo mbagirire nabi, aho kubagirira neza. Abayuda bose bari mu Misiri bazatsembwa n'inkota n'inzara kugeza ubwo barimbutse.

Amaganya 1:5

Abayikandamizaga barayigaruriye, abanzi bayo baridegembya. Koko rero Uhoraho yarayihannye, yayihannye ayiziza ibyaha byayo byinshi. Abaturage bayo bajyanywe ho iminyago n'abanzi bayo.

Ezekiyeli 16:43

Kubera ko wibagiwe ibyo nagukoreye igihe wavukaga, ahubwo ukandakaza kubera ibyo bikorwa byawe, nzakuryoza iyo myifatire yawe. Nzakwitura rero ibihwanye n'imigenzereze yawe. Koko rero, wakomeje uburaya ubugereka ku bindi bizira byose wakoze.” Uko ni ko Nyagasani Uhoraho avuze.

Daniyeli 4:34

None jyewe Nebukadinezari, ndaramya Umwami nyir'ijuru, ndamusingiza ndamwogeza. Ibyo akora byose biratunganye, arangwa n'ubutabera, ni we ubasha gucisha bugufi abirasi.

Daniyeli 9:7

Nyagasani, uri intungane! Naho twebwe kugeza ubu twakozwe n'isoni baba twebwe Abayuda, baba abaturage b'i Yeruzalemu ndetse Abisiraheli bose, baba aba hafi cyangwa aba kure mu bihugu byose wadutatanyirijemo. Tumerewe dutyo kubera ko twaguhemukiye.