Daniyeli 8:8 - Bibiliya Ijambo ry'imana

⁸ Isekurume y'ihene yagendaga iba ikirangirire cyane, ariko igifite ubuhangange bwayo bwose, ihembe ryayo rinini riravunika. Mu mwanya waryo hamera andi mahembe ane na yo ateye amatsiko kandi yerekeje impande zose.

Bibiliya Yera

⁸ Isekurume y'ihene igira imbaraga nyinshi cyane, imaze gukomera iryo hembe rinini riravunika, mu cyimbo cyaryo hamera andi mahembe ane agaragara cyane, yerekeye mu birere bine by'ijuru.

Bibiliya Ijambo ry'imana D

⁸ Isekurume y'ihene yagendaga iba ikirangirire cyane, ariko igifite ubuhangange bwayo bwose, ihembe ryayo rinini riravunika. Mu mwanya waryo hamera andi mahembe ane na yo ateye amatsiko kandi yerekeje impande zose.

Daniyeli 8:8 Iomraidhean Croise

2 Ngoma 26:16

Uziya amaze gukomera yishyira hejuru, bimutera kuyoba maze agomera Uhoraho Imana ye. Ndetse yinjira mu Ngoro y'Uhoraho agiye koserezayo imibavu.

Esiteri 9:4

Koko rero Moridekayi yari akomeye ibwami, kandi amatwara ye yarushagaho kugenda amenyekana mu bihugu byose. Bityo uwo mugabo Moridekayi arushaho kugenda aba igihangange.

Yeremiya 49:36

Nzabateza imiyaga iturutse mu mpande enye z'isi, nzabatatanyiriza impande zose, impunzi zabo zizakwira ibihugu byose.

Yeremiya 5:27

Uko inyoni bazuzuza mu rutete, ni ko amazu yabo yuzuye ibyibano. Ibyo bibatera gukomera no gukungahara,

Ezekiyeli 16:7

Nagukujije nk'igiti cyo mu gasozi urakura, uragimbuka uba inkumi nziza cyane, upfundura amabere, imisatsi yawe irakura, nyamara wari wambaye ubusa.

Ezekiyeli 28:9

Ubwo se uzongera kuvuga ko uri imana, igihe bazaba baje kukurimbura? Nyamara igihe uzaba uhanganye n'abo bicanyi, uzamenya ko uri umuntu buntu utari Imana.

Daniyeli 11:4

Namara gukomera cyane, ubwami bwe buzasenyuka bwicemo ibice bine, ntazasimburwa n'abamukomokaho ahubwo ubwami bwe buzagabirwa abandi, kandi bo ntibazakomera nk'uko we yari akomeye.

Daniyeli 4:31

Imyaka irindwi ishize, jyewe Nebukadinezari nibuka Imana maze ngarura akenge. Nuko nsingiza Imana Isumbabyose, nshima Uhoraho kandi muhesha ikuzo nti: Ubutegetsi bwe buzahoraho iteka, ingoma ye izahoraho uko ibihe bihaye ibindi.

Daniyeli 5:20

Ariko yaje kwishyira hejuru arinangira ahinduka umunyagasuzuguro, kubera ibyo avanwa ku ngoma yamburwa n'ikuzo.

Daniyeli 7:2

uko byakurikiranye: mu ibonekerwa ryanjye nijoro ndyamye, nabonye imiyaga iturutse impande zose ihungabanya inyanja ngari.

Daniyeli 7:6

Nkomeza kwitegereza mbona igikōko cya gatatu, cyasaga n'ingwe, cyari gifite amababa ane ku mugongo nk'ay'igisiga n'imitwe ine, kandi gihabwa ububasha.

Daniyeli 8:22

Iryo hembe rimaze kuvunika andi ane yameze aho ryari riri, ni yo ashushanya ubwami bune buzahangwa n'Abagereki, ariko ntibuzakomera nk'ubw'ingenzi bwabubanjirije.

Daniyeli 8:5

Nkibaza ibyo nari maze kubona, mbona isekurume y'ihene iturutse iburengerazuba; iza yamagira ku isi yose idakoza amaguru hasi. Iyo sekurume yari ifite ihembe riteye amatsiko ryameze hagati y'amaso.

Daniyeli 8:7

Nuko mbona isekurume irakaye ishyikiriye ya mpfizi, irayisekura iyivuna amahembe abiri, impfizi ntiyashobora kuyihangara, maze isekurume iyikubita hasi irayiribata habura uwayitabara.

Matayo 24:31

Azatuma abamarayika be bavuza impanda nyamunini, bakoranye abo yitoranyirije babavane iburasirazuba n'iburengerazuba, mu majyaruguru no mu majyepfo, kuva aho ijuru ritangirira kugera mu mpera zaryo.

Mariko 13:27

Ni bwo azatuma abamarayika gukoranya abo yitoranyirije babavane iburasirazuba n'iburengerazuba, mu majyaruguru no mu majyepfo, kugera aho isi n'ijuru bigarukira.

Ivugururamategeko 31:20

Nzabageza mu gihugu gitemba amata n'ubuki nk'uko nabisezeranyije ba sekuruza, bazahabona ibyokurya bihagije bamererwe neza. Ariko bazanyimūra bayoboke izindi mana, bazansuzugura bice Isezerano nagiranye na bo.

Ibyahisuwe 7:1

Hanyuma mbona abamarayika bane bahagaze mu mpande enye z'isi. Bari bafashe imiyaga ine ihaturuka, kugira ngo hatagira n'umwe muri yo uhuha ku isi cyangwa ku nyanja, cyangwa ku giti icyo ari cyo cyose.